<p><strong>ភ្នំពេញ៖</strong> បន្ទាប់ពីដកខ្លួនចេញពី ទូរទស្សន៍ហង្សមាស អ្នកផលិតកម្មវិធី និងជាអ្នកដឹកនាំ សម្ដែង<br />ដ៏ល្បី លោក ហ្វៃ សំអាង បានរើបង្វេចចូល មកកាន់ទូរទស្សន៍ អប្សារា ដែលកាលនោះ លោកមិន<br />បានបញ្ជាក់ ពីមូលហេតុ នៃការចាកចេញពី ទ្រនំចាស់នោះទេ នាំឲ្យជាប់មន្ទិលសង្ស័យជាច្រើន <br />នៃដំណើរការចាកចេញ នាពេលកន្លងមក។</p>
<p>បន្ទាប់ពីចូលមកកាន់ ទូរទស្សន៍ អប្សរា ប៉ុស្ដិ៍លេខ១១ ភ្លាម លោក ហ្វៃ សំអាង ក៏បានបង្កើត<br />កម្មវិធីចំនួនបី គឺ "អប្សារា Award, ផ្កាយរះក្នុងសួន" និងកម្មវិធី "ប្រស្នាតារា" ដែលសុទ្ធសឹង ជា<br />កម្មវិធីល្អៗ តែការតុបតែងឆាក និងភ្លើងពណ៍ហាក់ដើរ មិនទាន់គេទេ ពោលគឺមើលទៅហាក់ <br />មិនទាន់សម័យទាល់តែសោះ ។ ចំណែកជំនួយការ របស់លោកវិញ ធ្វើការដណ្ដើមមុខមាត់គ្នា<br /> ដែលពេលខ្លះធ្វើ ឲ្យមានការខកខាន ដល់ដំណើរការ កម្មវិធីទៀតផង ។</p>
<p>បើគេចាំមិនខុសទេកម្មវិធី "ផ្កាយរះក្នុងសួន" របស់លោក ហ្វៃ សំអាង ថតថ្ងៃដំបូងបានធ្វើឲ្យ <br />តារាចម្រៀង សុន ស្រីពេជ្រ ខាតលុយជិត មួយពាន់ដុល្លារ ដោយសារតែ ក្រុមការងារលោក<br /> មានភាពយឺតយ៉ាវ ក្នុងការរៀបចំថត បានធ្វើឲ្យតារាចម្រៀងស្រី រូបនេះទៅយឺតពេលក្នុងកម្ម<br />វិធីផ្សេងមួយទៀត រួចម្ចាស់កម្មវិធី ដែលជួលនាង ខលមកប្រាប់នាង មិនបាច់ទៅទេ។ រួចស្ដី<br />ឲ្យនាង យកម៉ាឈ្នះដៃ ថា នាងជាតារាចម្រៀងស្អី មិនគោរពពេលវេលាសោះ ដែលតាមពិត<br />មកពីក្រុមកាងារ លោក ហ្វៃ សំអាង សោះ ។</p>
<p>ចំណែកឯកម្មវិធី"អប្សារា Award" វិញ តារាសម្ដែងដែលចូលរួម ជាមួយកម្មវិធី គ្រវីក្បាលគ្រប់ៗ<br />គ្នា ដោយសារតែពួកគេ ស្ទើរតែក្រឡាប់ចាក់ខួរក្បាល ជាមួយកម្មវិធីលោក ព្រោះមានភាពបត់<br />បែនភ្លាមៗពេក ។ តារាសម្ដែងស្រីម្នាក់ ដែលសុំមិនបញ្ចេញ ឈ្មោះបាននិយាយថា "កុំតែយល់<br />មុខលោក ហ្វៃ សំអាង កុំអីមិនបានចូលលេង នាំឈឺក្បាលទេ...! កម្មវិធីអីលេងចុះ លេងឡើង <br />មិនដឹងចប់ថ្ងៃណា...! "។ តារាសម្ដែងស្រីមួយទៀត បាននិយាយថា "ហួសចិត្តណាស់ កម្មវិធីស្អី<br />ទេ ចុះពីលើឆាកមិនទាន់ ស្រាប់តែស្រាតខោអាវ យកទៅតែម្ដង ព្រោះខ្វះខោអាវឲ្យតួដទៃ ខ្ញុំ<br />ជាមនុស្សស្រី ខ្ញុំក៏ចេះខ្មាស់អៀនដែរ ហើយមិនដឹងទៅ និយាយប្រាប់គាត់ថា យ៉ាងម៉េចទេ មាន<br />តែតាមដំណើរទៅ..!" ។</p>
<p>តារាសម្ដែងម្នាក់ផ្សេងទៀត បាននិយាយថា "កម្មវិធីគាត់រៀបចំទាំងអស់ តែមិនដែលសួរតួថា <br />ចេះលេងអត់ទេ ធ្វើអីតាមតែចិត្ត គាត់នឹកឃើញ វាល្អសម្រាប់កម្មវិធី តែសម្រាប់អ្នកលេងវិញ <br />វាមិនសប្បាយ ជាមួយគាត់ទេ ។ តារាសម្ដែងទាំងនេះ ថ្វីត្បិតតែអន់ចិត្ត នឹងកម្មវិធី តែមិនហ៊ាន<br />ក្អក ជាមួយលោក ហ្វៃ សំអាង ទេ បានតែលួចនិយាយ ក្រោយខ្នងប៉ុណ្ណោះ ។ ចំណែកឯ លោក<br /> ហ្វៃ សំអាង វិញ បែរជាខ្លាចតារាចម្រៀង ពីផលិតកម្ម ហង្សមាស ទៅវិញ ដែលមិនមាន អ្នក<br />ណាប៉ះពាល់បានទេ ។ លោកបានដេញ ជំនួយការផ្ទាល់ម្នាក់ ដោយសារតែ សរសេរព័ត៌មាន<br /> តារាចម្រៀងផលិតកម្ម ហង្សមាស ម្នាក់ មកច្រៀងយឺតប៉ុណ្ណោះ ។ ព្រមទាំងហាមប្រាម អ្នកកា<br />សែត លែងឲ្យចូលថត ក្នុងកម្មវិធីលោកទៀតផង ។</p>
<p>ទាក់ទិននឹងការរិះគន់ពីក្រោយខ្នង ពីសំណាក់ តារាសម្ដែងក្នុងកម្មវិធី ក៏ដូចជាទស្សនិកជន ដែល<br />តែងតែ តាមដានទស្សនាកម្មវិធី "អប្សារា Award" នៅពេលនេះគេហទំព័រ LookingTODAY នៅ<br />មិនទាន់ ស្វែងរកការបំភ្លឺ ឬការបកស្រាយណាមួយ បាននៅឡើយទេ ពីលោក ហ្វៃ សំអាង ដែល<br />ជាអ្នកដឹងនាំ និងគ្រប់គ្រងកម្មវិធីទាំងមូល។ LookingTODAY នឹងរង់ចាំការចេញ មុខបកស្រាយ ពី<br />សំណាក់លោក ហ្វៃ សំអាង ដោយក្ដីរីករាយ នៅពេលក្រោយ ដើម្បីឲ្យតារាសម្ដែង ក៏ដូចជាទស្ស-<br />និកជន តាមដានទស្សនាកម្មវិធីនេះ អស់មន្ទិលសង្ស័យ៕</p>
<p><img src="http://image.lookingtoday.com:81/lookingtoday/looking-images/news/2013/October/id-098/S_0097.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-098/S_0098.jpg" alt="" width="470" /></p>
<p><img src="http://image.lookingtoday.com:81/lookingtoday/looking-images/news/2013/October/id-098/S_0099.jpg" alt="" width="470" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>