<div class="article-content">
<p><strong>កំពង់ចាមៈ</strong> ចោរម្នាក់មានជំនាញខាងលួចកាច់សោ ក យកម៉ូតូ ត្រូវបានកម្លាំងនគរបាលស្រុក<br />ព្រៃឈរ ក្របួចបាននិងកសាងសំណុំរឿង បញ្ជូនទៅសាលាដំបូង ខេត្តកំពង់ចាម នៅព្រឺកមិញ។</p>
<p>ជនសង្ស័យរូបនេះ សមត្ថកិច្ចចាប់ខ្លួន បានបន្ទាប់ពីបានធ្វើសកម្មភាពលួចកាច់សោ ក យកម៉ូតូ<br />ជនរងគ្រោះ នៅចំណុចរោងកាន់អង្គ ក្នុងបរិវេណវត្តព្រះលានថ្មពូន ស្ថិតក្នុងភូមិត្រាំង ឃុំថ្មពូន<br /> ស្រុកព្រៃឈរ ខេត្តកំពង់ចាម កាលពីវេលាម៉ោង២និង៤៥នាទី រំលងអធ្រាត្រ ឈានចូលថ្ងៃទី១៦<br /> ខែកុម្ភៈ ឆ្នាំ២០១៣ ។ ជនសង្ស័យ មានឈ្មោះ ហេង សុភ័ក្រ្ត ហៅសុង ហាក់ ភេទប្រុស អាយុ <br />២៤ឆ្នាំ រស់នៅភូមិខ្នងក្រពើលិច ឃុំត្រមូង ស្រុកមេមត់ ខេត្តកំពង់ចាម។</p>
<p>អធិការនគរបាលស្រុកព្រៃឈរ លោក កែវ ស៊ាងហ៊ាន់ បានប្រាប់ឲ្យដឹងថា ឈ្មោះ ថ្លាង គឹមឡន<br /> ភេទប្រុស អាយុ ៥៥ឆ្នាំ ជាម្ចាស់ម៉ូតូ បានឲ្យសមត្ថកិច្ចដឹងថា កាលពីថ្ងៃទី១៥ ខែកុម្ភៈ គាត់បាន<br />មកចូលរួមបុណ្យកាន់អង្គ នៅវត្តព្រះលានថ្មពូន បន្ទាប់មកកូនរបស់គាត់ឈ្មោះ កន ចាន់ទ្រី បាន<br />ជិះម៉ូតូ ម៉ាក សេ១២៥ ស៊េរីឆ្នាំ២០១១ ពាក់ស្លាកលេខ 1F 9477 មកទុកក្នុងរោងកាន់អង្គ ឲ្យគាត់<br />មើល លុះរហូតដល់ម៉ោង២និង៤៥នាទី រំលងអធ្រាត្រ ថ្ងៃកើតហេតុ គាត់បានលង់លក់មួយ ភាំង<br /> ស្រាប់តែដឹងខ្លួនក៏បាត់ម៉ូតូតែម្តង។</p>
<p>លោក អធិការបានឲ្យដឹងទៀតថា នៅក្នុងពិធីបុណ្យកាន់អង្គនោះ លោកបានដាក់កម្លាំងសមត្ថកិច្ច<br />ការពារនៅទីនោះ ហើយក្រោយហេតុការណ៍ភ្លាមៗ បន្ទាប់ពី សមត្ថកិច្ចយើងទទួលព័ត៌មានពីជន<br />រងគ្រោះ សមត្ថកិច្ចយើង បានស្ទាក់ចាប់ជនល្មើស ដែលលួចម៉ូតូបានបម្រុងជិះគេចខ្លួន។</p>
<p>ជនសង្ស័យ ឈ្មោះហេង សុភ័ក្រ្ត ហៅសុង ហាក់ បានសារភាពថា នៅរសៀលថ្ងៃទី១៥ ខែកុម្ភៈ ខ្លួនបានជិះរថយន្តឈ្នួលមកពីស្រុកមេមត់ ចូលរួមក្នុងពិធីបុណ្យកាន់ អង្គនោះ លុះនៅវេលារំលង<br />អធ្រាត្រ ខ្លួនបានឃើញម៉ូតូមួយគ្រឿងនោះ ម្ចាស់ទុកក្នុងរោងកាន់អង្គ ម្ចាស់ដេកលក់ ខ្លួនក៏ធ្វើ<br />សកម្មភាព យកដែកអក្សរតេ លួចកាច់សោ ក យកម៉ូតូនោះបម្រុងជិះរត់គេច តែត្រូវសមត្ថកិច្ច<br />ចាប់ខ្លួនបាន។</p>
<p>អធិការនគរបាលស្រុកព្រៃឈរ បានឲ្យដឹងទៀតថា ជនសង្ស័យ សមត្ថកិច្ចបានបញ្ជូនទៅសាលា<br />ដំបូងខេត្តកំពង់ចាមដើម្បីចាត់ការទៅតាមផ្លូវច្បាប់ រីឯម៉ូតូសមត្ថកិច្ច បានប្រគល់ជូនជនរងគ្រោះ<br />វិញហើយ៕ </p>
<p style="text-align: center;"><img src="http://111.92.240.170:81/dap-news/dap-images/2013/February/id-014/that-0126.jpg" alt="www.dap-news.com" width="400" /></p>
<p style="text-align: center;"><strong>ជនសង្ស័យដែលត្រូវសមត្ថកិច្ចឃាត់ខ្លួនបាន</strong></p>
<p style="text-align: center;"><img src="http://111.92.240.170:81/dap-news/dap-images/2013/February/id-014/that-0127.jpg" alt="www.dap-news.com" width="400" /></p>
<p style="text-align: center;"><strong>ម៉ូតូដែលជនសង្ស័យលួចកាច់សោ ក</strong></p>
<p style="text-align: right;">ផ្តល់សិទ្ធិដោយ៖ ដើមអំពិល<strong><br /></strong></p>
</div>