<p><span style="color: #000000;"><strong>(ភ្នំពេញ)៖</strong> ស្រ្តី២នាក់ ម្នាក់ជាម្នាក់បំណុល និងម្នាក់ទៀតជាកូនស្រីរបស់កូនបំណុល បានប្រតាយប្រតប់គ្នាអស់មួយប្រាវ រួចក៏រត់ឲ្យគេជួយ បង្កការភ្ញាក់ផ្អើល ពេញផ្សារទួលពង្រ ដោយសារស្រ្តីម្ចាស់បំណុលសួររកលេខទូរស័ព្ទរបស់កូនបំណុល ពីកូនស្រីកូនបំណុលមិនបានដូចចិត្ត ក្រោយជំពាក់លុយ៨០ដុល្លារ។</span></p>
<p><span style="color: #000000;">អាជ្ញាធរមូលដ្ឋានបានឱ្យដឹងថា ស្រ្តីជាម្ចាស់បំណុលមានឈ្មោះ ពៅ ជាអាជីវករលក់គ្រឿងអលង្ការក្រឡៃចំណែកយុវតីរងគ្រោះមានឈ្មោះ ឃឹម សុវណ្ណារី អាយុ១៧ឆ្នាំ មុខរបរជួសជុលទូរស័ព្ទ មានស្រុកកំណើតនៅភូមិសំបូរ ឃុំសំបូរ ស្រុកសំបូរ ខេត្តក្រចេះ និងម្តាយដែលជាកូនបំណុលនោះមានឈ្មោះ ហ៊ុក វណ្ណី អាយុ៣០ឆ្នាំ ជាអ្នកលក់ទឹកអំពៅ ស្នាក់នៅកន្លែងកើតហេតុជាមួយកូនស្រី។</span></p>
<p><span style="color: #000000;">ហេតុការណ៍ចលាចលមួយប្រាវនេះ កើតឡើងក្នុងផ្សារទួលពង្រ សង្កាត់ចោមចៅ ខណ្ឌពោធិ៍សែនជ័យ នាល្ងាចថ្ងៃទី០៦ ខែធ្នូ ឆ្នាំ២០១៦នេះ ដោយស្រ្តីម្ចាស់បំណុល ឈ្មោះ ពៅ បានបង្កឲ្យយុវតីឈ្មោះ ឃឹម សុវណ្ណារី រងបួសរលាត់ដៃបន្តិច។</span></p>
<p><span style="color: #000000;">យុវតីរងគ្រោះបានឱ្យដឹងថា មុនកើតហេតុ ស្រ្តីដែលជាម្ចាស់បំណុលបានហៅខ្លួន ទៅសួររកលេខទូរស័ព្ទរបស់ម្តាយខ្លួន ដើម្បីទាក់ទងទារលុយដែលជំពាក់នោះ តែខ្លួនបានឆ្លើយថាមិនស្គាល់លេខរបស់ម្ដាយខ្លួនទេ ស្រាប់តែស្រ្តីម្ចាស់បំណុល បានសំឡុតខ្លួនថា «លាក់លេខទូរស័ព្ទម្តាយ» ថែមទាំងចាប់ក្របួចកអាវខ្លួន បង្កជាការប្រតាយប្រតប់គ្នាបណ្តាយឱ្យយុវតីខាងលើរងរបួសរលាត់ដៃ ហើយរត់រកគេជួយ បង្កការភ្ញាក់ផ្អើលពេញផ្សារ តែម្តង៕</span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-06-20-08-23-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-06-20-08-23-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-06-20-08-23-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-06-20-08-23-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-06-20-08-23-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-112/fn-2016-12-06-20-08-23-5.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>