<p class="the-article-summary"><span style="color: #000000;">ប្រភពព័ត៌មានថ្មីបំផុតមួយ បានបញ្ជាក់ថា iPhone 7 នៅតែរក្សាការរចនាម៉ូតដូចនឹង iPhone 6s ប៉ុន្តែ វាមានកម្រាស់ស្តើងជាង 1 mm មិនមានរន្ធដោតកាសប្រភេទ 3,5 mm និងមានលទ្ធភាព អាចការពារ ជម្រាបទឹកបាន។</span></p>
<p><span style="color: #000000;">Blog បច្ចេកវិទ្យាមួយមកពីជប៉ុន ដែលមានឈ្មោះថា Macotakara បានធ្វើការប្រមូលផ្តុំនូវបណ្តា ព័ត៌មានរំពឹងទុករបស់អ្នកវិភាគ Ming-Chi Kuo របស់ KGI ស្តីពី iPhone ស៊េរីថ្មី។ ក្នុងនោះ iPhone 7 មានការរចនាម៉ូតធ្វើពីលោហធាតុដូចនឹង iPhone 6 និង 6S ប៉ុន្តែមានកម្រាស់ស្តើងជាង 1 mm។ ក្រៅពីនេះ ស្មាតហ្វូននឹងមានសមត្ថភាពអាចការពារជម្រាបទឹកបាន។ បើសិនជាបណ្តាព័ត៌មានខាង លើពិតជាត្រឹមត្រូវមែននោះ iPhone 7 នឹងមានកម្រាស់ត្រឹមតែ 6,1 mm ប៉ុណ្ណោះ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/3/2/iphone7-02-03-2016--14-31-15.png"><img src="/FileManager/Articles/mce/2016/3/2/iphone7-02-03-2016--14-31-15.png" alt="" /></a></span></p>
<p style="text-align: center;"><em>(រូបភាពតំណាង)</em><span style="color: #000000;"><em><a class="thickbox" title="" href="/FileManager/Commons/2016/3/2/iphone7-02-03-2016--14-31-15.png"></a></em><br /></span></p>
<p><span style="color: #000000;">ប្រភពក៏បានផ្គត់ផ្គង់បន្ថែម នូវព័ត៌មានមួយចំនួនដូចជា ចង្កោមកាមេរ៉ាខាងក្រោយរបស់ iPhone ជំនាន់ ថ្មី នឹងមិនមានភាពលៀនលយចេញមកក្រៅដូចនឹង iPhone 6 និង 6S។ ចំណែករន្ធដោត កាសប្រភេទ 3,5 mm ក៏ត្រូវបានបំបាត់ចោល គោលបំណងដើម្បីបន្ថយកម្រាស់នៃស្មាតហ្វូន។ បើតាមការរំពឹងទុក Apple នឹងធ្វើការលក់បន្ថែមនូវឧបករណ៍គ្រឿងផ្សំខាងក្រៅ ដូចជាកាសស្តាប់តន្រ្តី Beats ប្រើប្រាស់ តំណភ្ជាប់អត់ខ្សែ ឬប្រើខ្សែប្រភេទ Lightning។</span></p>
<p><span style="color: #000000;">iPhone 7 ត្រូវបានគេរំពឹងទុកថា នឹងត្រូវបាន Apple ធ្វើការបង្ហាញណែនាំខ្លួនជាផ្លូវការ នៅក្នុងខែ កញ្ញា ដូចបណ្តាឆ្នាំមុនៗនេះ៕</span></p>
<p><span style="color: #000000;"><a href="http://www.camnews.com.kh/News/Detail/4426/apple-iphone-5se-in-retail-box%E2%80%8B-is-fake"><span style="color: #0000ff;"><em>- អានអត្ថបទ៖ រូបភាពក្នុងប្រអប់ ដែលគេចាត់ទុកថាជា iPhone 5se គឺក្លែងក្លាយ</em></span></a><br /><a href="http://www.camnews.com.kh/News/Detail/41604/vivo-xplay-5-elite-officially-launch-at-china"><span style="color: #000000;"><span style="color: #0000ff;"><em>- អានអត្ថបទ៖ Vivo Xplay 5 Elite: ស្មាតហ្វូនមាន RAM 6GB ដំបូងគេលើពិភពលោក បង្ហាញខ្លួនជាផ្លូវការហើយ</em></span></span></a><br /></span></p>
<p> </p>
<p style="text-align: right;">ប្រែសម្រួល៖ មង្គល<br />ប្រភព៖ <em>Macotakara, VR</em></p>