<p><span style="color: #000000;"><strong>(ក្រុងឡុងដ៍)៖</strong> ក្លឹបតោខៀវ Chelsea បានសម្រេចតែងតាំងអតីតគ្រូបង្វឹករបស់ក្រុមជម្រើសជាតិអ៊ីតាលីលោក Antonio Conte ជាគ្រូបង្វឹកធំ ក្រោមកិច្ចសន្យារយៈពេល៣ឆ្នាំ ដើម្បីជំនួសកៅអីលោក Jose Mourinho ដែលត្រូវបានបណ្តេញចេញពីកាលពីចុងឆ្នាំ២០១៥ ។</span></p>
<p><span style="color: #000000;">សារព័ត៌មាន BBC បានផ្សាយថា គ្រូបង្វឹកវ័យ៤៦ឆ្នាំ Conte ជនជាតិអ៊ីតាលី នឹងមកដឹកនាំក្លឹបតោខៀវ Chelsea របស់អង់គ្លេស ជាផ្លូវការនៅក្រោយបញ្ចប់រដូវកាលឆ្នាំ២០១៥-២០១៦នេះ ពោលគឺនៅក្រោយពេលបញ្ចប់យុទ្ធនាការ UEFA Euro 2016 នៅប្រទេសបារាំង ហើយគ្រូបង្វឹកជនជាតិហូឡង់ Guus Hiddink ដែលចូលកាន់តំណែងជាគ្រូបង្វឹកស្តីទីនោះ ក៏អស់សិទ្ធិដឹកនាំផងដែរ ។</span></p>
<p><span style="color: #000000;">លោក Conte ជាគ្រូបង្វឹកជោគជ័យ១រូបដែលបានដឹកនាំក្លឹងអ៊ីតាលីសេះបង្កង់ Juventus ឈ្នះពានយ៉ាងច្រើនសន្ធឹកសន្ធាប់ មុនលាលែងទៅដឹកនាំជម្រើសជាតិអ៊ីតាលី ឆ្នាំ២០១៤ តែមិនទទួលបានលទ្ធផលល្អឡើយ ដោយបានដឹកនាំក្រុមម្ចាស់ពាន World Cup 2006 មួយនេះជ្រុះវគ្គសន្សំពិន្ទុក្នុងពូលនៃព្រឹត្តិការណ៍ World Cup 2014 នៅប្រទេសប្រេស៊ីល ៕</span></p>
<p><span style="color: #000000;"><img src="http://i.dailymail.co.uk/i/pix/2016/02/23/22/317A4B4200000578-3460945-image-a-3_1456265493506.jpg" alt="" width="730" /></span></p>
<p><span style="color: #000000;">គ្រូបង្វឹក Antonio Conte</span></p>
<p><span style="color: #000000;"><img src="http://www.telegraph.co.uk/content/dam/football/2016/04/04/Guus_Hiddink6-large_trans++qVzuuqpFlyLIwiB6NTmJwfSVWeZ_vEN7c6bHu2jJnT8.jpg" alt="" width="730" /></span></p>
<p><span style="color: #000000;">គ្រូបង្វឹកបណ្តោះអាសន្ន Guus Hiddinks</span></p>
<p><span style="color: #000000;"><img src="http://d2.christiantoday.com/en/full/28330/jose-mourinho.jpg" alt="" width="730" /></span></p>
<p><span style="color: #000000;">គ្រូបង្វឹក Jose Mourinho</span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<div><span><br /></span></div>