<p><span style="color: #000000;"><strong>(ភ្នំពេញ)៖</strong> កាលពីពេលថ្មីៗកន្លងមកនេះ មកមហាជនធ្លាប់ដឹងហើយថា បេក្ខនារីក្នុងកម្មវិធីប្រឡងចម្រៀង «The Voice Cambodia» រដូវកាលទី២ កញ្ញា សាន ស្រីឡៃ បានជួបរឿងរ៉ាវដ៏គួរសង្វេគ និងរន្ធត់ចិត្តមួយ ខណៈអ្នកម្តាយជាទីស្រឡាញ់របស់នាង ត្រូវឪពុកកាប់បណ្តាលឲ្យរងរបួសធ្ងន់ ត្រូវបញ្ជូនទៅសង្គ្រោះបន្ទាន់ នៅមន្ទីពេទ្យរហូតធ្វើឲ្យទស្សនិកជនជាច្រើន បង្ហាញពីក្តីព្រួយបារម្ភខ្លាចបេក្ខនារីរូបនេះ បាក់ទឹកចិត្តក្នុងការប្រឡងវគ្គ «Live show» សប្តាហ៍ទី៤ដែលបានកន្លងផុតទៅ កាលពីថ្ងៃអាទិត្យសប្តាហ៍មុននេះ។</span></p>
<p><span style="color: #000000;">ប៉ុន្តែអ្វីដែលជារឿងល្អបំផុតនោះ គ្រាដែលនាងឡើងប្រឡងលើឆាក «The Voice Cambodia» រដូវកាលទី២វគ្គ Live show សប្តាហ៍ទី៤បេក្ខនារី សាន ស្រីឡៃ មិនបានធ្វើឲ្យអ្នកគាំទ្រ អស់សង្ឃឹមឡើយ ខណៈដែលបេក្ខនារីមកពី ខេត្តបន្ទាយមានជ័យ និងជាកូនក្រុមរបស់អ្នកនាង ពេជ្រ សោភា រូបនេះ គ្រប់គ្រងអារម្មណ៍ខ្លួន តម្រូវតាមស្ថានការណ៍បានយ៉ាងល្អ រហូតទទួលបានការបោះឆ្នោតគាំទ្រ បន្តឈានទៅវគ្គពាក់កណ្តាលផ្តាច់ព្រ័ត្រនោះ។</span></p>
<p><span style="color: #000000;">ទន្ទឹមនឹងការទទួលបាន ការបោះឆ្នោតគាំទ្រ ឈានជើងបន្តទៅវគ្គពាក់កណ្តាលផ្តាច់ព្រ័ត្រនេះដែរ នៅលើបណ្តាញសង្គមហ្វេសប៊ុក របស់បេក្ខនារី សាន ស្រីឡៃ ថ្មីៗនេះ បានសរសេរបង្ហោះភ្ជាប់ ជាមួយរូបភាពម្តាយ ពីមន្ទីពេទ្យគួរឲ្យរំជួលចិត្តថា «សប្បាយចិត្តណាស់កូនប្រឡងរួចហើយ យប់នេះកូនសូមគេងកំដរម៉ែ មួយយប់ទល់ភ្លឺ ហើយឆាប់ជាណាម៉ែ កូនសន្យានឹងប្រឡងឲ្យជាប់ យកលុយមកវះកាត់ម៉ែឲ្យបាន.!»។</span></p>
<p><span style="color: #000000;">បេក្ខនារី សាន ស្រីឡៃ បានបន្តថា «កូនស្រលាញ់ម៉ែជាងគេលើលោកនេះ ម៉ែជាកំលាំងចិត្តឲ្យកូនតស៊ូ ម៉ែជាជីវិត ម៉ែជាខ្យល់ដង្ហើយចេញចូល របស់កូន ទ្រាំបន្តិចទៀតណាម៉ែ កូនសន្យាថា កូនមិនធ្វើឲ្យម៉ែអស់សង្ឃឹមឡើយ!»។</span></p>
<p><span style="color: #000000;">តាមរយៈការបង្ហោះសារបែបនេះ គេសង្កេតឃើញអ្នកនិយមលេង បណ្តាញសង្គមហ្វេសប៊ុកជាច្រើន បានសម្តែងការណិតអាសូរខ្លាំង ចំពោះបេក្ខនារី សាន ស្រីឡៃ ដោយខ្លះលើកឡើងថា មិនគួរណាជីវិតនាង ត្រូវជួបរឿងបែបនេះ គ្រាដែលកំពុងប្រឡងកម្មវិធីលំដាប់ ពិភពលោកដូច្នេះឡើយ៕</span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xtf1/v/t1.0-9/13325730_1118286344858927_7787502910561026392_n.jpg?oh=3ef11606a0ee75457932a73142324c8c&oe=57DC1FF9&__gda__=1477258065_2d90b77c020915e641a67f97db19bc83" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xaf1/v/t1.0-9/13342869_1118453258175569_8515829850178264888_n.jpg?oh=d73b6f339c5389e1c7122cef2e03ecf4&oe=580DD3CC&__gda__=1473528187_c5b26538e8cf842d08e63e984c95756f" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xta1/v/t1.0-9/13342991_1118067064880855_4729586881836383586_n.jpg?oh=8a85a0bff9cc9669d91f51cc1f2319d6&oe=580D16BB&__gda__=1472282182_7b2b7ec26edf68f7e4fb300239609744" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xpa1/v/t1.0-9/13330934_1117507031603525_1502348799305681899_n.jpg?oh=4892db3a26754a59144d296b8aaf49cc&oe=57C4D449&__gda__=1473917987_af3e88f1bd88101addc0788118e2305e" alt="" width="730" /></span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xfp1/v/t1.0-9/13327477_1117507024936859_8066004875865492621_n.jpg?oh=38b042159f6b6a571e810213e6937de3&oe=57C37A81&__gda__=1476944593_c461ac5a4fbfa5d31f0a8d1ed60452e0" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>