<p><span style="color: #000000;"><strong>(បារាំង)៖</strong> ក្រុមសិស្សសាលាវិទ្យាល័យចំនួន៣កន្លែង នៅក្នុងទីក្រុង Paris ប្រទេសបារាំង បានជម្លៀសសិស្សរបស់ខ្លួនចេញ នៅព្រឹកថ្ងៃចន្ទនេះ (ម៉ោងក្នុងតំបន់) បន្ទាប់ពីមានការព្រមានថ្មី ក្នុងការបំផ្ទុះគ្រាប់បែក នេះបើតាមអាជ្ញាធរក្រសួងអប់រំរបស់បារាំង ចេញផ្សាយដោយព័ត៌មានស៊ិនហួ នៅយប់ថ្ងៃទី០១ ខែកុម្ភៈ ឆ្នាំ២០១៦។</span></p>
<p><span style="color: #000000;">ក្រុមប៉ូលិសបានធ្វើការស្វែងរកគ្រាប់បែក នៅវិទ្យាល័យ Condorcet, Henri IV និងវិទ្យាល័យ Louis Le Grand lyceums ហើយសិស្សទាំងអស់ បានជម្លៀសចេញដោយសុវត្ថិភាព នេះបើតាមអាជ្ញាធរក្រសួងអប់រំ បានឲ្យដឹងនៅលើគេហទំព័រ Twitter របស់ខ្លួន។</span></p>
<p><span style="color: #000000;">សូមជំរាបថា កាលពីសប្តាហ៍មុន ការបោកបញ្ឆោតព្រមានបំផ្ទុះគ្រាប់បែកចំនួន២ ត្រូវបានធ្វើឡើងបង្ខំឲ្យមានហេតុការណ៍ ជម្លៀសសិស្សចេញដូចគ្នានេះដែរ។ នៅក្នុងខែវិច្ឆិកា ឆ្នាំ២០១៥ ទស្សនាវដ្តីអនឡាញជាភាសាបារាំងមួយ មានឈ្មោះថា «Dar al-Islam» បង្កើតឡើងដោយក្រុម ISIS ដោយក្រុម ISIS បានស្នើឲ្យក្រុមអ្នកគោរពតាមរបស់ខ្លួន សម្លាប់ក្រុមគ្រូបង្រៀន នៅក្នុងប្រទេសបារាំង ដោយបញ្ជាក់ថា គ្រូបង្រៀន គឺជា «សត្រូវនៃព្រះ Allah»។</span></p>
<p><span style="color: #000000;">គួររំលឹកថា បារាំងបានស្ថិតនៅក្រោមការព្រមានភេរវកម្មកម្រិតខ្ពស់ បន្ទាប់ពីមានការវាយប្រហារដោយភេរវកម្ម ជាបន្តបន្ទាប់មួយ នៅក្នុងទីក្រុង Paris កាលពីថ្ងៃទី១៣ ខែវិច្ឆិកា ឆ្នាំ២០១៥ ហើយក្រុម IS បានអះអាងថាគឺជាទង្វើសមាជិករបស់ខ្លួន៕</span></p>
<p style="text-align: center;"><span style="color: #000000;"><img src="http://aaj.tv/wp-content/uploads/2016/01/489994_img650x420_img650x420_crop.jpg" alt="" width="730" /></span></p>
<p style="text-align: center;"><span style="color: #000000;"><img src="http://s1.lprs1.fr/images/2016/01/29/5495655_11-1-1906835125_545x460_autocrop.jpg" alt="" width="730" /></span></p>
<p style="text-align: center;"><span style="color: #000000;"><img src="http://www.francetvinfo.fr/image/759fmibqs-c685/1000/562/7747571.jpg" alt="" width="730" /></span></p>
<p style="text-align: center;"><span style="color: #000000;"><img src="http://www.mariustuca.ro/images/cache/773x462x854c054e5aec28689fb81d818520298c_w773_h462.jpg.pagespeed.ic.9wIF_4sSQy.jpg" alt="" width="730" /></span></p>
<p style="text-align: center;"><span style="color: #000000;"><img src="http://i-cms.linternaute.com/image_cms/original/10233624-alerte-a-la-bombe-au-lycee-condorcet-henri-iv-et-louis-le-grand-de-nouveau-menaces.jpg" alt="" width="730" /></span></p>
<p style="text-align: center;"><span style="color: #000000;"><img src="http://files.newsnetz.ch/story/1/1/9/11954546/10/topelement.jpg" alt="" width="730" /></span></p>
<p style="text-align: center;"> </p>
<p style="text-align: right;"><span style="color: #000000;">ប្រភព ៖ ស៊ិនហួរ</span> <br /><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>