<p><strong>បន្ទាយមានជ័យ ៖</strong> ស្ត្រីម្នាក់ឈ្មោះ ថៃ វួយឆេង អាយុ ៣៧ ឆ្នាំ រស់នៅភូមិខ្ចៅ ឃុំខ្ចៅ ស្រុក<br />កងមាស ខេត្តកំពង់ចាម នៅព្រឹកថ្ងៃទី១១ ខែកក្កដា ឆ្នាំ ២០១៣ នេះ នាងបានស្វែងរក ជួប<br />ជាមួយអ្នកកាសែត ហើយបានអះអាងថា នាងត្រូវម្តាយធម៌ នាំទៅធ្វើការនៅប្រទេសថៃ ហើយ<br />លក់នាងដូចសត្វ មាន់ ទា ឲ្យទៅថៅកែថៃ ដើម្បីទុកបម្រើ តណ្ហា ដោយនាងមិនអាចស៊ូទ្រាំបាន<br /> នាងក៏លួចរត់មកកម្ពុជា ។</p>
<p>នៅចំពោះមុខ ក្រុមអ្នកសារព័ត៌មាន នៅចំណុចរង្វង់មូល នៃច្រកទ្វារអន្តរជាតិ ប៉ោយប៉ែត ខេត្ត<br />បន្ទាយមានជ័យ ស្រ្តីឈ្មោះ ថៃ វួយឆេង បានឲ្យដឹងថា នាងបានពឹកពាក់ ឲ្យម្តាយធម៌ម្នាក់ ឈ្មោះ<br /> ហែម ម៉ៅ អាយុ ៦១ ឆ្នាំ រស់នៅភូមិក្បាលស្ពាន ២ សង្កាត់/ក្រុង ប៉ោយប៉ែត ជាកម្មករបោសសម្អាត<br /> ជួយរកការងារឲ្យធ្វើ ពេលទៅដល់ប្រទេសថៃ ធ្វើការបានមួយរយៈពេល សុំថៅកែត្រឡប់មកស្រុក<br />កំណើតវិញ ស្រាប់តែត្រូវគេហាមឃាត់មិនឲ្យមកទេ ដោយ ថៅកែនិយាយថា (នាងត្រូវបានគេលក់<br />ទៅឲ្យគាត់ក្នុងតម្លៃ ៥០.០០០ បាត បើមិនធ្វើការ គឺត្រូវធ្វើជាប្រពន្ធចុងគេ ឬត្រូវប្រគល់ខ្លួនប្រាណ<br />ឲ្យគេ ទើបសុខខ្លួន) ពេលនោះ ទើបដឹងច្បាស់ថា ម្តាយធម៌របស់នាងលក់នាងឲ្យថៃ។</p>
<p>ស្រ្តីរងគ្រោះបានបញ្ជាក់ថា ដោយមានភាពភ័យខ្លាច នាងបានលួចរត់ ខណៈថៅកែថៃមិននៅផ្ទះ <br />ពេលរត់គេចខ្លួន នៅស្រុកថៃ នាងក៏បានជួបជាមួយអ្នកសុំទាន ជនជាតិខ្មែរម្នាក់ ដែលមានចិត្ត<br />សប្បុរស ក្រោយពីនាងរៀបរាប់ ដំណើរដើមទងឲ្យស្តាប់ ក៏បានឲ្យប្រាក់នាង ១០០០បាត ជិះ<br />រថយន្តត្រឡប់មកកម្ពុជាវិញ តាមច្រកប៉ោយប៉ែត ក៏ បានជួបជាមួយ ម្តាយធម៌ចិត្តអប្រិយនោះ<br /> ទើមានការឈ្លោះប្រកែកគ្នាបែកផ្សែងតែម្តង ។</p>
<p>ដោយមើលឃើញថា ស្រី្តទាំង ២ នាក់ ឈ្លោះប្រកែកគ្នាផ្អើល និងមានមនុស្សចោមរោមមើល <br />រហូតដល់ស្ទះចរាចរ ក៏ត្រូវនគរបាលក្រុងប៉ោយប៉ែត ឃាត់ខ្លួន យកទៅសួរនាំ នៅអធិការដ្ឋាន<br />នគរបាល ក្រុងប៉ោយប៉ែតទាំង ២ នាក់ ។ មកដល់ពេលនេះ គេពុំទាន់ដឹងថា នរណាខុស នរ<br />ណាត្រូវនៅឡើយទេ ព្រោះស្ថិតក្នុងការសួរនាំរបស់សមត្ថកិច្ច៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-015/T-0266.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-015/T-0267.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>