<p><span style="color: #000000;"><strong>(ភ្នំពេញ)៖</strong> ក្រុមជម្រើសជាតិកម្ពុជា នឹងធ្វើការប្រកួតមិត្តភាពកម្ដៅសាច់ដុំជាមួយក្លឹប Geylang International របស់ម្ចាស់ផ្ទះសិង្ហបុរីនាល្ងាចថ្ងៃទី២៩ ខែកញ្ញានេះ ដែលជួបលើកចុងក្រោយក្នុងបេសកកម្មបោះជំរុំហ្វឹកហាត់រយៈពេល ១០ថ្ងៃ នៅលើទឹកដីសិង្ហបុរី ហើយត្រូវវិលត្រឡប់មកស្រុកកំណើវិញ នៅថ្ងៃទី៣០ ខែកញ្ញា ឆ្នាំ២០១៦នេះ។</span></p>
<p><span style="color: #000000;">លោក ឆាំង ពិសិដ្ឋ អ្នកកាត់ទូទៅក្រុមជម្រើសជាតិកម្ពុជា បានឲ្យដឹងថា ក្លឹប Geylang International គឺមានចំណាត់ថ្នាក់លេខ៦ នៃលីគកំពូលសិង្ហបុរី ឆ្នាំ២០១៦។ ប៉ុន្ដែមុនជួបក្រុមនេះ ជម្រើសជាតិកម្ពុជា បានយកឈ្នះម្ចាស់ផ្ទះសិង្ហបុរី ២ក្រុមមកហើយ រួមមានយកឈ្នះក្រុមជើងឯកលីគកំពូលសិង្ហបុរី Albirex Niigata ២-១ និងបន្ដយកឈ្នះក្រុមជម្រើសជាតិសិង្ហបុរី ១-០ កាលពីថ្ងៃទី២៣ និងថ្ងៃទី២៦ ខែកញ្ញាកន្លងទៅ។</span></p>
<p><span style="color: #000000;">អ្នកចាត់ក្រុមដដែលបន្ដថា នេះគឺជាការប្រកួតដើម្បីពង្រឹងសមត្ថភាពដ៏សំខាន់របស់ក្រុមជម្រើសជាតិកម្ពុជា អំឡុងពេលហ្វឹកហាត់នៅក្រៅប្រទេសលើកនេះ ដើម្បីត្រៀមធ្វើម្ចាស់ផ្ទះវគ្គជម្រុះពានរង្វាន់ AFF Suzuki Cup 2016 ចាប់ពីថ្ងៃទី១៥-២១ ខែតុលាខាងមុខ ដោយត្រូវប្រជែងកៅអីពូលB នៃជុំផ្ដាច់ព្រ័ត្រជាមួយក្រុមជម្រើសជាតិឡាវ ប្រ៊ុយណេ និងទីម័រខាងកើត។</span></p>
<p><span style="color: #000000;">ទន្ទឹមជាមួយការប្រកួតពានផ្លូវការនេះដែរ ក្រុមជម្រើសជាតិកម្ពុជា នៅមានប្រកួតមិត្តភាពអន្ដរជាតិធំៗ ២ប្រកួតទៀត រួមមានជួបប្រកួតមិត្តភាពជើងទី២ ជាមួយក្រុមភ្ញៀវហុងកុង នៅថ្ងៃទី០៦ ខែតុលា ខណៈជើងទី១ កម្ពុជា ចាញ់ម្ចាស់ផ្ទះហុងកុង ៤-២។ រីឯមួយប្រកួតទៀត ត្រូវជួបក្រុមជម្រើសជាតិស្រីលង្កា នៅថ្ងៃទី០៩ ខែតុលា ឆ្នាំ២០១៦នេះ ដោយការប្រកួតធ្វើឡើងទៅលើទីលានពហុកីឡដ្ឋានជាតិដូចគ្នា៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14440618_1783037958602388_7588594760351871392_n.jpg?oh=011c07008b054822017703c8140d45f0&oe=586D775D" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xfl1/v/t1.0-9/14449769_1783037955269055_8693871151876525738_n.jpg?oh=1196c7d79c29d18562f19ac2cd29594d&oe=5860B6BF&__gda__=1483944442_d7d7a3a9f3b65a86d1fe3f628c57e54d" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14449725_1783037961935721_8637927700524034215_n.jpg?oh=50a39299ab0efa47588d644d8c1a4192&oe=586D4904" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>