<p><span style="color: #000000;">ព័ត៌មានកីឡា៖ ក្រោយពីត្រូវបរាជ័យយ៉ាងអាម៉ាសមុខជាទីបំផុត ក្នុងទឹកដីរបស់ខ្លួន ដល់ទៅ ៤-០ ក្រោមថ្វី ដៃរបស់ក្លឹប Barcelona ក្នុងព្រឹត្ដិការណ៍ El Clasico កាលពីម្សិលមិញ ក្លឹប Real Madrid ដូចជាមានរឿងរកាំរកួតផ្ទៃក្នុងផងដែរ រវាងថ្នាក់ដឹកនាំ នឹងកីឡាករ លើបញ្ហានេះ ។</span></p>
<p><span style="color: #000000;">ប្រភពព័ត៌មានពីគេហទំព័រ 101greatgoals បានផ្សាយបន្ដថា ខ្សែប្រយុទ្ធដ៏ឆ្នើមបំផុត ប្រចាំនៅក្លឹប Real Madrid គឺកីឡាករ Cristiano Ronaldo បានចុចឈ្មោះ នឹងស្ដីបន្ទោសបុគ្គលម្នាក់ចំៗ ពីភាពកម្សោយនៃការដឹកនាំ ក្រុមដែលគេម្នាក់នោះគឺ លោក Rafa Benitez ដែលជាគ្រូបង្វឹកថ្មីទើបតែឡើងកាន់តំណែង កាលពីចុងរដូវកាលមុន។ </span></p>
<p><span style="color: #000000;">ប្រភពដដែលបានផ្សាយបន្ដទៀតថា Ronaldo បានឈានទៅដល់ជួបផ្ទាល់លោក Florentino Perez ហើយនិយាយថា » មិនដឹងជា Benitez ឬមួយក៏ខ្ញុំនោះទេ» ។ ក្នុងអត្ថន័យពាក្យសម្ដីដែលបានលើកឡើងនេះ ត្រូវបានគេសន្និដ្ឋានថា កីឡាករនឹងផ្ដល់ជម្រើសមួយ ដល់ក្លឹប ថារវាងអ្នកទាំងពីរមិន ដឹងថានរណាម្នាក់ ដែលនឹងត្រូវចាកចេញ ពីក្លឹប Real Madrid ។ ដោយផ្អែកលើពាក្យសម្ដី កន្លងមក កីឡាករ ក៏លើកឡើងដែរថា » Real Madrid នឹងគ្មានថ្ងៃអាចទទួលបានជ័យជំនះ នោះទេ » ហើយម្យ៉ាងវិញទៀត ក្រោយ ពីចប់ព្រឹត្ដិការណ៍ ប្រកួត El Clasico ពាក្យសម្ដីរបស់ Ronaldo ក៏ត្រូវបានគេចាប់ជាប់ ដោយកីឡាករនិយាយថា Real Madrid ពិតជាលេងអន់ខ្លាំងណាស់។ </span></p>
<p><span><span><span><span><span><a class="thickbox" title="" href="/FileManager/Commons/2015/11/23/11-23-2015-9-34-13-am-23-11-2015--09-42-10.png"><img src="/FileManager/Articles/mce/2015/11/23/11-23-2015-9-34-13-am-23-11-2015--09-42-10.png" alt="" /></a></span></span></span></span></span></p>
<p style="text-align: right;"><span><span><span><span><span>ដោយ៖ អឿ អ៊ុយ</span></span></span></span></span></p>