<p><span style="color: #000000;"><strong>(ភ្នំពេញ)៖</strong> ទីបំផុតទំហំនៃក្ដីស្នេហា របស់តារាសម្ដែង ឆឹម សក្កដា ដែលតែងតែសារភាពដោយបើកចំហរ ថា ខ្លួនពេញចិត្តស្ម័គ្រស្មោះស្រឡាញ់ តារាចម្រៀងល្បីឈ្មោះ អ្នកនាង ពេជ្រ សោភា ហើយត្រូវបាននាងបដិសេដ ដោយគ្រាន់តែចាត់ទុកថា ជាការាប់អានគ្នាធម្មតាៗនោះ ស្រាប់តែនៅពេលនេះ តារាចម្រៀងកំពុងឡើងកូដខ្លាំង តាមរយៈបទ «ហុយ ហុយ!»រូបនេះ បានបង្ហាញសញ្ញាបើកភ្លើងខៀវ ដល់ក្ដីស្នេហារបស់ ឆឹម សក្កដា បន្ទាប់ពីចាស់ទុំទាំងសងខាង បានដឹងឮរួចរាល់មក។</span></p>
<p><span style="color: #000000;">ថ្លែងនៅចំពោះមុខ អ្នកសារព័ត៌មានជាច្រើននាក់ នៅពេលចោទសួរពីចំណងស្នេហ៍ របស់អ្នកទាំងពីរ លោក ឆឹម សក្កដា បានប្រាប់ថា ខ្លួននៅតែប្រកាន់ជំហរ រក្សាចិត្តអាណិតស្រឡាញ់ ចំពោះ អ្នកនាង ពេជ្រ សោភា គ្មានថ្ងៃប្រែប្រួល បើទោះបីជាចម្លើយខាងស្រីឆ្លើយយ៉ាងណាក៏ដោយ។ លើសពីនេះ លោក ឆឹម សក្កដា ថែមទាំងបានឲ្យចាស់ទុំ ចូលតាមផ្លូវទៅតាមច្បាប់ សួរនាំចាស់ទុំដូចគ្នា ដើម្បីបង្ហាញយ៉ាងច្បាស់ក្រឡែតថា ស្នេហានេះពុំមែនជារឿងលែងសើច ដូចអ្វីដែលបានលេចឮកន្លងមកនោះឡើយ។</span></p>
<p><span style="color: #000000;">តារាសម្ដែង លោក ឆឹម សក្កដា បាននិយាយទាំងក្លាហានថា <strong>«បើនិយាយទៅសេចក្ដីស្រឡាញ់ ខ្ញុំក៏ធ្លាប់បាននិយាយរួចមកហើយ ប៉ុន្តែបើថា ថ្ងៃនេះគេចង់ដឹង គឺខ្ញុំនិយាយម្ដងទៀតក៏បានដែរ គឺ….(និយាយក្នុងចិត្តក្នុងន័យសារភាពថា បងស្រឡាញ់អូន.!) ។ ចាប់ពីថ្ងៃនេះ ខ្ញុំនិងគាត់នឹងសិក្សាស្វែងយល់ចិត្តគ្នា ឲ្យកាន់តែស៊ីជម្រៅ កាន់តែយូរកាន់តែដឹងច្បាស់ ថាតើយើងទាំងពីរ នៅជាមួយគ្នាបានឬអត់?»</strong>។</span></p>
<p><span style="color: #000000;">ទោះស្ថិតនៅក្នុងដំណាក់កាល ដែលពេជ្រ សោភា និយាយថាត្រូវចំណាយពេលបន្តិចទៀត ដើម្បីមើលចិត្តថ្លើម តារាសម្ដែង ឆឹម សក្កដា ក្ដី ប៉ុន្តែដើម្បីបញ្ជាក់ឲ្យកាន់តែច្បាស់ថា ខ្លួនពិតជាស្រឡាញ់ ពេជ្រ សោភា ដោយស្មោះមែន លោក ឆឹម សក្កដា ថាឲ្យចាស់ទុំ ( ឪពុក ម្ដាយ) ចូលសួរនាំដល់ចាស់ទុំរបស់ ពេជ្រ សោភា ហើយចាស់ទុំទាំងសងខាង ក៏បានបង្ហាញសញ្ញ ព្រមព្រៀងគ្នារួចហើយដែរ។</span></p>
<p><span style="color: #000000;">ដោយឡែក ពេជ្រ សោភា និយាយថា <strong>«ជារឿងមួយភ្ញាក់ផ្អើលសម្រាប់ខ្ញុំ ក្រោយពីសក្កដា គាត់និយាយកាលពីពេលមុនមក ធ្វើឲ្យម៉ែខ្ញុំ បងប្អូនខ្ញុំ ឬក៏បងថ្លៃខ្ញុំទាំងអស់ គឺគេនាំគ្នាខឹងខ្ញុំ គេថា ហេតុអ្វីបានជាខ្ញុំធ្វើបាប សក្កដា? ប៉ុន្តែសម្រាប់ខ្ញុំ និងគាត់ គឺនៅមើលចិត្តគ្នាតិចៗសិន..(សើច) ទោះបីជាយ៉ាងណាពួកខ្ញុំទាំងពីរនាក់ បង្កើតអារម្មណ៍ល្អចំពោះគ្នា ហើយខ្ញុំក៏សប្បាយចិត្ត នឹងសរសើរសក្កដា ដែរ ដែលហ៊ានសារភាពថា ស្រឡាញ់ខ្ញុំ ដូច្នេះអ្នកផ្សេងគ្មានសិទ្ធិទេ គឺមានតែខ្ញុំទេ..(សើច)»។</strong></span></p>
<p><span style="color: #000000;">យ៉ាងណាមិញ សម្រាប់តារាចម្រៀង ពេជ្រ សោភា ត្រូវបានគេមើលឃើញថា នាងកំពុងតែបង្ហាញសញ្ញាភ្លើងខៀវ ដល់លោក ឆឹម សក្កដា ក្នុងរឿងស្នេហានេះហើយ ខណៈដែលការបណ្ដើរគ្នាចូលរួមកម្មវិធីផ្សេងៗ ត្រូវបានធ្វើឡើងជាលក្ខណៈបើកចំហរ។ ជាមួយគ្នានេះ សូម្បីតែ ពេជ្រ សោភា ត្រូវទៅចូលរួមកម្មវិធីប្រគំតន្ត្រី តាមបណញដាខេត្តជិត ឬឆ្ងាយ ក៏លោក ឆឹម សក្កដា តាមជាប់ស្អិតដូចស្ករតាំងម៉ែ ប្រៀបបីដូចជាអង្គរក្ស ការពារបេះដូងរបស់អ៉ីចឹងដែរ៕</span></p>
<p><a class="thickbox" title="" href="/FileManager/Commons/2017/1/23/06c-23-01-2017--10-39-17.jpg"><img src="/FileManager/Articles/mce/2017/1/23/06c-23-01-2017--10-39-17.jpg" alt="" /></a></p>
<p><span style="color: #000000;"><img src="http://image.freshnewsasia.com/2017/113/fn-2017-01-21-12-36-05-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-21-12-36-05-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-21-12-36-06-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-21-12-36-06-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/113/fn-2017-01-21-12-36-06-4.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>