<p>ដោយរកបាន ១០៤០០០ ដុល្លារ កាលពីឆ្នាំទៅ ប្រធានាធិបតីរុស្ស៊ី លោក Vladimir Putin ក្លាយជា<br />មន្ដ្រីរដ្ឋាភិបាលមួយរូប ដែលមានប្រាក់ចំណូលទាបបំផុត ប្រចាំវិមាន Kremlin ហើយប្រាក់ចំណូល<br />របស់លោក មានចំនួនច្រើនជាងរដ្ឋមន្ដ្រីតែមួយរូបគត់។</p>
<p style="text-align: center;"><br /> <a class="thickbox" title="" href="/FileManager/Commons/2014/4/22/putin-22-04-2014--16-42-48.jpg"><img src="/FileManager/Articles/mce/2014/4/22/putin-22-04-2014--16-42-48.jpg" alt="" /></a><br />ប្រធានាធិបតី រុស្ស៊ី លោក Vladimir Putin</p>
<p><br />ប្រាក់ចំណូលសរុបរបស់លោក Vladimir Putin ក្នុងឆ្នាំ ២០១៣ គឺចំនួន ៣,៧លាន ruble (ប្រហែល<br /> ១០៤០០០ ដុល្លារអាមេរិក)។ ប្រធានាធិបតីរូបនេះ មានរថយន្ដចំនួន ៣គ្រឿង ដែលផលិតនៅ<br />ប្រទេសរុស្ស៊ី គេហដ្ឋានមួយ ទំហំ ៧៧ម៉ែត្រក្រឡា ហ្គារ៉ាសឡានមួយ និងដីមួយកន្លែង នេះបើ<br />តាមរបាយការណ៍នៃការប្រកាសទ្រព្យសម្បត្តិ នៅលើទំព័រព័ត៌មានរបស់វិមាន Kremlin ដែលចេញ<br />ផ្សាយកាលពីសប្ដាហ៍មុន។<br /><br />បើធៀបទៅនឹងឆ្នាំ ២០១២ ប្រាក់ចំណូលរបស់លោក Vladimir Putin ថយចុះ ជិត ៦០,០០០ ដុល្លារ<br />អាមេរិក។ នេះគឺជាលើកដំបូងហើយ ដែលទ្រព្យរបស់មេដឹកនាំរូបនេះ មិនត្រូវបានរួមបញ្ចូលទាំង<br />សម្បត្តិរបស់អតីតភរិយា Lyudmila ដោយសារអ្នកទាំងពីរ បានប្រកាសលែងលះគ្នា ជាផ្លូវការ ក្នុង<br />ខែនេះ។ ឆ្នាំ ២០១២ ប្រាក់ចំណូលរបស់លោកស្រី Lyudmila បានរួមចំណែក ក្នុងគ្រួសារ គឺច្រើន<br />ជាង ៣,៤០០០ដុល្លារអាមេរិក។<br /><br />ទំព័រ AFP ឱ្យដឹងថា ប្រាក់ចំណូលរបស់មេដឹកនាំរុស្ស៊ី មកដល់ពេលនេះ គឺមានចំនួនតិចជាងគេ<br /> ធៀបនឹងក្រុមមន្ដ្រីរបស់វិមាន Kremlin។<br /><br />ឧបនាយករដ្ឋមន្ដ្រីទីមួយ Igor Shuvalov សាជាថ្មីម្ដងទៀត បានជាប់ចំណាត់ថ្នាក់លេខមួយ ក្នុង<br />បញ្ជីនេះ ដោយប្រាក់ចំណូលរបស់លោក និងភរិយា គឺប្រមាណ ១៣,៤ លានដុល្លារអាមេរិក និង<br />មានគេហដ្ឋានជាច្រើនកន្លែង រួមនឹងរថយន្ដទំនើប ដូចជា limousine ជាដើម។<br /><br />នៅឆ្នាំ ២០១២ លោក Shuvalov ត្រូវបានគេចោទថា បានរំលោភលើលក្ខខណ្ឌ ស្ដីអំពីទំនាស់ផល<br />ប្រយោជន៍ ដែលពេលនោះ លោក Shuvalov ធ្វើការឱ្យរដ្ឋាភិបាល ប៉ុន្ដែបានវិនិយោគទៅក្នុងក្រុម<br />ហ៊ុនបរទេស ដើម្បីទិញយកភាគហ៊ុនរបស់ក្រុមហ៊ុន Gazprom ហើយរកបានចំណូលយ៉ាងច្រើន<br />សន្ធឹក។ យ៉ាងនេះក្ដី លោក Shuvalov បានបដិសេធការចោទប្រកាន់នេះ។</p>
<p style="text-align: center;"><a class="thickbox" title="" href="/FileManager/Commons/2014/4/22/putin1-22-04-2014--16-43-51.jpg"><img src="/FileManager/Articles/mce/2014/4/22/putin1-22-04-2014--16-43-51.jpg" alt="" /></a></p>
<p style="text-align: center;">ប្រធានាធិបតីរុស្ស៊ី លោក Putin កំពុងចាក់សាំង រថយន្ដផ្ទាល់ខ្លួន</p>
<p><br />Sergei Donskoi រដ្ឋមន្ដ្រីក្រសួងធនធានធម្មជាតិ និងបរិស្ថាន មានប្រាក់ចំណូលទាបបំផុត ក្នុង<br />ចំណោមសមាជិករដ្ឋាភិបាល ដោយរកបានត្រឹមតែ ៩៨,០០០ដុល្លារ ក្នុងឆ្នាំ ២០១៣។<br /><br />ក្រុមសកម្មជនប្រឆាំងអំពើពុករលួយ បានសាទរចំពោះសកម្មភាពរបស់រដ្ឋាភិបាលរុស្ស៊ី ដែលបានប្រកាសទ្រព្យសម្បត្តិរបស់មន្ដ្រីរដ្ឋាភិបាល ប៉ុន្ដែ ពួកគេក៏មានការសង្ស័យថា នេះគ្រាន់តែជាតួលេខដែលក្រុមមន្ដ្រីមិនអាចលាក់បានតែប៉ុណ្ណោះ៕</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ AFP/Naharnet<br /><br /></p>