<p><strong>ភ្នំពេញៈ</strong> តារាសម្ដែង និងជាអតីតពិធីការិនី ធ្លាប់ល្បីឈ្មោះ ប្រចាំស្ថានីយទូរទស្សន៍ ប៉ុស្តិ៍លេខ៥ <br />អ្នកនាង ចាន់ សុផានី បានរៀបរាប់ត្អូញត្អែរថា នាងមានការលំបាកចិត្តខ្លាំងណាស់ ខណៈដែល <br />កូនស្រី បណ្តូលចិត្តរបស់នាង កាន់តែមានវ័យធំគ្រប់អាយុចូលរៀនជាបណ្ដើរៗ តែសមត្ថភាព<br />របស់នាង នៅមិនទាន់មានលទ្ធភាព ក្នុងការរកលុយឲ្យកូនចូលរៀន បានសមរម្យដូចគេឯងបាន<br />ឡើយ។</p>
<p>ជួបជាមួយ LookingTODAY នៅថ្ងៃទី២០ ខែសីហា ឆ្នាំ២០១៣នេះ អ្នកនាង ចាន់ សុផានី បានប្រាប់<br /> ឲ្យដឹងថា បច្ចុប្បន្នអ្នកនាង មានការរវល់ការងារច្រើន មិនសូវមានពេលទំនេរទេ ដោយនាងបានកុង<br />ត្រាថតរឿង “សន្យាស្នេហ៍” ពីថ្ងៃច័ន្ទ ដល់ថ្ងៃសុក្រ ហើយថ្ងៃសៅរ៍ និងថ្ងៃអាទិត្យ នាងត្រូវធ្វើការក្រៅ<br />ពីការងារសិល្បៈទៀត ដើម្បីរកប្រាក់ចំណូលបន្ថែម ពីលើចំណូលដែលបានមកពីសិល្បៈ មកផ្គង់ផ្គង់<br />គ្រួសារដែលកំពុងខ្វះខាត ។</p>
<p>អ្នកនាង សុផានី បានប្រាប់ទៀតថា "បច្ចុប្បន្នខ្ញុំ ខំប្រឹងធ្វើការ ដើម្បីរកប្រាក់ផ្គត់ផ្គង់ មើលថែទាំកូន<br />ផង ធ្វើការផង ក្នុងគោលបំណង ចង់ឲ្យកូនស្រីម្នាក់ ជាបណ្តូលចិត្តរបស់ខ្ញុំ មានអនាគត ព្រោះថា<br />ពេលនេះ ខ្ញុំមានតែពីរនាក់ម្តាយកូន ហើយបើខ្ញុំ មិនប្រឹងធ្វើការរកប្រាក់ទេ កូនខ្ញុំគ្មានអីញុំាទេ។</p>
<p>ជាក់ស្តែងមកដល់ពេលនេះ កូនខ្ញុំមានអាយុ៥ឆ្នាំ ហើយ ត្រូវចូលរៀន តែខ្ញុំមិនទាន់ដឹងថា ឲ្យកូន<br />ចូលរៀននៅឆ្នាំនេះ ឬយ៉ាងណាទេ ? " ។</p>
<p>អតីតតារាស្រីធ្លាប់មានឈ្មោះល្បី លើវិថីសិល្បៈ រយៈពេលជាច្រើនឆ្នាំមកហើយនោះ បានប្រាប់<br />បន្ថែមទៀតថា ធម្មតាទឹកចិត្តជាម្តាយគ្រប់រូប តែងតែចង់ឲ្យកូនចូលរៀន មានចំណេះដឹងគ្រប់ៗ<br />គ្នា។ តែអ្វីដែលនាងកំពុងប្រឈម និងពិបាកចិត្តនោះ គឺនាង មិនទាន់មានលទ្ធភាពគ្រប់គ្រាន់ ឲ្យ<br />កូនទៅរៀន ហើយពេលខ្លះមានចិត្តអាណិតកូនណាស់ ព្រោះកូនត្រូវទៅតាមនាងគ្រប់ទីកន្លែង<br />ទាំងអស់។</p>
<p>នៅក្នុងនោះ អតីតភរិយាមិនទាន់រៀបការ របស់តារាចម្រៀងលោក សូណូ អ្នកនាង ចាន់ សុផានី បានប្រាប់លាយឡំសំឡេងមិនសូវសប្បាយចិត្តថា “ខ្ញុំត្រូវទ្រាំលំបាកវេទនា ជាមួយកូនស្រី រយៈ<br />ពេលជាច្រើនឆ្នាំ ហើយខ្ញុំទ្រាំលំបាក គេ (សូណូ)មិនដែលខ្វាយខ្វល់មកមើលថែ ឬក៏ផ្តល់ប្រាក់ឲ្យ<br />កូននោះទេ ហើយខ្ញុំក៏មិនទៅពាក់ព័ន្ធ ជាមួយគេទៀតទេ សូម្បីតែកូនក៏គេមិនស្រឡាញ់ដែរ ខ្ញុំមិន<br />ចង់រំឭករឿងនេះទៀតទេ..!" ៕</p>
<p><span style="color: #000000;">ព័ត៌មានកំសាន្ត ស្តីពីតារាៗ ដ៏សម្បូរបែប ជាច្រើនទៀត<span style="color: #0000ff;"> <strong><a href="/News/Category/5/entertainment"><span style="color: #0000ff;">សូមចុចត្រង់នេះ</span></a></strong></span> !!!</span><span style="font-size: small;"><br /></span></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0558.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0559.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/Agust/id-065/PISETH-0560.jpg" alt="Looking Today" width="500" /></p>
<p style="text-align: right;">ដោយ៖ LookingTODAY<br />ផ្តល់សិទ្ធិដោយ៖ ដើមអំពិល</p>