<p><span style="color: #000000;"><strong>(ភ្នំពេញ)៖</strong> យ៉ាណា តារាសម្តែងមានសម្រស់ ស្រស់សោភាពីធម្មជាតិ ក្នុងរឿង«ស្នេហ៍៩»ដែលត្រូវបានតែងតាំង ជាឯកអគ្គរាជទូតសុច្ឆន្ទៈរបស់អង្គការ USAID នឹងទើបត្រូវបានតែង ធ្វើជាឯកអគ្គរាជទូតតំណាង ឲ្យរោងភាពលេជេនជាថ្មីបន្ថែមមួយទៀត កាលពីថ្ងៃទី២ ខែធ្នូ នេះ ដែលមានឈ្មោះពិតថា មាន សូនីតា ថ្មីៗនេះ បានបង្ហាញពីគោលជំហ ដោយជឿជាក់លើខ្លួនឯង នឹងប្រាប់ថា នាងមិនដែលខ្វល់លើពាក្យសម្តី របស់អ្នកដទៃ និយាយអ្វីពីនាងឡើយ សំខាន់នាងចេះឲ្យ តម្លៃលើខ្លួនឯង គឺជារឿងប្រសើរមួយ។</span></p>
<p><span style="color: #000000;">ដោយសន្ទុះកេរ្តិ៍ឈ្មោះកាន់តែលេចធ្លោ និងជាតារាសម្តែងវ័យក្មេង មានសម្រស់ស្រស់ស្អាត ទន់ភ្លន់ពោរពេញទៅដោយទេពកោសល្យនៅកម្ពុជានោះ កញ្ញា មាន សូនីតា ហៅ យ៉ាណា កន្លងមកត្រូវបានប្រភពបង្ហើបប្រាប់ថា បច្ចុប្បន្នមានបុរសៗសម្បូរទ្រព្យធនជាច្រើន រស់នៅក្នុងនិងក្រៅស្រុកបានឈ្លក់វង្វេង តាមស្រឡាញ់ ថែមទាំងខ្លះទៀត សន្យាប្រគល់នឹងឧបត្ថម្ភជ្រោមជ្រែង ដល់ជីវភាពរស់នៅប្រចាំថ្ងៃទៀតផង ប្រសិនបើតារាស្រីរូបនេះឆ្លើយថាOkព្រមទទួលយកស្នេហ៍។</span></p>
<p><span style="color: #000000;">តាមការកត់សម្គាល់ ទោះបីជាមានព័ត៌មានលេចឮ យ៉ាងណាក្តីក៏តារាសម្តែង មាន សូនីតា ហាក់មិនសូវចាប់អារម្មណ៍ នឹងឈឺឆ្អាលចំពោះរឿងរ៉ាវ ដែលបានកើតឡើងលើជីវិតឯកជន ក្រៅឆាកនាងឡើយ។ ផ្ទុយទៅវិញ មាន សូនីតា បែរជាយកចិត្តទុកដាក់ខ្លាំង លើសកម្មភាពការងារសង្គម យ៉ាងផុសផុល។ ចំណែករឿងរ៉ាវអាស្រូវស្នេហា គឺនាងធ្លាប់បាននិយាយបដិសេធថា មិនទាន់គិតនៅឡើយទេ ព្រោះពេលវេលាពុំទាន់មានគ្រប់គ្រាន់ សម្រាប់រឿងនេះ។</span></p>
<p><span style="color: #000000;">ជាការពិតតារាសម្តែង វ័យក្មេងធ្មេញជំពើស កញ្ញា មាន សូនីតា ត្បិតតែកន្លងមកគ្មានភាពក្លាហានទទួលសារភាពក្នុងរឿងស្នេហានេះ ក៏ដោយតែសម្រាប់អ្វីដែលជា ចំណុចខ្សោយ និងភាពខ្វះចន្លោះរបស់ខ្លួន គឺនាងបានទទួលស្គាល់ថាពិតជានៅមានកម្រិតខ្លះ មិនថារូបសសម្រស់ ឬអ្វីឡើយ។ កញ្ញា មាន សូនីតា បានសរសេរបង្ហាញ នៅលើហ្វេសប៊ុកខ្លួនថា «មនុស្សត្រូវទទួលស្គាល់ខ្លួនឯង ទទួលស្គាល់ការពិត»។</span></p>
<p><span style="color: #000000;">តារាសម្តែង និងជាឯកអគ្គរាជទូតសុច្ឆន្ទៈរបស់អង្គការ USAID កញ្ញា មាន សូនីតា បាននិយាយថា «អ្វីដែលសំខាន់មនុស្សត្រូវទទួលស្គាល់ខ្លួនឯង និងទទួលស្គាល់ការពិត ហើយលើកទឹកចិត្តខ្លួនឯងរាល់ថ្ងៃ ខ្ញុំគឺខ្ញុំហើយ ខ្ញុំគឺមាន សូនីតា ធ្វើអ្វីដែលយើងស្រឡាញ់ពេញចិត្ត អត់ខ្វល់ពីអ្នកដទៃ..»៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/18/14d-18-12-2015--13-55-26.jpg"><img src="/FileManager/Articles/mce/2015/12/18/14d-18-12-2015--13-55-26.jpg" alt="" /></a></span></p>
<p><a class="thickbox" title="" href="/FileManager/Commons/2015/12/18/14e-18-12-2015--13-55-39.jpg"><img src="/FileManager/Articles/mce/2015/12/18/14e-18-12-2015--13-55-39.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/12/18/14d-18-12-2015--13-55-26.jpg"></a></span></p>
<p><a class="thickbox" title="" href="/FileManager/Commons/2015/12/18/14f-18-12-2015--13-55-46.jpg"><img src="/FileManager/Articles/mce/2015/12/18/14f-18-12-2015--13-55-46.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>