<p><span style="color: #000000;"><strong>ភ្នំពេញ៖</strong> តារាចម្រៀងល្បីកំពូល ប្រចាំផលិតកម្ម ហង្សមាស លោក ព្រាប សុវត្ថិ នៅពេលថ្មីៗនេះ បានចូលរួម សហការជាមួយ សាកលវិទ្យាល័យភ្នំពេញ អាមេរិកាំង( AUPP) រៀបចំការប្រគំតន្ត្រី អបអរសាទរ សិស្សប្រឡង ជាប់ បាក់ឌុបឆ្នាំនេះ ហើយក្នុងកម្មវិធីនេះ សាកលវិទ្យាល័យក៏មាន ការចាប់រង្វាន់ ផ្តល់អាហារូបករណ៍ ដល់សិស្សទាំង នោះផងដែរ ។</span></p>
<p><span style="color: #000000;">បើតាម Account Facebook របស់លោក ពុយ គា បានបង្ហោះឲ្យដឹងថា «តារាល្បី ព្រាប សុវត្ថិ បានសំរេចចិត្តបោះ មួយជំហានទៀត ទៅលើវិស័យអប់រំនៅកម្ពុជា ដើម្បីជាការលើកទឹកចិត្ត ដល់ប្អូនៗដែលខិតខំរៀនសូត្រ និងជាពិសេស សំរាប់អ្នក ដែលទើបប្រឡងជាប់បាក់ឌុប ដោយរួមដៃគ្នាជាមួយសាកលវិទ្យាល័យល្បី នៅកម្ពុជា ។</span></p>
<p><span style="color: #000000;">ក្នុងកម្មវិធីអបអរសាទរ ដល់សិស្សប្រឡងជាប់បាក់ឌុប ទាំងអស់ នៅឆ្នាំ២០១៥នេះ តារាចម្រៀងរូបនេះបានស្ម័គ្រចិត្ត ចូលរួមកម្មវិធី អបអរសាទរ សម្តែង Concert និងមានការចាប់ឆ្នោតផ្តល់រង្វាន់ ដល់សិស្សដែលបានចូលរួម ថែមទៀត ផង »។</span></p>
<p><span style="color: #000000;">ជួបសម្ភាសន៍ជាមួយ គេហទំព័រ LookingTODAY តាមទូរស័ព្ទ មន្ត្រីបម្រើការងារម្នាក់ នៅសាកលវិទ្យាល័យ AUPP បានប្រាប់ឲ្យដឹងថា វេលាម៉ោង ៣និង៣០ នាទី នៅថ្ងៃសុក្រ ទី១៨ ខែកញ្ញា ខាងមុខនេះ ខាងសាកលវិទ្យាល័យ បានរៀបចំ ដោយសហការរួមចំណែក ជាមួយតារាចម្រៀងល្បីឈ្មោះ លោក ព្រាប សុវត្ថិ កម្មវិធីនេះ ជាផ្នែកមួយនៃការ លើកទឹកចិត្ត ដល់សិស្សដែលរៀនពូកែ និងពូកែរៀនឲ្យ បន្តខិតខំរៀនតទៅទៀត ដើម្បីផ្តល់អនាគតល្អដល់ពួកគាត់ ។ </span><br /><span style="color: #000000;">មន្រ្តីដដែល បានប្រាប់ឲ្យដឹងទៀតថា «នៅក្នុងនោះសិស្ស និទេ្ទស A ដល់ E ទាំងអស់ អាចចូលរួមចាប់ឆ្នោតផ្សង សំណាងបាន ដោយយើងមានការផ្តល់រង្វាន់ ជាអាហារូបករណ៍ រៀននៅសាកលវិទ្យាល័យ ចន្លោះពី១ឆមាសដល់ ៤ឆ្នាំចំនួន៨សន្លឹក ដល់សិស្សទាំងអស់ ដែលបានប្រឡងជាប់បាក់ឌុប នៅឆ្នាំនេះ ។ អ្វីដែលសំខាន់បើប្អូនៗ ដែលជា សិស្សជាប់បាក់ឌុប បានដឹងហើយ អាចទាក់ទងមកខាងសាលាជាមុន ដើម្បីខាងសាលារៀប ចំកំណត់ចំនួន អ្នកចូល រួមដើម្បីមានភាពងាយស្រួល»។</span></p>
<p><span style="color: #000000;">សម្រាប់សិស្ស ដែលមានជាប់និទ្ទេស A ដល់ E ទាំងអស់អាចទាក់ទង សាកសួរព័ត៌មានបន្ថែម បានតាមប្រព័ន្ធ ទូរស័ព្ទ ០២៣ ៩៩០ ០២៣, ០១២ ៨៩៨ ១២៤, ០៧៨ ៦២៨ ៤៤១ ដែលកម្មវិធីនេះ រៀបចំនៅ សាកលវិទ្យាល័យ AUPP ផ្ទាល់តែម្តង ៕</span></p>
<p><span style="color: #000000;"><a class="thickbox" title="" href="/FileManager/Commons/2015/9/16/60-16-09-2015--17-16-24.jpg"><img src="/FileManager/Articles/mce/2015/9/16/60-16-09-2015--17-16-24.jpg" alt="" /></a></span></p>
<p><a class="thickbox" title="" href="/FileManager/Commons/2015/9/16/61-16-09-2015--17-16-36.jpg"><img src="/FileManager/Articles/mce/2015/9/16/61-16-09-2015--17-16-36.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/9/16/60-16-09-2015--17-16-24.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>