<div class="article-content">
<p><strong>ក្រចេះ ៖ </strong> គ្រឿងចក្រឈូសដី<strong> </strong>របស់ថៅកែម៉ៅការ ជួសជុលផ្លូវឯកជនមួយគ្រឿង បើកឈូសកិនកប់ក្មេង ប្រុសម្នាក់ស្លាប់ ខណៈដែលគ្រឿងចក្រ នេះបាននិងកំពុងធ្វើការឈូសឆាយដី ជួសជុលផ្លូវលំមួយខ្សែ នៅចំណុចកែងវត្តប៉ាឆា ស្ថិតក្នុងភូមិ ត្រពាំងព្រីង សង្កាត់ក្រចេះក្រុងក្រចេះ កាលពី វេលា ម៉ោង១១ព្រឹក ថ្ងៃទី០៤ ខែមករា ឆ្នាំ២០១៤ ។</p>
<p>ប្រភពពីកន្លែងកើតហេតុ បានឲ្យដឹងថា ថៅកែរគ្រឿងចក្រនោះឈ្មោះ បូរិន ជាអ្នកទទួលម៉ៅការជូស ជុលផ្លូវលំ រស់នៅម្តុំកើតខាងលើហេតុ រីឯ អ្នកបើកបរ គេនៅមិនទាន់ស្គាល់អត្តសញ្ញាណ ហើយនៅមុន ពេលកើតហេតុ គេឃើញក្មេងប្រុសរងគ្រោះ ដើរតាមផ្លូវគៀនរបង ជាប់ផ្ទះក្មេងរងគ្រោះ រីឯគ្រឿងចក្រ បាននិងកំពុងបើកឈូសឆាយដីទៅវិញទៅមក លុះមួយសន្ទុះ ទើបមានអ្នកនៅក្បែរនោះ បានឃើញអាវ និងដៃជើងរបស់ក្មេងប្រុស រងគ្រោះ ត្រូវបានគ្រឿងចក្រកិន និងឈូសជាច្រើនត្រឡាប់ ដេកស្លាប់កប់ដី ទើបបង្កឲ្យមានការភ្ញាក់ផ្អើលឆោឡោ ។</p>
<p>ក្មេងប្រុសរងគ្រោះ មានឈ្មោះ រ៉ូ ហ្វីន ភេទប្រុស អាយុ ៦ឆ្នាំ ឳពុកឈ្មោះ ខន ធី អាយុ ៤៧ឆ្នាំ និង ម្តាយ ឈ្មោះ សុខ ភីយាន អាយុ ៤១ឆ្នាំ រស់នៅក្នុង ភូមិត្រពាំងព្រីង សង្កាត់ក្រចេះ ក្រុងក្រចះ ត្រូវបានក្រុម គ្រួសាររៀបចំ ធ្វើបុណ្យតាមប្រពៃណី ហើយគ្រឿងចក្រ សមត្ថកិច្ចបានយកទៅរក្សាទុក ដើម្បីរង់ចាំ ធ្វើការដោះស្រាយ ៕</p>
<p style="text-align: center;"><img src="http://image.dap-news.com:81/dap-news/dap-images/2014/January/id-014/that-0038.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-014/that-0039.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-014/that-0040.jpg" alt="Photo by DAP-News" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/January/id-014/that-0041.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>