<p><span style="color: #000000;"><strong>(វ៉ាស៊ីនតោន)៖</strong> អ្នកនិពន្ធសៀវភៅពីររូប គឺលោក Darwin Porter និងលោក Danforth Prince បានចេញផ្សាយនូវ របាយការណ៍ មួយពាក់ព័ន្ធនឹង អតីតប្រធានាធិបតី សហរដ្ឋអាមេរិកលោក ប៊ីល គ្លីនតុន ដែលអាចនឹងធ្វើឱ្យប៉ះពាល់ដល់ យុទ្ធនាការឃោសនាបោះឆ្នោត របស់លោកស្រី ហ៊ីល ឡារីគ្លីនតុន។ នេះបើតាមការចុះផ្សាយរបស់គេហ័ទំព័រ The Political Insider ចេញផ្សាយថ្មីៗនេះ។</span></p>
<p><span style="color: #000000;"><br /><a class="thickbox" title="" href="/FileManager/Commons/2016/10/8/12b-08-10-2016--10-48-34.jpg"><img src="/FileManager/Articles/mce/2016/10/8/12b-08-10-2016--10-48-34.jpg" alt="" /></a><br /></span></p>
<p><span style="color: #000000;">នៅក្នុងសៀវភៅមួយមានចំណងជើងថា Bill & Hillary: So This is That Thing Called Love អ្នកនិពន្ធទំាងពីរនាក់នេះបាន និយាយថា អតីតប្រធានាធិបតី សហរដ្ឋអាមេរិក និងជាស្វាមីរបស់លោកស្រី គ្លីនតុន គឺលោក ប៊ីល គី្លនតុន ធ្លាប់បានរួមរ័ក្ស ជាមួយនឹងស្រីជាច្រើននាក់ ដោយមិនដែលប្រើស្រោមអនាម័យឡើយ ហើយលោកស្រីគ្លីនតុនផ្ទាល់ក៏បានបង្ខំជាច្រើនលើក ឱ្យស្វាមីរបស់ខ្លួន ទៅធ្វើតេស្ដឈាម រកមេរោគអេដស៍ផងដែរ។</span></p>
<p><span style="color: #000000;">ក្រោយមកទៀតបើទោះជាការធ្វើតេស្ដឈាមដំបូងបង្ហាញថា គ្មានមេរោគអេដស៍ក៏ដោយ ប៉ុន្តែរឿងនេះនៅតែស្ថិតក្នុង ភាពអាថ៌កំបាំង ខណៈប្ដីប្រពន្ធ គ្លីនតុនទំាងពីរ បានរក្សាទុកយ៉ាងសម្ងាត់នូវ កំណត់ហេតុវេជ្ជសាស្ត្រ។ លើសពីនេះទៅលោក ប៊ីល គ្លីនតុន ធ្លាប់បានពន្យល់ថា ការផ្លាស់ប្ដូររូបរាងកាយយ៉ាងឆាប់រហ័សរបស់លោក គឺដោយសារការវះកាត់បេះដូង និង របបអាហារ របស់លោក។ តែយ៉ាងណានៅពេលចូលរួមយុទ្ធការ ឃោសនាបោះឆ្នោត របស់លោកស្រី គ្លីនតុន លោក ប៊ីល គ្លីនតុន មើលទៅហាក់ដូចជាស្គម និងខ្សោយកម្លំាង។</span></p>
<p><span style="color: #000000;">គួររំលឹកថា អតីតប្រធានាធិបតី សហរដ្ឋអាមេរិកលោក ប៊ីល គ្លីនតុន ក៏ធ្លាប់មានរឿងអាស្រូវផ្លូវភេទជាមួយ នឹងអតីតលេខា របស់ខ្លួន គឺនាង Monica Lewinsky នៅអំឡុងឆ្នាំ១៩៩៨៕</span></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ប្រភព ៖ thepoliticalinsider</span></p>