<p>អគ្គនាយករបស់ NASA បានសំដែងការជឿជាក់របស់ខ្លួន អំពីវត្តមានរបស់មនុស្សភពក្រៅ ដែល<br />មនុស្សយើងមិនទាន់រកឃើញ។</p>
<p>កាលពីថ្ងៃទី ៧កក្កដាកន្លងទៅ Sputnik បានចុះផ្សាយថា អ្នកដឹកនាំទីភ្នាក់ងារអវកាសអាមេរីក <br />NASA លោក Charles Bolden ថ្លែងថា លោកជឿថា មានមនុស្សភពផ្កាយពិតមែន។</p>
<p style="text-align: center;"><a class="thickbox" title="" href="/FileManager/Commons/2016/7/8/alien-08-07-2016--11-11-20.jpg"><img src="/FileManager/Articles/mce/2016/7/8/alien-08-07-2016--11-11-20.jpg" alt="" /></a></p>
<p style="text-align: center;">អគ្គនាយករបស់ទីភ្នាក់ងារអវកាសអាមេរិក ជឿថាពិតជាមានមនុស្សភពផ្កាយ<br /><br /></p>
<p>លោក Charles Bolden ថ្លែងថា ៖ “ខ្ញុំវាយតម្លៃខ្ពស់ទៅលើវត្តមានរបស់មនុស្សភពផ្កាយ។ ខ្ញុំជឿថា<br /> ថ្ងៃណាមួយ មនុស្សនឹងរកឃើញសភាវមានជីវិត នៅភពនានាខាងក្រៅផែនដី។ ប្រការនេះ បើមិន<br />កើតឡើងនៅក្នុងប្រព័ន្ធព្រះអាទិត្យរបស់មនុស្ស វាក៏នឹងមាននៅក្នុងបណ្ដាភពក្នុងចំណោមរាប់<br />ពាន់លានហ្គាឡាក់ស៊ី ក្នុងអវកាស”។</p>
<p>ក៏ប៉ុន្តែ លោក Charles Bolden បានឱ្យដឹងថា មូលដ្ឋានទ័ពដ៏ល្បីល្បាញនៅ Nevada ដែលគេ<br />ស្គាល់ថា “តំបន់ ៥១” នេះ មិនមានអ្វីដែលជាប់ទាក់ទឹននឹងមនុស្សភពផ្កាយនោះទេ។</p>
<p>អ្នកដឹកនាំ NASA រូបនេះ បានឱ្យដឹងថា “ខ្ញុំធា្លប់នៅទីនោះ វាគ្រាន់តែជាមូលដ្ឋានទ័ពធម្មតា<br />ប៉ុណ្ណោះ។ ខ្ញុំមិនបានឃើញបំណែកនៃយានអវកាសណាមួយ ឬអ្វីដែលជារបស់មនុស្សភពក្រៅ<br /> នៅទីនោះសោះឡើយ”។</p>
<p>គួររំលឹកថា មុននេះ ក្រុមអ្នកវិទ្យាសាស្ដ្ររបស់ NASA បានប្រកាសថា បរិយាកាសរបស់ភព<br />អង្គារកាលពីអតីតកាល ក៏ធ្លាប់មានអ៊ុកស៊ីហ្សែន ដែលនេះក៏ជាភ័ស្ដុងតាងមួយ បង្ហាញថា ភព<br />អង្គារក៏ប្រហែលជាធ្លាប់មានជីវិតរស់នៅកាលពីអតីតកាល ហើយវាក៏អាចនឹងមានសភាវមាន<br />ជីវិត នាបច្ចុប្បន្នផងដែរ។</p>
<p style="text-align: right;">ប្រែសម្រួល ៖ បុត្រា</p>