<div class="article-content">
<p><strong>កណ្តាល៖</strong> បុរសជាអង្គរក្សម្នាក់ បានជិះម៉ូតូធំ ទៅបុក រថយន្តដឹកឥដ្ឋពីក្រោយពេញទំហឹង <br />បណ្តាលឲ្យដួលបោក ក្បាលស្លាប់ភ្លាមៗ នៅកន្លែងកើតហេតុ កាលពីម៉ោង៦ និង១០នាទី<br />ព្រឹកថ្ងៃទី០២ ខែកក្កដា ឆ្នាំ២០១៣ ស្ថិតនៅ ក្បែរជញ្ជីងថ្លឹងរថយន្ត ស្រុកអង្គស្នួល ភូមិព្រៃពពេល<br /> ឃុំពើក ស្រុកអង្គស្នួល ខេត្តកណ្តាល។</p>
<p>នគរបាលស្រុកអង្គស្នួលបានឲ្យដឹងថា មុនពេលកើតហេតុមានរថយន្តដឹកឥដ្ឋ ម៉ាកហ៊ីយ៉ាន<br />មួយគ្រឿង បានធ្វើចរា ចរណ៍ក្នុងទិសដៅពីកើតទៅលិច។ លុះដល់ចំណុចកើតហេតុ ពោលគឺ<br />នៅជិតជញ្ជីងថ្លឹងរថយន្តស្រុកអង្គស្នួល រថ យន្តបានបត់ឆ្លងផ្លូវ ពេលបត់បានពាក់កណ្តាល <br />ស្រាប់តែមានម៉ូតូមួយគ្រឿងម៉ាកCBR បើកបរដោយមន្រ្តីអង្គរក្ស ក្នុងល្បឿនយ៉ាងលឿន ហើយជ្រុលចង្កូតទៅបុកទំហឹងចំទ្រង់រថយន្តផ្នែកខាងក្រោយឈាងខាងស្តាំ បណ្តាលឲ្យ ដួលបោកក្បាលទៅនឹងថ្នល់បែកស្លាប់ភ្លាមៗនៅនឹងកន្លែង។ រីឯម៉ូតូ ក៏រងការខូចខាតយ៉ាង<br />ដំណំផង ដែរ។</p>
<p>ក្រោយកើតហេតុភ្លាមៗ មន្រ្តីនគរបាលចរាចរណ៍ស្រុកអង្គស្នួលបានចុះទៅដល់កន្លែងកើតហេតុ <br />ធ្វើវាស់វែង និង ឃាត់ខ្លួនអ្នកបើកបររួមវត្ថុតាងទាំងរថយន្ត និងម៉ូតូទៅកាន់អធិការដ្ឋានស្រុកអង្គស្នួល<br /> ដើម្បីចាត់ការទៅតាមនីតិវិធី ចំណែកឯសពជនរងគ្រោះវិញ ត្រូវប្រគល់ទៅឲ្យក្រុមគ្រួសារយកទៅ<br />ធ្វើបុណ្យតាមប្រពៃណី។</p>
<p>នគរបាលស្រុកអង្គស្នួលបានឲ្យដឹងផងដែរថា បុរសបើកបររថយន្តហ៊ីយ៉ានដាយ ពាណ៌ស ដឹកឥដ្ឋ<br />ប្រហោង ពាក់ ស្លាកលេខភ្នំពេញ 3A-6616 មានឈ្មោះ ឃៀង ម៉ៅ អាយុ ៤៨ឆ្នាំ មានមុខរបរជាអ្នក<br />បើកបរថយន្ត រស់នៅក្នុង ភូមិឈើទាលភ្លោះ ឃុំស្វាយអំពារ ស្រុកមុខកំពូល ខេត្តកណ្តាល។ ចំណែក<br />ជនរងគ្រោះជាអង្គរក្ស បើកម៉ូតូម៉ាក CBR ពណ៌ស ពាក់ស្លាកលេខ ភ្នំពេញ 1BU-9148 ទៅបុករថយន្ត<br />នោះ មានឈ្មោះ គឹម ចាន់ថន អាយុ ៣៨ឆ្នាំ រស់នៅ ភូមិធ្លក ឃុំត្រពាំងគង ស្រុកសំរោងទង ខេត្តកំពង់ស្ពឺ ។</p>
<p>នគរបាលស្រុកអង្គស្នួលបានបញ្ជាក់ថា គ្រោះថ្នាក់ចរាចរនេះ បានកើតឡើងដោយសារអ្នកបើកបរ<br />ម៉ូតូខ្វះការប្រុង ប្រយ័ត្ន និងបើកលឿនហួសល្បឿនកំណត់ ដូច្នេះហើយបងប្អូនប្រជាពលរដ្ឋ ត្រូវតែ<br />មានស្មារតីប្រុងប្រយ័ត្នឲ្យបាន ខ្ពស់ ចៀសវាងគ្រោះថ្នាក់ចរាចរអាចនាំឲ្យបាត់បង់អាយុជិវិតតែមួយ<br />ប៉ព្រិកភ្នែកនោះ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-321.jpg" alt="Photo by DAP-NEWS" width="550" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-009/S-322.jpg" alt="Photo by DAP-NEWS" width="550" /></p>
</div>