<p><strong></strong>បន្ទាប់ពីបានដឹងប្រភពសារព័ត៌មានបានចុះផ្សាយថា មានគ្រឿងញៀនប្រមាណ៨០គីឡូក្រាម<br /> បាននាំចេញពីកម្ពុជា តាមផ្លូវទឹកនាំចូលទៅកោះតៃវ៉ាន់ កាលពីពេលថ្មីៗ ក្រសួងមហាផ្ទៃនៃ<br />ព្រះរាជាណាចក្រកម្ពុជា បានស្នើឲ្យកំលាំងនគរបាលនៅកោះតៃវ៉ាន់ ជួយសហការតាមស្ទាក់<br />ចាប់ក្រុមជនល្មើសដើម្បីដោះស្រាយទៅតាមនីតិ វិធីច្បាប់។</p>
<p><a class="thickbox" title="" href="/FileManager/Commons/2012/9/3/sar-kheng-03-09-2012--16-04-37.jpg"><img src="/FileManager/Articles/mce/2012/9/3/sar-kheng-03-09-2012--16-04-37.jpg" alt="" width="440" height="349" /></a></p>
<p>គួរបញ្ជាក់ថា តាមប្រភពពីសមត្ថកិច្ចកោះតៃវ៉ាន់បានឲ្យដឹងកាលពីពេលថ្មីនេះថា គ្រឿងញៀន<br />៨០គ.ក ដែលបាននាំចូលទៅតៃវ៉ាន់ ត្រូវបាននគរបាលតៃវ៉ាន់សន្និដ្ឋានមានតំលៃប្រមាណ៨០<br />លានដុល្លាអាមេរិច ហើយវាជាប្រភេទ ហេរូអ៊ីន។</p>
<p>គេហទំព័ររបស់នគរបាលជាតិ បានអោយដឹងថា ពាក់ព័ន្ធបញ្ហាគ្រឿងញៀននេះ ឯកឧត្តម ស <br />ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ បានថ្លែងនៅក្នុងឱកាសបិទវគ្គបណ្តុះបណ្តល<br />បឋមប៉ុស្តិនគរបាលមូល ដ្ឋាន នៅចុងខែសីហានេះ នៅបណ្ឌិតសភានគរបាលកម្ពុជាថា មក<br />ដល់ពេលនេះ កម្ពុជានៅមិនទាន់ច្បាស់ថា គ្រឿងញៀនទាំងនោះ វាបាននាំចេញទៅ ដោយ<br />មធ្យោបាយណានោះ ប៉ុន្តែបើតាមការសន្និដ្ឋាន ភាគច្រើននៃគ្រឿងញៀននេះ គឺពួកជនល្មើស<br />បានលួចចំលងផ្ទេរគ្នានៅក្នុងព្រំដែនទឹក ដើម្បីនាំចេញយកទៅកោះតៃវ៉ាន់ ។</p>
<p>ឯកឧត្តម ស ខេង បានបញ្ជាក់ថា កម្ពុជា មិនមែនជាកន្លែងផលិតគ្រឿងញៀន ក៏ប៉ុន្តែករណី<br />គ្រឿងញៀននេះ កម្ពុជាបានក្លាយជាកន្លែងរងគ្រោះ៕</p>
<p style="text-align: right;">ដោយ ៖ សូរីយ៉ា<br />ប្រភព ៖ pg</p>