<p><span style="color: #000000;"><strong>(កាប៊ុល)៖</strong> មន្ត្រីរដ្ឋបាលថ្នាក់ខេត្ត របស់អាហ្វហ្គានីស្ថាន បានឲ្យដឹងនៅថ្ងៃពុធនេះថា ជនស៊ីវិល យ៉ាងហោចណាស់ចំនួន ៣៦នាក់ ត្រូវបានបាញ់សម្លាប់ ដោយពួកក្រុមសកម្មប្រយុទ្ធនៅក្នុងខេត្ត Ghor ភាគខាងលិច នៃប្រទេសអាហ្វហ្គានីស្ថាន នៅយប់ថ្ងៃអង្គារ។ នេះបើតាមការចេញផ្សាយ ដោយទីភ្នាក់ងារ ព័ត៌មានចិនស៊ិនហួរ នៅមុននេះបន្តិច នារសៀលថ្ងៃពុធ ទី២៦ ខែតុលា ឆ្នាំ២០១៦។</span></p>
<p><span style="color: #000000;">លោក Mohammad Nasir Khazah អភិបាលខេត្ត Ghor បានថ្លែងថា «<strong>ជនរងគ្រោះទាំង៣៦នាក់ ត្រូវបានចាប់ជំរិត ដោយពួកសកម្មប្រយុទ្ធ បន្ទាប់ពីកងកម្លាំងសន្តិសុខ នៃប្រទេសអាហ្វហ្គានីស្ថានរួមដៃគ្នា ជាមួយអ្នកតស៊ូប្រយុទ្ធដទៃទៀត នៅក្នុងតំបន់ បានវាយរុញច្រានពួកសកម្មជន ដែលបានបើកការវាយលុក មកលើជាយក្រុង Firoz Koah ហើយការប៉ះទង្គិចគ្នានេះ បានបន្សល់ទុកពួកសកម្មប្រយុទ្ធមួយចំនួនតូច ស្លាប់និងរបួស ប៉ុន្តែអ្នកដែលនៅរស់ចង់សងសឹក ការបរាជ័យរបស់ពួកគេ ដោយបានបាញ់សម្លាប់ចំណាប់ខ្មាំង ដែលជាជនស៊ីវិលចោល ទាំងអស់</strong>»។</span></p>
<p><span style="color: #000000;">ជាមួយគ្នានេះដែរ មកទល់រសៀលថ្ងៃពុធនេះ ពុំទាន់មានក្រុមណាមួយ បានចេញមុខអះអាងថា នៅពីក្រោយការបាញ់សម្លាប់នេះនៅឡើយទេ ប៉ុន្តែអាជ្ញាធរនៅក្នុងក្រុង Firoz Koah បានចោទពួកក្រុមសកម្មប្រយុទ្ធ រដ្ឋអ៉ីស្លាម ISIS ថា ជាអ្នកធ្វើរឿងដ៏ឃោឃៅនេះ។ គួរបញ្ជាក់ដែរថា គិតត្រឹម០៩ខែ ដំបូងនៃឆ្នាំ២០១៦នេះ ប្រជាជនស៊ីវិលច្រើនជាង២,៥៦០នាក់ ត្រូវបានសម្លាប់ និង៥,៨៣០នាក់បានទទួលរងបួស ដោយសារតែជម្លោះនៅក្នុង ប្រទេសអាហ្វហ្គានីស្ថាន៕</span></p>
<p><span style="color: #000000;"><img src="http://www.oneindia.com/img/2016/08/is-31-1472616639.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>