<p><span style="color: #000000;"><strong>(ភ្នំពេញ)៖</strong> ក្រុមបាល់ទាត់អាជីព Cambodian Tiger បានទទួលគ្រូបង្វឹកថ្មីជំនួសតំណែងលោក ហុក សុជីវ័ន្ន ដែលទើបចាកចេញដោយសារបញ្ហាផ្ទាល់ខ្លួន កាលពីពេលថ្មីៗកន្លងទៅហើយ ដោយក្លឹបបានតែងតាំងបុរសជនជាតិជប៉ុនលោក Kenichi Yatsuhashi ធ្វើជាគ្រូបង្វឹក។ នេះបើតាមការជូនដំណឹងនៅលើទំព័រ Facebook របស់ក្លឹបដឹកនាំដោយជនជាតិជប៉ុននេះកាលពីម្សិលមិញ។</span></p>
<p><span style="color: #000000;">លោក Kenichi Yatsuhashi គឺជាគ្របង្វឹកមានបទពិសោធន៍ជោគជាំលើទីលានបាល់ទាត់។ មិនតែប៉ុណ្ណោះលោកក៏ទើបបញ្ចប់កាតព្វកិច្ចដឹកនាំក្លឹបដ៏ធំមួយ គឺក្លឹប Accra Hearts of Oak Sporting Ghana នៅក្នុងលីគកំពូលរបស់ប្រទេស Ghana មុននឹងសម្រេចមករួមរស់ជាមួយក្លឹប Cambodian Tiger សមាជិកនៃលីគកំពូលកម្ពុជានេះទៀតផង។</span></p>
<p><span style="color: #000000;">បន្ទាប់ពីមកដល់ទឹកដីកម្ពុជា និងចុះកិច្ចសន្យាដឹកនាំក្រុម Cambodian Tiger បុរសវ័យ ៤៨ឆ្នាំរូបនេះ បាននិយាយថា <strong>«ក្លឹប Cambodian Tiger បើតាមខ្ញុំសង្កេតឃើញថាគឺជាក្លឹបមួយ ដែលអាចរីកចំរើនទៅមុខយ៉ាងឆាប់រហ័ស។ ក្នុងនាមខ្ញុំជាសមាជិកក្រុមម្នាក់ ខ្ញុំនឹងខិតខំដឹកនាំក្រុមនៅលើទីលានឲ្យបានរីកចំរើន។ ក្លឹបដែលខ្ញុំកាន់មុន គឺនៅហ្គាណានោះមានភាពជោគជ័យលាយឡំនឹងភាពបរាជ័យផងដែរ។ ភាពបរាជ័យទាំងនោះ ខ្ញុំនឹងខិតខំពុះពារបំពេញចន្លោះខ្វះខាត ដើម្បីជោគជ័យនៅក្លឹប Cambodian Tiger»</strong>។</span></p>
<p><span style="color: #000000;">គួរបញ្ជាក់ថា ការតែងតាំងគ្រូបង្វឹកថ្មី ជំនួបប្អូនប្រុសបង្កើតរបស់អតីតគ្រូបង្វឹកក្រុមជម្រើសជាតិកម្ពុជាលោក ហុក វិចិត្រានេះ គឺស្របពេលលីគកំពូលកម្ពុជា នឹងចាប់ផ្ដើមនៅថ្ងៃទី១៨ ខែកុម្ភៈ ឆ្នាំ២០១៧ ខាងមុខនេះ។ ក្នុងនោះក្រុម Cambodian Tiger នឹងប្រើប្រាស់កីឡដ្ឋានខេត្តសៀមរាប ធ្វើជាផ្ទះ (Home) ទទួលភ្ញៀវក្នុងការប្រកួតជើងឯកជាតិមួយនេះ ក៏ដូចជាការប្រកួតពានរង្វាន់ Hun Sen-Cup រដូវកាលថ្មីនេះផងដែរ៕</span></p>
<p><a class="thickbox" title="" href="/FileManager/Commons/2017/2/7/22a-07-02-2017--10-27-58.jpg"><img src="/FileManager/Articles/mce/2017/2/7/22a-07-02-2017--10-27-58.jpg" alt="" /></a></p>
<p><span style="color: #000000;"><img src="http://image.freshnewsasia.com/2017/005/fn-2017-02-06-10-02-13-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>