<p><span style="font-size: 12px; color: #000000;">កុំព្យូទ័រ ៖ វីរុស WannaCry បានវាយប្រហារតាមអ៊ីនធឺណិតទូទាំងពិភពលោក កាលពីថ្ងៃសុក្រសប្តាហ៍មុនមកម្ល៉េះ ដោយធ្វើឱ្យម៉ាស៊ីនកុំព្យូទ័រគាំងជាច្រើន និងលួចយកឯកសារសំខាន់ៗផ្សេងទៀត។ អ្នកប្រើប្រាស់តម្រូវឲ្យបង់ប្រាក់ប្រមាណ 300 ដុល្លារតាមរយៈ Bitcoin ប្រសិនបើចង់បានឯកសាររបស់ពួកគេមកវិញ។</span></p>
<p><span style="color: #000000;">ការវាយប្រហារនេះបានរីករាលដាលទៅកាន់ប្រមាណជាង ១៥០ប្រទេស រួមទាំងអាស៊ីផងដែរ។ ហេតុនេះអ្នកប្រើប្រាស់កុំព្យូទ័រទាំងអស់ ត្រូវមានការប្រុងប្រយ័ត្នឲ្យបានខ្ពស់ ចៀសវាងពីការវាយប្រហារដោយវីរុស WannaCry។ ខាងក្រោមនេះ គឺជាវិធីសាស្រ្តដែលអ្នកគួរអនុវត្តន៍ ដើម្បីកុំឲ្យវីរុស WannaCry លួចយកឯកសារពីកុំព្យូទ័ររបស់អ្នកបាន។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/5/17/9-17-05-2017--11-48-39.png"><img src="/FileManager/Articles/mce/2017/5/17/9-17-05-2017--11-48-39.png" alt="" /></a><br /></span></p>
<p><span style="color: #000000;">1. Update Windows ឥលូវនេះ</span></p>
<p><span style="color: #000000;">ប្រសិនបើអ្នកកំពុងប្រើប្រាស់ Window ដែលមាន version ថ្មីបំផុត អ្នកពុំបាច់ភ័យព្រួយពីវីរុសនេះទេ។ វីរុស WannaCry នឹងធ្វើការវាយប្រហារលើ Window ដែលមិនទាន់ update version ព្រោះ Window នោះពុំមានសមត្ថភាពការពារ ប្រឆាំងនឹង malware ប្រភេទនេះទេ។</span></p>
<p><span style="color: #000000;">2. បើក Windows Update ប្រសិនបើវាត្រូវបានបិទ</span></p>
<p><span style="color: #000000;">វាជារឿងធម្មតាទៅហើយ ដែលអ្នកប្រើប្រាស់តែងតែបិទ Microsoft's automatic updates ពីព្រោះវាតែងតែធ្វើការ auto-install។ ប៉ុន្តែអ្នកត្រូវតែទៅបើកវាឥលូវនេះ ដោយចូលទៅកាន់ Control Panel ហើយបើកវាឡើងវិញ ដើម្បីធ្វើឲ្យកុំព្យូទ័រអ្នកមានសុវត្ថិភាព។</span></p>
<p><span style="color: #000000;">3. តំឡើង dedicated ransomware blocker</span></p>
<p><span style="color: #000000;">កម្មវិធី Cybereason Ransomfree ឬ Malwarebytes Anti-Ransomware ត្រូវបានបង្កើតឡើង ដើម្បីបញ្ឍប់នូវមេរោគដូចជា វីរុស WannaCry។ បើអ្នកពុំបាន update កម្មវិធីកម្ចាត់មេរោគក្នុងកុំព្យូទ័រ កុំសង្ឃឹមថាវាអាចការពារឯកសារ ពីវីរុស WannaCry បាន។ ដូចនេះ បើអ្នកគិតថាកុំព្យូទ័រអ្នកគ្មានកម្មវិធីទាំងនោះទេ អ្នកគួរតែតំឡើងកម្មវិធី Cybereason Ransomfree ឬ Malwarebytes Anti-Ransomware ឥលូវនេះ។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/5/17/8-17-05-2017--11-48-27.png"><img src="/FileManager/Articles/mce/2017/5/17/8-17-05-2017--11-48-27.png" alt="" /></a><br /></span></p>
<p><span style="color: #000000;">4. តាមដានការផ្លាស់ប្តូរ</span></p>
<p><span style="color: #000000;">បើទោះបីជាអ្នក បាន update និងតំឡើងកម្មវិធីការពារនានាក៏ដោយ ក៏មិនប្រាកដថាអ្នកត្រូវបានការពារ១០០ភាគរយដែរ។ មិនតែប៉ុណ្ណោះ អ្នកពុំគួរចុចទៅលើតំណភ្ជាប់ (link) ណាមួយពី សារអេឡិចត្រូនិច ឬ វេបសាយ ដែលអ្នកពុំស្គាល់ច្បាស់នោះទេ។</span></p>
<p style="text-align: left;"><span style="color: #000000;">គួរបញ្ជាក់ផងដែរថា Operating system (OS) ដែលអាចប៉ះពាល់ មានដូចជា៖ Windows 8, Windows XP និង Windows Server 2003។ បើអ្នកប្រើ Operating system (OS) ផ្សេងទៀត អ្នកគួរតែធ្វើការ Update វាជាទៀងទាត់។ សម្រាប់អ្នកដែលប្រើប្រាស់ MacOS, ChromeOS ឬ Linux និងទូរស័ព្ទប្រើកម្មវិធី iOS និង Android អ្នកពុំបាច់ភ័យព្រួយពីការវាយប្រហារទាំងនេះទេ ៕</span></p>
<p style="text-align: left;"><span style="color: #000000;"><br /><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2017/5/17/mkn-17-05-2017--11-48-53.png" alt="" /></a><br /></span></p>
<p style="text-align: right;"><span style="color: #000000; font-size: 12px;">ប្រភព៖ CNET</span></p>
<p style="text-align: right;"><span style="color: #000000; font-size: 12px;">ប្រែសម្រួល ៖ High</span></p>