<div>កាលពីថ្ងៃទី ៤ ខែមេសា ឆ្នាំ ១៩៧៥, <span>អ្នកសសេរកម្មវិធីកុំព្យូទ័រវ័យក្មេងពីររូបគឺលោក</span> Bill Gates</div>
<div>និង Paul Allen បានសហការណ៍ធ្វើការជាមួយគ្នា ហើយនោះក៏គឺជាជំហ៊ានដំបូងក្នុងការគូស</div>
<div>សញ្ញាសំគាល់នៃការចាប់កំណើតឡើងរបស់ Microsoft ផងដែរ។ ក្នុងដំណាក់កាលនោះលោក</div>
<div>Bill Gates មានអាយុបាន ២២ ឆ្នាំ ចំណែកលោក Allen មានអាយុទើបតែ ១៩ ឆ្នាំប៉ុណ្ណោះ។ ពួក</div>
<div>គាត់ទាំងពីរគឺជាមិត្តជិតសិ្នទនឹងគ្នាបំផុតគឺចាប់តាំងពីកាលរៀននៅសាលាមធ្យមសិក្សានៅឯ</div>
<div>Seattle មកម្ល៉េះ។ ក្រោយពេលដែលលោក Allen បានប្តូរទៅបំរើការងារអោយ MITS នៅឯ</div>
<div>Albuquerque, New Mexico កាលពីខែមករា ឆ្នាំ ១៩៧៥ មក, លោក Gates ពេលនោះកំពុងជា</div>
<div>សិស្សឆ្នាំទី ២ របស់សាកលវិទ្យាល័យ Harvard ក៏បានបោះបង់ការសិក្សាចោលដើម្បីផ្លាស់ទៅ</div>
<div>កាន់ Albuquerque ដើម្បីបន្តការសហការគ្នាជាមួយមិត្តភិក្តរបស់ខ្លួនបន្តទៀត។ ចាប់តាំងពីពេល</div>
<div>នោះមក Bill Gates និង Paul Allen បានរួមដៃគ្នាក្នុងការត្រៀមបោះជំហ៊ានឆ្ពោះទៅរកការបង្កើត</div>
<div>នូវក្រុមហ៊ុន Microsoft ឡើង។ ខែមករា ឆ្នាំ ១៩៧៩ ពូកគាត់ទាំងពីរក៏បានផ្លាស់ទៅកាន់ Bellevue,</div>
<div>ទីក្រុង Washington ដើម្បីបង្កើតជាផ្លូវការនូវក្រុមហ៊ុន Microsoft នៅថ្ងៃទី ២៥ ខែមិថុនា ឆ្នាំ១៩៨១ ។</div>
<div><img style="border-width: 1px; border-style: solid; border-color: -moz-use-text-color; margin: 5px;" src="http://genk2.vcmedia.vn/wQPBIs0f5ma43UmokdeDBBn4DlDtw8/Image/2012/04/billgatespaulallen1981_da8b5.jpg" alt="" width="500" /></div>
<div style="text-align: center;"><span style="font-family: Arial; font-size: 8pt;">Bill Gates និង Paul Allen <br /></span></div>
<div>មួយឆ្នាំក្រោយមក ក្រុមហ៊ុន Microsoft ក៏បានដាក់បង្ហាញវត្តមានសមិទ្ធិផលដំបូងរបស់ខ្លួនគឺប្រព័ន្ធ</div>
<div>ប្រតិបត្តិការ 16 bit MS-DOS 1.0 ដែលត្រូវបានដាក់អោយប្រើប្រាស់នៅលើកុំព្យូទ័ររបស់ IBM ។</div>
<div>ចាប់តាំងពីពេលនោះមក ,Microsoft របស់ Gates និង Allen បានបង្កើតឡើងនូវសករាជកុំព្យូទ័រឯក</div>
<div>ជនមួយ (PC) មានការអភិវឌ្ឍន៍រីកចំរើនយ៉ាងខ្លាំងក្នុងកំឡុង ៣ ទសវត្សរ៍កន្លងមកនេះ។ និងនៅ</div>
<div>ពេលដ៏ខ្លីខាងមុខទៀតនេះក្រុមហ៊ុនរបស់លោកក៏នឹងត្រៀមដាក់បង្ហាញវត្តមានប្រព័ន្ធប្រតិបត្តិការថ្មី</div>
<div>បំផុតមួយទៀតផងដែរគឺ Windows 8 ដើម្បីចាប់ផ្តើមនូវសករាជថ្មីមួយទៀត៖ សម័យកាលបន្ទាប់ពី</div>
<div>PC ។ ហើយដោយឡែកកាលពីថ្ងៃម្សិលម៉ិញគឺថ្ងៃទី ៤ ខែមេសា គឺជាថ្ងៃខួបកំណើតរបស់ Microsoft,</div>
<div>ដូច្នេះចូរយើងចូលរួមអបអរសាទរក្នុងទិវារដ៏ពិសេសនេះទាំងអស់គ្នាណា ! ៕</div>
<div></div>
<div style="text-align: right;"><em>ប្រភព៖ BGR</em></div>
<div style="text-align: right;"><em>ដោយ៖ រស្មី</em></div>