<p><span style="color: #000000;"><strong>(នីហ្សេរីយ៉ា)៖</strong> ប្តីប្រពន្ធជនជាតិនីហ្សេរីយ៉ាពីរនាក់ មានការរន្ធត់ចិត្តជាខ្លាំង បន្ទាប់ពីបាត់បង់កូនអស់បីនាក់ ក្នុងថ្ងៃតែមួយ ព្រោះតែឃាតកសម្លាប់កាត់ក្បាល យ៉ាងសាហាវព្រៃផ្សៃ។ ប៉ូលិសសន្និដ្ឋានថា ក្បាលកុមាររងគ្រោះ អាចនឹងត្រូវឃាតកយក ទៅធ្វើមន្តអាគមអ្វីមួយ ព្រោះសាកសពនៅសល់តែដងខ្លួន ខណៈដែលឪពុកម្តាយ និងអ្នកស្រុកប្រទះឃើញ ហើយស្ត្រីជាម្តាយស្នើសុំ ឲ្យប៉ូលិសជួយស្វែងរកឃាតក មកដាក់ទោសផងដែរ។</span></p>
<p><span style="color: #000000;">នៅថ្ងៃកើតហេតុ នាង Cecilia Emberga Agammbuee និយាយថា កូនរបស់នាងកំពុងលេង ជាមួយមិត្តភក្តិ ហើយក៏មានមនុស្សមិនស្គាល់មុខពីរបីនាក់ ចូលមកទាញដៃកូនម្នាក់ទៅ ពេលនោះក្មេងៗឯទៀត បានរត់គេចអស់ដើម្បី ហៅអ្នកភូមិឲ្យជួយ តែកូនរបស់នាងពីរនាក់ទៀត មិនទៅណាឆ្ងាយទេ គឺពួកគេនៅតស៊ូជាមួយចោរ ដើម្បីរំដោះប្អូនស្រីមកវិញ។ ជាអកុសល ពេលដែល Agammbuee និងប្តីព្រមទាំងអ្នកភូមិមកដល់កន្លែងកើតហេតុ ក៏ឃើញសាកសពក្មេងទាំងបី គ្មានក្បាលឡើយ ធ្វើឲ្យឪពុកម្តាយស្លុតចិត្តណាស់។</span></p>
<p><span style="color: #000000;">ក្មេងៗរងគ្រោះទាំងបី មានក្មេងស្រីអាយុ១០ឆ្នាំម្នាក់ ឈ្មោះ Terdors ក្មេងប្រុសអាយុ៨ឆ្នាំឈ្មោះ Terna និងក្មេងស្រីអាយុ៦ឆ្នាំ ឈ្មោះ Sulumshima ពេលនេះគ្រួសារកុមាររងគ្រោះ នៅសល់កូនទី៤ម្នាក់ទៀត ហើយឪពុកម្តាយក៏បានរៀបចំបុណ្យសពកូនៗ ទាំងអាឡោះអាល័យជាទីបំផុត៕</span></p>
<p><a class="thickbox" title="" href="/FileManager/Commons/2016/11/28/12c-28-11-2016--14-49-57.jpg"><img src="/FileManager/Articles/mce/2016/11/28/12c-28-11-2016--14-49-57.jpg" alt="" /></a></p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>
<div class="detail_bottom_function">
<div class="facebook_like"></div>
</div>