<p><span style="color: #000000;"><strong>(ភ្នំពេញ)៖</strong> ខ្សែការពារដ៏រឹងមាំ Anthony Odion Obadina បានវិលត្រឡប់មកជួយក្លិបភ្នំពេញក្រោនវិញហើយ ក្រោយចាកចេញទៅប្រកបអាជីពបាល់ទាត់ជាមួយនឹងក្លឹបលំដាប់លីគទី២ នៅប្រទេសន័រវេអស់រយៈពេល ៤ខែកន្លងទៅ នេះបើយោងតាមប្រភពព័ត៌មានលើប្រព័ន្ធទំនាក់ទំនងសង្គមរបស់ក្លឹបជើងឯក ៦សម័យកាល នេះ ។</span></p>
<p><span style="color: #000000;">ជាមួយនឹងដំណើរវិលត្រឡប់ជាថ្មីមកកម្ពុជា ខណៈខ្លួនធ្លាប់ជួយភ្នំពេញក្រោន លើកពានលីគកំពូលកម្ពុជា ៣លើកផងនោះ Anthony Odion Obadina នៅមិនទាន់ច្បាស់លាស់ពីពេលវេលាជួយភ្នំពេញក្រោន ក្នុងរដូវកាលថ្មីនេះទេ ប៉ុន្ដែក្លឹបកំពុងតែពិចារណា ដើម្បីសម្រេចឲ្យខ្សែការពារនីហ្សេរីយ៉ារូបនេះ បានលេងក្នុងរយៈពេលខ្លីណាមួយ មុននឹងគេត្រឡប់ទៅប្រទេសន័រវេវិញ ។</span></p>
<p><span style="color: #000000;">យោងតាមប្រភពព័ត៌មានខាងលើបានបញ្ជាក់ដែរថា ទន្ទឹមជាមួយនឹងដំណើរវិលត្រឡប់របស់ខ្សែការពារឆ្នើមខាងលើ ភ្នំពេញក្រោន ក៏កំពុងធ្វើតេស្ដសមត្ថភាពអ្នកចាំទីជនជាតិជប៉ុន Jun Kochi ដើម្បីជំនួសតំណែងកីឡាករ Abel Yebenes ដែលទើបចាកចេញផងដែរ ។ Jun Kochi គឺធ្លាប់មានបទពិសោធន៍ជាមួយនឹងក្លឹបអាជីពនៃប្រទេសបង់ក្លាដេស, សិង្ហបុរី, ថៃ និងមីយ៉ាន់ម៉ាទៀតផង ៕</span></p>
<p><span style="color: #000000;"><img src="https://scontent-sin1-1.xx.fbcdn.net/v/t1.0-9/13240054_1729921353914049_8715701917795364458_n.jpg?oh=9c6072a52822bcd28723f3bcf71e453f&oe=57E5522A" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xtf1/v/t1.0-9/13237776_1729921427247375_3690115007283292588_n.jpg?oh=38b2c41f801db2757088d772303dec3a&oe=579F5443&__gda__=1473819115_946f3afad1c21d02f0f93f285262bde5" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xtf1/v/t1.0-9/13166045_1729921397247378_5267076713502666930_n.jpg?oh=21fa2fb2c4158e9a88174d758547e6af&oe=579D35D7&__gda__=1469945215_624e80f456a25958cd608164ab5b6e87" alt="" width="730" /></span></p>
<p><span style="color: #000000;"><img src="https://scontent-sin1-1.xx.fbcdn.net/v/t1.0-9/13221634_1729921407247377_5104648027068365513_n.jpg?oh=46dbd6a7d7baa964fa42209eab706576&oe=57E469E5" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>