<p><span style="color: #000000;"><strong>(ពោធិ៍សាត់)៖</strong> ជនសង្ស័យ២នាក់ ជាអ្នករត់រថយន្តឈ្នួលភ្នំពេញ-ពោធិ៍សាត់ ត្រូវសមត្ថកិច្ចចាប់ខ្លូន ក្រោយពីពួកគេបានបន្លំលួចទូរស័ព្ទម៉ាក iPhone 6 និង iPhone 6S ចំនួន៦គ្រឿង របស់ម្ចាស់ទ្រព្យដែលផ្ញើតាមពួកគេ។ ការចាប់ខ្លួនជនសង្ស័យទាំង២នាក់នេះ បានធ្វើឡើងក្រោយពីមានពាក្យបណ្តឹង របស់ម្ចាស់ហាងលក់ទូរស័ព្ទ នៅខេត្តពោធិ៍សាត់ ឈ្មោះ សេង ហេង។</span></p>
<p><span style="color: #000000;">ជនរងគ្រោះបានប្រាប់ថា វេលាម៉ោង៣រសៀលថ្ងៃទី០៣ ខែកុម្ភៈ ឆ្នាំ២០១៦ ខ្លួនបានកម្ម៉ង់ទិញទូរស័ព្ទពីហាងលក់ទូរស័ព្ទ នៅភ្នំពេញឈ្មោះ Arine ហើយត្រូវបានម្ចាស់ហាង ផ្ញើទូរស័ព្ទតាមរថយន្ត ពីភ្នំពេញមកពោធិ៍សាត់ តាមរថយន្តដឹកទំនិញ របស់ឈ្មោះផាត (ប្តី) និងឈ្មោះ អេង (ប្រពន្ធ) នៅភូមិដូងជ្រុំ សង្កាត់ព្រៃញី ក្រុងពោធិ៍សាត់ ប៉ុន្តែនៅពេលដែលគេផ្ញើនោះ ជនសង្ស័យទាំង២នាក់ បានលួចយកទូរស័ព្ទទាំងទាំងនេះទៅលក់បន្តទៀត។</span></p>
<p><span style="color: #000000;">លោក ប៊ិច ស៊ីផាន់ នាយនគរបាលប៉ុស្តិ៍រដ្ឋបាលផ្ទះព្រៃ បានប្រាប់ភ្នាក់ងារ Fresh News ថា ជនសង្ស័យមានឈ្មោះ លៀម ឡូ (ហៅម៉ៅ) អាយុ ៣២ឆ្នាំ មានស្រុកកំណើតភូមិយាង ឃុំយាង ស្រុកពួក ខេត្តសៀមរាប បច្ចុប្បន្នរស់នៅភូមិអូរតូង សង្កាត់ចំរើនផល ក្រុងពោធិ៍សាត់ ជាព្រូរថយន្ត។</span></p>
<p><span style="color: #000000;">លោកអនុសេនីយ៍ឯក ប្រាក់ ណុល នាយផ្នែកយុត្តិធម៌ នៃអធិការដ្ឋាននគរបាល ក្រុងពោធិ៍សាត់បានឲ្យដឹងដែរថា តាមចម្លើយសារភាពរបស់ជនសង្ស័យឈ្មោះ លៀម ឡូ នៅវេលាម៉ោង ៣:៣០ទៀបភ្លឺ ចូលថ្ងៃទី០៤ ខែកុម្ភៈ ឆ្នាំ២០១៦ ខ្លួនបានលួចយកកេសពីរថយន្ត ដោយក្នុងនោះមានទូរស័ព្ទចំនួន០៤គ្រឿង (iPhone 6 ២គ្រឿង& iPhone 6S ២គ្រឿង) និងទឹកក្រូចមួយកេសហើយរក្សាទុក។ លុះដល់វេលាម៉ោង១១ព្រឹកថ្ងៃទី០៥ ខែកុម្ភៈ ជនសង្ស័យបានយកទូរស័ព្ទចំនួន០២គ្រឿង (iPhone 6 & iPhone 6S) មកលក់នៅហាងទូរស័ព្ទឈ្មោះ ធូ ថាប់ នៅសង្កាត់លលកស ក្នុងតម្លៃ២៥០ដុល្លារ។</span></p>
<p><span style="color: #000000;">ដោយឡែកនៅថ្ងៃទី០៦ ខែកុម្ភៈ វេលាម៉ោង១០:៣០ព្រឹកនេះ ជនសង្ស័យបានយកទូរស័ព្ទ ចំនួន០២គ្រឿងទៀត (iPhone 6 & iPhone 6S) មកលក់នៅហាងទូរស័ព្ទឈ្មោះ សេង គី នៅសង្កាត់ផ្ទះព្រៃ ហើយត្រូវបានសមត្ថកិច្ចឃាត់ខ្លួន ព្រមទាំងបាននាំយកជនសង្ស័យ ទៅបង្ហាញទីតាំងដែលជនសង្ស័យលក់ នៅសង្កាត់លលកសផងដែរ។ តាមចម្លើយសារភាពរបស់ជនសង្ស័យជាលើកទី២ ថាខ្លួនពិតជាបានលួយទូរស័ព្ទចំនួន៤គ្រឿងនោះ ពិតប្រាកដមែន ហើយទូរស័ព្ទចំនួន២គ្រឿងទៀត ខ្លួនបានបែងចែកទៅឲ្យឈ្មោះ សេន សារ៉ុន ភេទប្រុស អាយុ២៤ឆ្នាំ រស់នៅភូមិចំការចេកខាងជើង សង្កាត់ផ្ទះព្រៃ ក្រុងពោធិ៍សាត់ ខេត្តពោធិ៍សាត់ ជាព្រូរថយន្ត។ បច្ចុប្បន្នជនសង្ស័យទាំងពីរ កំពុងសាកសួរ និងបញ្ជូនសំណុំរឿងដោះស្រាយតាមនីតិវិធី៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtl1/t31.0-8/12672190_1554777338169965_6814729106781773214_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xpt1/t31.0-8/12525355_1554777341503298_3851942175973967066_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xft1/t31.0-8/12646715_1554777328169966_6256338056650274998_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xaf1/t31.0-8/12698564_1554777494836616_3966404571651465070_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlt1/t31.0-8/12697166_1554777501503282_8302460406703314429_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xtp1/t31.0-8/12419297_1554777424836623_8212061068339997632_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/t31.0-8/12697149_1554777434836622_2847752038076855564_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-d-a.akamaihd.net/hphotos-ak-xfp1/t31.0-8/12696914_1554777441503288_5914794221793068096_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>