<div class="article-content">
<p><strong>បាត់ដំបងៈ</strong> បុរស់ម្នាក់ រកស៊ីឈរ ហៅម៉ូយឲ្យស្រីៗ រកស៊ីផ្លូវភេទបានម្នាក់ ដោយត្រូវរូវគ្នា ដោយ<br />ឭពឹងឲ្យកាន់ទូរស័ព្ទ ឆួលភ្លើងមើល រាប់លុយយកមុន ឃើញឱកាសល្អ ឆក់ទូរស័ព្ទដៃ គេរត់គេច<br />ខ្លួនភ្លាម ត្រូវម្ចាស់ស្រែកឡូឡា ផ្អើលគេទាំងយប់ ត្រូវបានកម្លាំង អាវុធហត្ថ ក្រុង បាត់ដំបងស្ទាក់<br />ចាប់បានភ្លាមៗ កាលពីវេលាម៉ោង ១និង ១០នាទី រំលងអាធ្រាត្រថ្ងៃទី៨ ខែកញ្ញា ឆ្នាំ២០១៣ នៅ<br />ចំណុចភូមិកាប់គោថ្មី សង្កាត់អូរចារ ក្រុងបាត់ដំបង នាំយកមកសាកសួរ រួចកសាងសំណុំរឿង<br /> បញ្ជូនខ្លួនជន សង្ស័យទៅតុលាការ ខេត្តនៅព្រឹកថ្ងៃទី៩ ខែកញ្ញានេះដើម្បីចាត់ការបន្តតាមច្បាប់។</p>
<p>លោក សំ វីឡុង មេបញ្ចាការរងកង រាជអាវុធហត្ថក្រុង បាត់ដំបងបានឲ្យដឹងថា ជនសង្ស័យដែល<br />សមត្ថកិច្ច ឃាត់ខ្លួនបានមានឈ្មោះ រិន ប៊ុនថា ហៅខ្វែត ភេទប្រុស អាយុ២៥ឆ្នាំ មុខរបរមិនពិត<br />ប្រាកដ ស្នាក់នៅផ្ទះជួលក្នុងភូមិកាប់គោថ្មី សង្កាត់អូរចារ ក្រុងបាត់ដំបង។ ចំណែកជនរងគ្រោះ<br /> មានឈ្មោះ រឿង វ៉ាន់វី ភេទប្រុស អាយុ៣២ឆ្នាំ ជនជាតិវៀតណាម មុខរបរ ជាជាងចម្លាក់ឈើរស់<br />នៅភូមិសូភី១សង្កាត់រតនៈក្រុងបាត់ដំបង។</p>
<p>យោងតាម សម្តីស្រីរកស៊ីផ្លូវភេទ (សាក្សី) ឈ្មោះ នៅ ធា ភេទស្រី អាយុ ២២ឆ្នាំ បានបញ្ជាក់ក្នុង<br />របាយការណ៍ សមត្ថកិច្ចថានៅវេលាម៉ោង១និង១០នាទីយប់រំលងអាធ្រាត្រ ឈានចូលថ្ងៃទី៨ ខែ<br />កញ្ញា ឆ្នាំ២០១៣ ឈ្មោះរិន ប៊ុនថា ហៅខ្វែត បាននាំបុរសម្នាក់ ជនជាតិវៀតណាមមកជួបនិងព្រម<br />ព្រៀងគ្នាចង់រួមភេទជាមួយខ្លួន និងយក លុយមុនក្នុងតម្លៃ៥០.០០០រៀលភ្លាមៗនោះ ជនរងគ្រោះ<br />បានពឹងឲ្យជនសង្ស័យ កាន់ទូរស័ព្ទ ម៉ាកសាំស៊ុង ដើម្បីឆួលភ្លើងមើលរាប់លុយឲ្យខ្លួន ពេលកំពុង<br /> រាប់លុយទើបតែបាន ៣០.០០០រៀល ស្រាប់តែជនសង្ស័យ បានឆក់ទូរស័ព្ទរត់ គេចបាត់តែម្តង។<br />ភ្លាមៗនោះជន រងគ្រោះបានស្រែកឡូឡាឲ្យគេជួយហើយក៏ ឮផ្អើលសមត្ថកិច្ចរួចសមត្ថកិច្ចក៏បាន<br />ធ្វើការឃាត់ខ្លួនបានភ្លាមៗ នាំយកមកសួរចម្លើយទាំងយប់។</p>
<p>ជនសង្ស័យ បានឆ្លើយសារភាពថា ខ្លួនពិតជាបានប្រព្រឹត្តឆក់ទូរស័ព្ទ គេរត់ពិតប្រាកដមែន ហើយ<br />ត្រូវសមត្ថកិច្ច ឃាត់បានតែម្តង។</p>
<p>បច្ចុប្បន្នកម្លាំងជំនាញបានកសាងសំណុំរឿង បញ្ជូនខ្លួនជនសង្ស័យ ទៅតុលាការខេត្ត នៅព្រឹកថ្ងៃ<br />ទី៩ខែកញ្ញាឆ្នាំ២០១៣នេះដើម្បីចាត់ការបន្តតាមច្បាប់ ។ ចំណែកវត្ថុតាងទូរស័ព្ទដៃ១គ្រឿង ដែល<br />រឹបអូសបាន សមត្ថកិច្ចបានប្រគល់ ឲ្យទៅម្ចាស់ដើមវិញ៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-011/Hong-0196.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>