<p><span style="color: #000000;"><strong>ភ្នំពេញ ៖</strong> ក្រុមអាជីវករនៅ ផ្សារដើមគរ ជាង៤០០នាក់ បាននាំគ្នាបិទតូបលក់ ដូររបស់ពួកគាត់ ហើយលើកគ្នា មកតវ៉ា នៅសាលារាជធានីភ្នំពេញ នាព្រឹកថ្ងៃទី២២ ខែកក្កដា ឆ្នាំ២០១៥នេះ ដើម្បីសុំការបកស្រាយ និងពន្យល់ ពី គម្រោងសាងសង់ផ្សារថ្មី ។</span></p>
<p><span style="color: #000000;">យ៉ាងណាក៏ដោយ អ្នកនាំពាក្យសាលារាជធានីភ្នំពេញ លោកឡុង ឌីម៉ង់ បានឆ្លើយតបថា សាលារាជធានីភ្នំពេញ កំពុងតែគិតពីគំរោង កែលំអរផ្សារដើមគរ ឲ្យមានលក្ខណ:ប្រសើរជាងមុន ដើម្បីបង្ហាញការ ទាក់ទាញកាន់តែខ្លាំង សម្រាប់មុខមាត់រាជធានីភ្នំពេញ ដោយគំរោងនឹងសាងសង់ផ្សារថ្មី ដែលមានចំណត រថយន្តធំទូលាយ កម្ពស់អាច៧ ទៅ៨ជាន់ទៀតផង ។</span></p>
<p><span style="color: #000000;">លោក ឡុង ឌីម៉ង់ បានបញ្ជាក់ថា «កាលពីម្សិលមិញ លោកអភិបាល រាជធានីភ្នំពេញ បានពន្យល់ម្តងរួចហើយ ដល់តំណាងអាជីវករ ចំនួន៥០នាក់ ពីការរៀបចំផ្សារ គឺនៅពេលសាងសង់ចប់ នោះនឹង ប្រគល់តូបលក់ដូរ ជូនពួកគាត់ដូចដើម តូបចាស់នៅកន្លែងណា នោះនឹងប្រគល់តូបថ្មី នៅកន្លែងនោះ ពោលពុំមានការដាក់លក់តូប ដូចផ្សារឯកជននោះឡើយ មានន័យថាគ្មាននោះឡើយ ការវិនិយោគឯកជន លើផ្សាររបស់រដ្ឋ»។</span></p>
<p><span style="color: #000000;">អ្នកនាំពាក្យរូបនេះ បានបញ្ជាក់ទៀតថា ក្រោយការពន្យល់របស់លោកអភិបាល ក្រុមតំណាងអាជីវករ ទាំងអស់ បានស្វាគមន៍ និងទទួលយក តែមិនដឹងពួកគាត់ពន្យល់យ៉ាងណា ដល់ក្រុមអាជីវករ ផ្សេងទៀត ទើបបានជានាំគ្នា មកតវ៉ាម្តងទៀត ប៉ុន្តែខាងសាលារាជធានីភ្នំពេញចាំទទួល ហើយធ្វើការបកស្រាយជូនទៀត។</span></p>
<p><span style="color: #000000;">បើតាមលោក ឡុង ឌីម៉ង់ ក្រុមអាជីវករមួយចំនួន នៅព្រួយបារម្ភថា នៅពេលធ្វើផ្សាររួច អាចលក់ទៅឲ្យពួកគាត់ ហើយការព្រួយបារម្ភមួយទៀត នោះគឺតើនៅពេលដំណើរ ការសាងសង់ តើឲ្យពួកគាត់ទៅលក់ នៅទីណា ? ត្រង់បញ្ហានេះ អ្នកនាំពាក្យពន្យល់ថា អាជ្ញាធរនឹងរៀបចំកន្លែងនៅទីនោះ ឲ្យពួកគាត់លក់ដូរជាធម្មតា ដូចពេល រៀបចំផ្សារធំថ្មី អីចឹង គឺមិនមានការប៉ះពាល់ធ្ងន់ធ្ងរនោះទេ។</span></p>
<p><span style="color: #000000;">ក្រោយបញ្ចប់ការ ប្រជុំពិភាក្សា លោកឃួង ស្រេង អភិបាលរង រាជធានីភ្នំពេញ បានមានប្រសាសន៍ថា សូមឲ្យ អាជីវករទាំងអស់ លក់ដូរជាធម្មតា រហូតដល់ចប់កុងត្រា របស់ខ្លួន ទើបពិភាក្សាគ្នាម្តងទៀត ៕</span></p>
<p><span style="color: #000000;"><span style="color: #000000;"><a class="thickbox" title="" href="/FileManager/Commons/2015/7/22/7-22-2015-10-22-10-am-22-07-2015--10-29-12.png"><img src="/FileManager/Articles/mce/2015/7/22/7-22-2015-10-22-10-am-22-07-2015--10-29-12.png" alt="" /></a></span></span></p>
<p><a class="thickbox" title="" href="/FileManager/Commons/2015/7/22/7-22-2015-10-22-27-am-22-07-2015--10-45-28.png"><img src="/FileManager/Articles/mce/2015/7/22/7-22-2015-10-22-27-am-22-07-2015--10-45-28.png" alt="" /></a></p>
<p><a class="thickbox" title="" href="/FileManager/Commons/2015/7/22/7-22-2015-10-22-51-am-22-07-2015--10-45-39.png"><img src="/FileManager/Articles/mce/2015/7/22/7-22-2015-10-22-51-am-22-07-2015--10-45-39.png" alt="" /></a></p>
<p><a class="thickbox" title="" href="/FileManager/Commons/2015/7/22/7-22-2015-10-23-09-am-22-07-2015--10-45-49.png"><img src="/FileManager/Articles/mce/2015/7/22/7-22-2015-10-23-09-am-22-07-2015--10-45-49.png" alt="" /></a><a class="thickbox" title="" href="/FileManager/Commons/2015/7/22/7-22-2015-10-22-51-am-22-07-2015--10-45-39.png"></a><a class="thickbox" title="" href="/FileManager/Commons/2015/7/22/7-22-2015-10-22-27-am-22-07-2015--10-45-28.png"></a><span style="color: #000000;"><a class="thickbox" title="" href="/FileManager/Commons/2015/7/22/7-22-2015-10-22-10-am-22-07-2015--10-29-12.png"></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>