<p><span style="color: #000000;">ព័ត៌មានអន្តរជាតិ ៖ អង្ករ ក្លែងក្លាយ ផលិតពី ក្រដាស រមូរតូចៗ ត្រូវបានរកអោយឃើញថា បាន បង្ហាញវត្តមានរបស់ខ្លួនឡើង នៅក្នុងខេត្ត Guangdong ប្រទេសចិន ដើមសប្តាហ៍នេះ បន្ទាប់ពី ស្រ្តីម្នាក់ ចាប់អារម្មណ៍បានថា បាយដែលខ្លួន កំពុងតែ ទំពាញ៉ាំនោះ រឹងប្លែក ខុសពីសព្វមួយដង</span></p>
<p><span style="color: #000000;"><a class="thickbox" title="" href="/FileManager/Commons/2015/9/7/60-07-09-2015--10-06-27.jpg"><img src="/FileManager/Articles/mce/2015/9/7/60-07-09-2015--10-06-27.jpg" alt="" /></a><br /></span></p>
<p><span style="color: #000000;">មាននាមត្រកូលថា Cai លោកស្រី គូសបញ្ជាក់ដល់ភ្នាក់ងារ សារព័ត៌មានអោយដឹងថា៖លោកស្រី និងសមាជិក គ្រួសារឯទៀត ពិតជាមិនបានដឹងថា អង្ករ ដែលកំពុង តែ ញ៉ាំរាល់ថ្ងៃនេះ ជាអង្ករ ក្លែងក្លាយនោះទេ លុះមកដល់ ថ្ងៃដើមសប្តាហ៍នេះ ខណៈលោកស្រី ទំពាបាយ ពិបាកញ៉ាំខ្លាំង បើ ធៀបទៅនឹងរាល់ដង លោកស្រី ក៏ខ្ជាក់ចេញ និងពិនិត្យអោយល្អិតល្អន់ ទើបរកឃើញថា តាមពិត ទៅអង្ករដែលរឹងខ្លាំង ពិបាកញ៉ាំនោះ គឺផលិតចេញពី ក្រដាសរមូរតូចៗ ។ </span></p>
<p><span style="color: #000000;">លោកស្រី Cai បន្តអោយដឹងថា លោកស្រី បានទិញអង្ករ ប្រភេទនេះ ពីហាងលក់ទំនិញក្នុងស្រុក មួយកន្លែង ខណៈអ្នកលក់ធានាអោយបានថា ជាអង្ករសុទ្ធ ពីកសិករជនបទ គ្មានបន្ថែមសារជាតិ គីមីនោះទេ ។</span></p>
<p><span style="color: #000000;"><a class="thickbox" title="" href="/FileManager/Commons/2015/9/7/61-07-09-2015--10-09-13.jpg"><img src="/FileManager/Articles/mce/2015/9/7/61-07-09-2015--10-09-13.jpg" alt="" /></a><br /></span></p>
<p><span style="color: #000000;">គួររំឮកថា ដើមឆ្នាំនេះ ប្រធានបទក្តៅ អង្ករក្លែងក្លាយ ចរាចរនៅក្នុង ប្រទេសចិន ក៏ដូចជា នៅលើ ទីផ្សារតំបន់អាស៊ី គឺជាព័ត៌មាន ដ៏រស៊ើបមួយ ក្រោយអង្ករ<span>ក្លែងក្លាយ</span>ត្រូវ បានគេរកឃើញថា ផ្សំឡើងពី ដំឡូងបារាំង ដំឡូងជ្វា និងប្រភេទជ័រសំយោគមួយ ចំនួនផ្សេង ទៀត ។ យោងតាម របាយការណ៍ ពីទំព័រ Oryza.com អោយដឹងថា អង្ករក្លែងក្លាយពេលដាំឆ្អិននឹងក្លាយជារឹងខុសពីធម្មតា ចំណែក ស៊ុបដែលដាក់អង្ករនេះចូលហាក់ដូចជាគ្មានជាតិ និងឆេះនៅពេលរងកម្ដៅខ្លាំង៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ឆៃណា </span></p>