<div class="article-content">
<p><strong>-សមត្ថកិច្ច តាមចាប់ខ្លួនជនសង្ស័យម្នាក់ទៀត<br /></strong></p>
<p><strong>ភ្នំពេញ ៖</strong> ចោរប្លន់ប្រដាប់អាវុធម្នាក់ ក្នុងចំណោមបក្ខពួកទាំងអស់ មានគ្នាពីរនាក់ត្រូវសមត្ថកិច្ច<br /> នគរបាល ខណ្ឌដង្កោ ចាប់ខ្លួនបាននៅចំណុច ផ្លូវទំនប់ស្ទឹងព្រែកត្នោត ភូមិអង្គ សង្កាត់ប្រទះឡាង<br /> ខណ្ឌដង្កោ កាលពី វេលាម៉ោង ១៩ នឹង ២០ នាទី ថ្ងៃទី០៣ ខែឧសភា ឆ្នាំ២០១៣ បន្ទាប់ពីពួកគេ<br />បានធ្វើសកម្មភាព បាញ់ប្រហារ លើកស្រី្តម្នាក់ បណ្តាលឲ្យរងរបួស រួចប្លន់យកម៉ូតូម៉ាកហុងដា សេ<br />១២៥ មិនបានសម្រេច ហើយត្រូវសមត្ថកិច្ច ចាប់ជាប់ម្នាក់ភ្លាមៗ ។</p>
<p>លោក យឹម សារ៉ាន់ អធិការបនគរបាលខណ្ឌដង្កោ បានឲ្យដឹងថាចោរប្លន់ដែលសមត្ថកិច្ច បង្ក្រាប<br />បានខាង លើនេះ ឈ្មោះ សុទ្ធ សុធី ភេទប្រុស អាយុ ២៥ ឆ្នាំ ស្នាក់នៅភូមិដើមពោធិ៍ សង្កាត់ជ័យ<br />ជំនៈ ក្រុងតាខ្មៅ ខេត្តកណ្តាល នឹងបក្ខពួកម្នាក់ទៀត ដែលរត់រួចឈ្មោះ ភ័ក្រ អាយុជាង២០ឆ្នាំស្នាក់<br />នៅផ្ទះជួល សង្កាត់ស្ទឹងមានជ័យ ខណ្ឌមានជ័យ ។</p>
<p>លោកអធិការបានបន្តថា មុនពេលដែលសមត្ថកិច្ចឈានដល់ការឃាត់ខ្លួនឈ្មោះ សុទ្ធ សុធី គឺពួកគេ<br />បាននាំគ្នាជិះម៉ូតូមួយគ្រឿងម៉ាកសេ ១២៥ ពណ៌ខ្មៅ ស៊េរី ២០១៣ ពាក់ស្លាកលេខ តាកែវ 1H-3723<br /> ធ្វើសកម្មភាពបាញ់ចំនួន ពីរគ្រាប់ទៅលើកនារីម្នាក់ មិនទាន់បានស្គាល់អត្តសញ្ញាណ នៅចំណុចភូមិ<br />អង្គ សង្កាត់ ប្រទះឡាង ខណ្ឌដង្កោ ប្លន់យកម៉ូតូម៉ាកសេ១២៥ ពណ៌ខ្មៅពាក់ស្លាកលេខ ភ្នំពេញ1BU-<br />1008 មិនបានសម្រេច ដោយសារនារី រងគ្រោះមិនព្រមឲ្យ ។</p>
<p>ពេលនោះក្រុមជនប្រដាប់អាវុធក៏ បង្ខំចិត្តបាញ់ប្រហារចំនួនពីរគ្រាប់ ចំភ្លៅ ខាងឆ្វេង បណ្តាលឲ្យរង<br />របួសធ្ងន់ ត្រូវបញ្ជូនទៅសង្គ្រោះ បន្ទាន់នៅមន្ទីរពេទ្យកាល់ម៉ែត ភ្លាមៗ ។</p>
<p>ក្រោយពេលមានសកម្មភាពប្លន់ភ្លាមៗ សមត្ថកិច្ចមូលដ្ឋានបានទទួលពត៌មានថាមានអំពើ ប្លន់ប្រដាប់<br /> អាវុធកើតឡើង លោកអធិការដ្ឋានខណ្ឌដង្កោ បានបញ្ជាកម្លាំងអន្តរាគមន៍ ចុះពួកស្ទាក់ចាប់បាន ចោរ<br />ប្លន់ ម្នាក់ភ្លាមៗ នៅចំណុចភូមិសាស្រ្តខាងលើ ។</p>
<p>នៅចំពោះមុខសមត្ថកិច្ចឈ្មោះ សុទ្ធ សុធី បានឆ្លើយសារភាពថា ខ្លួននឹងបក្ខពួកម្នាក់ទៀតពិតជាបាន<br />ធ្វើសកម្មភាពបាញ់ ប្រហារលើនារីរងគ្រោះប្លន់យក ម៉ូតូពិតប្រាកដមែន ដោយ ខ្លួនជាអ្នកបើកម៉ូតូ<br />ហើយឈ្មោះ ភ័ក្រ ជាអ្នកដៃដល់បាញ់ប្រហារលើនារីរងគ្រោះប្លន់ យកម៉ូតូមិនបាន សម្រេច ដោយ<br />សារ អ្នកស្រុកឃើញទាន់មានសភាពជ្រូលច្របល់កើតឡើង ធ្វើឲ្យពួកខ្លួនភ័យស្លន់ ស្លោក៏នាំគ្នាជិះ<br />ម៉ូតូរត់គេច ដល់ចំណុចព្រៃស្ងាត់ ក៏ផ្តួលម៉ូតូចោលរត់ចូលព្រៃ តែត្រូវសមត្ថកិច្ចចាប់ខ្លួនគេបានម្នាក់។</p>
<p>លោក យឹម សារ៉ាន់ បានបញ្ជាក់ ថាការបង្រ្កាបករណីប្លន់ប្រដាប់អាវុធខាងលើនេះក៏មាន ការបញ្ជា<br />ផ្ទាល់ពីលោក ឧត្តមសេនីយ៍ឯក ជួន សុវណ្ណ ស្នងការនគរបាលរាជធានីភ្នំពេញ នឹងលោក ជួន ណា<br />រិន្ទ ស្នងរងការនគរបាល រាជធានីភ្នំពេញផងដែរ ។</p>
<p>អធិការនគរបាលខណ្ឌដង្កោ លោក យឹម សារ៉ាន់ បានថ្លែងឲ្យដឹងនៅព្រឹកថ្ងៃទី០៤ ខែឧសភា ឆ្នាំ<br />២០១៣នេះ កម្លាំងនគរបាលរបស់លោក បានឈានទៅឃាត់ខ្លួន ជនសង្ស័យម្នាក់ទៀតហើយ។</p>
<p>បើតាមលោកអធិការ បច្ចុប្បន្ន ជនសង្ស័យទាំងពីរនាក់ ត្រូវបានឃុំខ្លួនជាបណ្តោះអាសន្ន នៅអធិការ<br />ដ្ឋាននគរបាល ខណ្ឌដង្កោ ដើម្បីសាកសួរបន្តទៀត មុននឹងបញ្ជូនទៅកាន់ តុលាការចាត់ការតាមផ្លូវ<br />ច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0107.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0108.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0109.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0089.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0090.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0091.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0092.jpg" alt="" width="400" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0093.jpg" alt="" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>