<p><span style="color: #000000;"><strong>(បន្ទាយមានជ័យ)៖</strong> កីឡាករប្រដាល់សេី «ផាន់ ផាណាត» ល្បីមួយរូបប្រចាំប្រទេសកម្ពុជា ធ្លាប់បានប្រើកណ្តាប់ដៃដ៏ប៉ិនប្រសព្វ ធ្វើឲ្យដៃគូរសន្លប់ជាច្រើននាក់ រហូតប្រកួតបានខ្សែក្រវ៉ាត់៣ និងប័ណ្ណសរសើរជាច្រើននោះ ស្រាប់តែខូចចិត្តព្រោះប្រពន្ធផិតក្បត់ ដាច់ចិត្តចង-ក សម្លាប់ខ្លួនចោលកូនប្រុសស្រី៣នាក់ និងឪពុកម្តាយចាស់ជរាដើរមិនរួច។</span></p>
<p><span style="color: #000000;">ហេតុការណ៍នេះបង្កឲ្យមានការភ្ញាក់ផ្អើល នៅយប់ថ្ងៃទី១៦ ខែធ្នូ ឆ្នាំ២០១៦ នៅខាងកើតផ្សារមង្គលបូរី ស្ថិតក្នុងភូមិលួង ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ។</span></p>
<p><span style="color: #000000;">លោក រស់ សំបូរ មេបញ្ជាការអាវុធហត្ថស្រុកមង្គលបូរី បានឲ្យដឹងថា ជនរងគ្រោះមានឈ្មោះ ផាន់ ផាណាត អាយុ៣៦ឆ្នាំ។ គ្រួសាររបស់សាកសព រៀបរាប់ថា ផាន់ ផាណាត ជាកីឡាករ២៥ឆ្នាំកន្លងមកហើយ ធ្លាប់ហាត់នៅខ្លឹបគុជជលសាកីឡា ហើយចូលរួមប្រគួតអស់រយៈពេល២៥ឆ្នាំ កន្លងមកនេះធ្លាប់ប្រកួតបានរាប់រយដងតាំងជំនាន់លោក នួន ភីរម្យ លោកអេ ភូថង មកម៉្លេះហើយបានទទួលខ្សែក្រវ៉ាត់៣ស្ថាប័ន និងប័ណ្ណសរសើរ ពីសមាគមន៍កីឡាជាច្រើនទៀត។</span></p>
<p><span style="color: #000000;">ក្រុមគ្រួសារបានបញ្ជាក់ថា ផាន់ ផាណាត ឈឺបានមករស់នៅជាមួយឪពុកម្តាយ នៅស្រុកមង្គលបូរីនេះជិត១ឆ្នាំមកហើយ នៅមុនពេលកើតហេតុនោះ ផាន់ ផាណាត បានទូរស័ព្ទទៅប្រពន្ធ និងកូនរស់ភ្នំពេញដើម្បីសួរសុខទុក្ខ និងសេចក្តីនឹករលឹកពីចំងាយ ស្រាប់តែប្រពន្ធទូរស័ព្ទមកវិញថា <strong>«ខ្ញុំមានប្តីថ្មីហើយ សូមបងដាច់ចិត្តពីខ្ញុំទៅ»</strong> ប្រពន្ធមិននិយាយហេតុផល ពីរឿងខ្លួនមានប្តីថ្មីឡើយ បើចង់ដឹងសួរប្តីថ្មីខ្លួនទៅ។</span></p>
<p><span style="color: #000000;">គ្រួសារថា ចាប់ពីថ្ងៃនោះមក ផាន់ ផាណាត ខូចចិត្តយ៉ាងខ្លាំងរហូតមកដល់ថ្ងៃកើតហេតុនោះ ចេះតែនិយាយប្រាប់ឪពុកម្តាយថា <strong>«ខ្ញុំមិនរស់នៅតទៅទៀតទេ»</strong> ពេលនោះពួកគាត់ចេះតែលោមលួមកូនបើស្លាប់ តើឪពុកម្តាយមានអ្នកណាចិញ្ចឹម។ លុះនៅយប់កើតហេតុ ពួកគាត់បានចុះក្រោមផ្ទះ មួយសន្ទុះសោះស្រាប់តែ ផាន់ ផាណាត បានយកក្រម៉ាមកចង-ក នៅលើផ្ទះស្លាប់ភ្លាមៗ។</span></p>
<p><span style="color: #000000;">ស្របពេលនោះដែរ ឪពុកម្តាយរបស់កីឡាករ ផាន់ ផាណាត បានលើកម្រាមដៃដប់សំពះអង្វរដល់ថ្នាក់ដឹកនាំ និងសប្បុរសជន ក្រុងស្រុក ក្រៅស្រុក ព្រមទាំងប្រជាពលរដ្ឋ ទូទាំងប្រទេស មេត្តាជួយគាត់ផងគ្រួសារគាត់ក្រណាស់ គ្មានលុយកាត់ធ្វើបុណ្យសពឲ្យកូនប្រុសជាទីស្រឡាញ់ឡើយ៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-17-11-53-11-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-17-11-53-11-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-17-11-53-12-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-17-11-53-12-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-17-11-53-12-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-17-11-53-29-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-17-11-53-29-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-17-11-53-29-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-17-11-53-29-3.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>