<p><span style="color: #000000;">ភ្នំពេញ ៖ នគរបាលស្រុកច្បារអំពៅបានចាប់ខ្លួនក្មេងប្រុសអាយុ ១៧ ឆ្នាំម្នាក់ កាលពីថ្ងៃអង្គារ ពីបទលក់ថ្នាំញៀនតាមហ្វេសប៊ុក ។</span></p>
<p><span style="color: #000000;">លោក សុខ វីរៈ មេបញ្ជាការរងស្នងការនគរបាលស្រុក ច្បារអំពៅបានបញ្ជាក់អត្តសញ្ញាណជនសង្ស័យឈ្មោះ លីម លីហ៊ាន ដែលជាសិស្សបោះបង់ចោលការសិក្សា នៅវិទ្យាល័យច្បារអំពៅ ២ ។</span></p>
<p><span style="color: #000000;">លោក វីរៈ បាននិយាយថា កាលពីដើមសប្តាហ៍នេះជនសង្ស័យបានប្រកាសនៅលើទំព័រហ្វេសប៊ុករបស់ខ្លួនថា គាត់មានគ្រឿងញៀនសម្រាប់លក់ ប្រសិនបើមានអ្នកត្រូវការ អាចទាក់ទងគាត់បាន ។</span></p>
<p><span style="color: #000000;"><a class="thickbox" title="" href="/FileManager/Commons/2018/4/5/1-05-04-2018--10-05-22.png"><img src="/FileManager/Articles/mce/2018/4/5/1-05-04-2018--10-05-22.png" alt="" /></a><br /></span></p>
<p><span style="color: #000000;">បន្ទាប់ពីបានឃើញការបង្ហោះតាមហ្វេសប៊ុកហើយ កងរាជអាវុធហត្ថបានសុើបនិង ចាប់ខ្លួនជនសង្ស័យ ព្រមទាំងរឹបអូសគ្រឿងញៀនចំនួន ៣ កញ្ចប់ រួមជាមួយគ្រឿងផ្សេងៗដែលប្រើសម្រាប់សេពគ្រឿងញៀនថែមទៀតផង ។ </span></p>
<p><span style="color: #000000;">អ្វីដែលមិនគួរឲ្យជឿនោះគឺ ក្មេងប្រុសម្នាក់ដែលបានចាប់ខ្លួននោះគឺមានអាយុត្រឹមតែ ១៧ ឆ្នាំប៉ុណ្ណោះ ។ <span style="font-size: 12px;">មន្ត្រីកងរាជអាវុធហត្ថស្រុកច្បារអំពៅបាននិយាយថា ក្នុងអំឡុងពេលសួរចម្លើយជនសង្ស័យបានបដិសេធថា គាត់មិនមែនជាអ្នកជួញដូរថ្នាំញៀនទេ ហើយក្មេងប្រុសនោះបានអះអាងថា មានគេលួចគណនីហ្វេសប៊ុករបស់គាត់យកទៅប្រើប្រាស់ និងផុសបែបនេះ ។</span></span></p>
<p><span style="color: #000000;">គាត់សារភាពទៀតថា ខ្លួនពិតជាម្ចាស់ហ្វេសប៊ុកពិតមែន ប៉ុន្តែលោកមិនបានបង្ហោះវាទេ ។ ដូចដែលបានលើកឡើងខាងលើ គណនីរបស់គាត់ត្រូវបានគេលួចយកទៅប្រើប្រាស់ (ចម្លើយជនសង្ស័យ) ។ </span></p>
<p><span style="color: #000000;">ជនសង្ស័យត្រូវបានគេឃុំខ្លួននៅស្នងការដ្ឋាននគរបាលស្រុកហើយ នឹងត្រូវបង្ហាញខ្លួនជាលើកដំបូងនៅតុលាការនៅថ្ងៃនេះ ជុំវិញពីការចោទប្រកាន់ពីការជួញដូរគ្រឿងញៀន ៕</span></p>
<p><span style="color: #000000;"><a class="c_tab" href="http://www.khmertimeskh.com/50299571/teen-arrested-for-selling-meth-on-facebook-page/" target="_blank"><img src="/FileManager/Articles/mce/2018/4/5/khmertimes-05-04-2018--10-05-32.png" alt="" /></a></span></p>
<p style="text-align: right;"><span style="color: #000000; font-size: 12px; text-align: right;">ប្រែសម្រួល ៖ គន្ធា</span></p>
<p style="text-align: right;"><span style="color: #000000;">ប្រភព ៖ khmertimes</span></p>