<p>ក្នុងចំណោមមនុស្ស ១០នាក់ ប្រហែលជាមានមនុស្សចំនួន ៥នាក់ ជួបបញ្ហាទាក់ទិននឹងការស្លៀកពាក់ នៅពេលដែលពួកគេមានជើងខ្លី និងខ្នងវែង។</p>
<p style="text-align: center;"><a class="thickbox" title="" href="/FileManager/Commons/2013/10/25/high-waist-pant-2-25-10-2013--13-22-32.jpg"><img src="/FileManager/Articles/mce/2013/10/25/high-waist-pant-2-25-10-2013--13-22-32.jpg" alt="" /></a></p>
<p style="text-align: center;"><em>ស្ទីលស្លៀកពាក់នេះ ស័ក្ដិសមសម្រាប់នារីជើងខ្លី ខ្នងវែង (រូបភាពអ៊ីនធើរណិត)</em></p>
<p><br />ស្ដ្រីទាំងឡាយ មិនថាតែមានមុខមាត់ស្រស់ស្អាត ឬអាក្រក់ នៅពេលស្លៀកពាក់ ពួកគេតែងតែព្រួយបារម្ភចំពោះបញ្ហាមិនស័ក្ដិសមជាមួយឈុតសម្លៀកបំពាក់ដែលពួកគេប្រើប្រាស់ ខណៈដែលខ្នងពួកគេវែង និងជើងខ្លី។ នេះជាបញ្ហាដែលនារីជាច្រើនងាយជួបប្រទះ ប៉ុន្ដែវាក៏ងាយស្រួលដោះស្រាយ។<br /><br />សូមស្វែងយល់អំពីវិធីខាងក្រោម ដើម្បីដោះស្រាយបញ្ហាខាងលើ ៖<br /><br /><strong>វិធីទីមួយ ៖</strong></p>
<p>គោលការដំបូង ក៏ដូចជាគោលការរួមសម្រាប់ស្ដ្រី គឺអូសបន្លាយជើងទាំងពីរ។ ប្រវែង “ស្រមោល” ដែលអ្នកបង្កើតឡើងសម្រាប់ជើង នឹងជួយឱ្យរូបរាងទាំងមូលស្មើលើ ស្មើក្រោម ដូច្នេះ ការពាក់ស្បែកជើងកែងចោតខ្ពស់គឺជាជម្រើសសំខាន់មួយ។ ចូរពាក់ស្បែកជើងកែង ដែលមានរាងតូច និងជៀសវាងស្បែកជើងដែលមានខ្សែក្រវាត់លេចធ្លោ នៅត្រង់កជើង។</p>
<p style="text-align: center;"><a class="thickbox" title="" href="/FileManager/Commons/2013/10/25/133792997618547470185740-25-10-2013--13-18-22.jpg"><img src="/FileManager/Articles/mce/2013/10/25/133792997618547470185740-25-10-2013--13-18-22.jpg" alt="" /></a></p>
<p>ប្រវែងរបស់អាវ ក៏ជាកត្តាមួយជួយសម្រេចនូវប្រវែងរបស់ផ្នែកខាងលើនៃរាងកាយ។ គួរពាក់អាវខ្លីល្មម ដើម្បីកាត់បន្ថយភាពវែងរបស់ដងខ្លួន។ ទន្ទឹមនឹងនេះ ការពាក់អាវយឺតវែង ឬរ៉ូបវែងត្រឹមគល់ភ្លៅ រួមនឹងស្បែកជើងកែងខ្ពស់ កាន់តែប្រសើរ។<br /><br /><strong>វិធីទីពីរ ៖</strong></p>
<p>អ្នកមិនគួរពាក់អាវដែលមានរឹបត្រង់ត្រគាក ព្រោះវានឹងធ្វើឱ្យខ្នង មានសភាពវែងជាងមុន។ ប្រការនេះ មានន័យថា អ្នកគួរតែ “ធ្វើជាមិត្ដ” ជាមួយរ៉ូប នឹងខោគូទវែង។ ម្យ៉ាងទៀត អ្នកក៏មិនគួរចូលចិត្តខោស្ទើរវែងស្ទើរខ្លីនោះដែរ ដោយសារថា ជើងរបស់អ្នក មើលទៅ កាន់តែខ្លីថែមមួយកម្រិតទៀត។</p>
<p style="text-align: center;"><a class="thickbox" title="" href="/FileManager/Commons/2013/10/25/high-waist-pant-1-25-10-2013--13-20-14.jpg"><img src="/FileManager/Articles/mce/2013/10/25/high-waist-pant-1-25-10-2013--13-20-14.jpg" alt="" /></a></p>
<p>ជំនួសមកវិញ អ្នកគួរប្រើប្រាស់អាវ crop-top (អាវបង្ហាញផ្ចិត) និងខោខ្លីគូទវែង។ ទន្ទឹមនឹងនេះស្បែកជើងបាតក្រាស់ក៏ជាជម្រើសល្អ ដើម្បីជួយបង្កើនកម្ពស់ និងភាពដោយឡែករបស់អ្នក។<br /><br /><strong>វិធីទីបី ៖</strong></p>
<p>ចូរជ្រើសរើសពណ៌ងងឹត ឬពណ៌ដូចគ្នា សម្រាប់ល្វែងក្រោម និងពណ៌ភ្លឺ ឬអាវមានរូបលេចធ្លោ សម្រាប់ល្វែងលើ។ វិធីនេះ នឹងទាក់ទាញការចាប់អារម្មណ៍មកលើរាងកាយផ្នែកខាងលើ ហើយវាក៏ជួយឱ្យរូបរាងទាំងមូល មានភាពស្មើគ្នា។<br /><br /><strong>វិធីទីបួន ៖</strong></p>
<p style="text-align: center;"><strong><a class="thickbox" title="" href="/FileManager/Commons/2013/10/25/high-waist-pant-chictopia-25-10-2013--13-21-24.jpg"><img src="/FileManager/Articles/mce/2013/10/25/high-waist-pant-chictopia-25-10-2013--13-21-24.jpg" alt="" /></a></strong></p>
<p style="text-align: center;"><em>ឈុតនេះជួយឱ្យជើងខ្លី ប្រែក្លាយជាវែង (រូប ៖ chictopia)</em><strong></strong></p>
<p style="text-align: center;"><strong><br /></strong></p>
<p>រ៉ូបខ្លី Bear skirt (រ៉ូបខ្លី មានជើងលាធំ) និងស្បែកជើងកវែង ជារបស់ពិសេសជួយឱ្យជើងបានវែង។ ជាមួយនឹងរ៉ូបខ្លី មានជើងធំ ស្បែកជើងមានករាងវែងបន្ដិច រួមនឹងអាវសិមិសធម្មតា នោះអ្នកមិនចាំបាច់បារម្ភអំពីជើងខ្លី ខ្នងវែងរបស់អ្នកទៀតឡើយ។<br /><br /><strong>វិធីទីប្រាំ ៖</strong></p>
<p>អាវធំក្រៅដែលមានប្រវែងស្ទើរ និងអាវធំបែបកីឡាដែលមានចំណុចលេចធ្លោត្រង់លើចង្កេះ គឺជាឈុតដែលស័ក្ដិសមសម្រាប់នារីខ្នងវែង ជើងខ្លី។ ដូចទៅនឹងនារីដែលមានមាឌធំ ឬស្គម នារីមានខ្នងវែង ជើងខ្លី ក៏អាចប្រើប្រាស់ឥទ្ធិពលរបស់ពណ៌ឆ្នូត ដើម្បីដោះស្រាយបញ្ហានេះ។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/47168/your-shoes-will-reveal-your-personality-traits"><span style="color: #3366ff;">ទាយមារយាទនារី តាមរយៈប្រភេទ ស្បែកជើង</span></a></span></p>
<p><span style="color: #3366ff;"><a href="/News/Detail/38251/street-style-for-the-windy-days"><span style="color: #3366ff;">street style ដ៏ស្រស់ស្អាត និងកក់ក្ដៅរបស់នារីវ័យក្មេង សម្រាប់រដូវរំហើយ</span></a></span></p>
<p><span style="color: #3366ff;"><a href="/News/Detail/10382/some-hot-street-style-for-pre-autumn"><span style="color: #3366ff;">យុវវ័យគួរស្លៀកពាក់ បែបណា ដើម្បីលេចធ្លោ នារដូវរំហើយ?</span></a></span></p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ k14<br /><br /><br /></p>