<p><span style="color: #000000;"><strong>(ភ្នំពេញ)៖</strong> ក្រោយពីបានឃើញខ្លឹមសារ នៃការរិះគន់ខ្លាំងៗពីសំណាក់តារាសម្តែងសិចស៊ី កញ្ញា ដេននី ខ្វាន់ ដែលបានបាញ់ចាក់ស្រោច ដោយមិនសំចៃមាត់ លើគ្រូហោរាអគ្គីនេត្រ រហូតមានបណ្តាញសាព័ត៌មានក្នុងស្រុក បានចុះផ្សាយថា ជាបន្តបន្ទាប់ពីគ្រូម្នាក់នេះ ថា បានដើរបោកប្រាស់មហាជនរួចមក ស្រាប់តែសាមីខ្លួន លោកគ្រូហោរាអគ្គីនេត្រ បានផ្ទុះកំហឹងចេញមុខប្រតិកម្ម លើតារាស្រី កញ្ញា ដេននី ខ្វាន់ វិញ យ៉ាងកក្រើកពេញបណ្តាញសង្គមហ្វេសប៊ុក។</span></p>
<p><span style="color: #000000;">បង្ហោះភ្ជាប់ជាមួយរូបភាព និងខ្លឹមសារនៃអត្ថន័យ ចំណងជើងរបស់បណ្តាញ សារព័ត៌មានក្នុងស្រុកមួយចំនួន ដែលបានចុះផ្សាយពី ដេននី ខ្វាន់ ប្រតិកម្មខ្លាំងៗ ចំពោះការប្រើពាក្យសម្តីជេរ ប្រមាថពីសំណាក់គ្រូទាយ មកលើស្រ្តីភេទនោះ គ្រូហោរាអគ្គីនេត្រ បានសរសេរថា «ខួរក្បាលមាន តែគ្មានចេះគិតឡើយ កុំត្រចៀកស និងកុំខ្វាក់ភ្នែកពេក បើមិនដឹងរឿងច្បាស់ កុំចង់ល្បីពេក រឿងខ្លួនឯង ក្រសួងព្រមានមិនចេះកែចរិត ហើយមកចោទប្រកាន់លោក!»។</span></p>
<p><span style="color: #000000;">ប្រភពពីគ្រូហោរាអគ្គីនេត្រ ដដែលនេះ បានបន្ថែមថា «បើកភ្នែកបើកត្រចៀក មើលវិដេអូ ដែលលោកគ្រូឡាយ (Live)ឲ្យបានច្បាស់ កុំយកវិដេអូគេកាត់ចោល យកចំណុចជេរមកកាត់សេចក្តី បើមនុស្សចរិតថោក ត្រូវតែជេរមិនខ្លាចឡើយ!»។</span></p>
<p><span style="color: #000000;">ដោយមានប្រតិកម្មបែបនេះ ពីសំណាក់គ្រូហោរាអគ្គីនេត្រ ភ្លាមៗនេះដែរ កញ្ញា ដេននី ខ្វាន់ ក៏បានចេញមុខតបវិញថា «យី..អាគ្រូសំគីសនេះ ចុះវាយ៉ាងម៉េចក្នុងខ្លួនហ្នឹង ? និយាយប៉ះពាល់អីតិចមិនបាន មានអីអស្ចារ្យ សម្បត្តិត្រឹមតែគ្រូដើរបោក អ្នកដែលឆោតល្ងង់ លង់ជឿប៉ុណ្ណឹងអី ក៏សំដីឡូយម៉េសអាអូន!»។</span></p>
<p><span style="color: #000000;">តារាស្រីកញ្ញា ដេននី ខ្វាន់ បានលើកឡើងទៀតថា « អាអូនឯងអត់ទាន់អស់លក្ខទេ ចាំមើលថ្ងៃមួយ អ្នកដែលធ្លាប់ជឿអាអូនឯង ច្បាស់ជាលើកគ្នាទាំងហ្វូង មកទារប្រាក់អាគ្រូសំគីសឯង ដែលបោកយកទៅចាយ ហ្នឹងមិនខាន តែបើអាអូនឯង យកលុយគេចាយអស់ អត់មានលុយសងគេវិញ ប្រយ័ត្នគុកណាអាអូន យកល្អទៅលក់លៀសហាលវិញទៅ វាស្រួលចិត្ត ជាងដើរបោកលុយគេ ព្រោះរបលក់លៀសហាល វាមិនថោកទាបដូចរបរ ដើរបោកប្រាស់គេទេ គង់មានថ្ងៃអូនដឹងខ្លួនមិនខាន ពេលដែលបានជួបនឹងអីគេទៅណរ.. មិត្តៗជួយថែមផង!»៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/15578855_1701527333206903_8449432296447562311_n.jpg?oh=343ef8389ac756664bc464ef054fcd42&oe=58E28F62" alt="Image may contain: 1 person, stripes" /><img src="https://scontent-kul1-1.xx.fbcdn.net/v/t1.0-9/15541598_1701527336540236_8372466997037889742_n.jpg?oh=62d158ad9dc36725dc122760103d508c&oe=58EEE4D0" alt="Image may contain: 3 people, text" /></span></p>
<p><span style="color: #000000;"><img src="https://fb-s-a-a.akamaihd.net/h-ak-xpa1/v/t1.0-9/15541638_1701527273206909_8970289996123255309_n.jpg?oh=248e0cde8bfe5a9d68e80745b39c69f5&oe=58F6C613&__gda__=1492414318_8ff5feff6eeff98870bb6b9c679ec2d8" alt="Image may contain: 1 person, closeup" /><img src="https://fb-s-c-a.akamaihd.net/h-ak-xta1/v/t1.0-9/15541495_1701527269873576_7861175275086207176_n.jpg?oh=d14b1ce958e46bafb2ef274f04505685&oe=58EBCE61&__gda__=1492318091_841406bf3469edb778fe1e4dd6c3b687" alt="Image may contain: 1 person" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>