<p><span style="color: #000000;"><strong>(ពោធិ៍សាត់)៖</strong> បុរសម្នាក់ បានសម្រេចចិត្តគិតខ្លី ចងកសម្លាប់ខ្លួនឯង ជាមួយអាវយឺតព័ណ៌ក្រហមជាប់នឹងដើមស្នាយ ដោយសារតែខឹងម្តាយ ស្តីបន្ទោសរឿងទាត់ធុងប៉េត្រូដងទឹកបែក។ ហេតុការណ៍នេះបង្កឲ្យមានការភ្ញាក់ផ្អើល នៅព្រឹកថ្ងៃទី២៨ ខែវិច្ឆិកា ឆ្នាំ២០១៦ នៅចំណុចដើមស្នាយ ក្នុងគុម្ពព្រៃឬស្សី ក្រោយផ្ទះជងរងគ្រោះប្រមាណ ១០០ម៉ែត្រ ស្ថិតក្នុងភូមិសំរោង ឃុំកញ្ជរ ស្រុកកណ្តៀង ខេត្តពោធិ៍សាត់។</span></p>
<p><span style="color: #000000;">លោក លីវ សេងហ៊ីម អធិការនគរបាលស្រុកកណ្តៀង បានប្រាប់ភ្នាក់ងារ Fresh News ឲ្យដឹងថា សាកសពបុរសចងកសម្លាប់ខ្លួនឯងនោះ មានឈ្មោះ កែប ម៉ាប់ អាយុ២៥ឆ្នាំ។ លោកអធិការបានបន្តថា កាលពីយប់ថ្ងៃទី២៧ ខែវិច្ឆិកា ម្តាយរបស់ជនរងគ្រោះ បានរករឿងថា <strong>«អាហ្ហែងទាត់ធុងប៉េត្រូអាញ់បែក អាញ់ឈប់ឲ្យប្រើហើយ»</strong> ពេលនោះរងគ្រោះ បានតូចចិត្តក៏ដើរចេញទៅបាត់ លុះដល់ព្រឹកឡើងប្រហែលម៉ោង៦៖១០ ទើបដឹងថាកូន ចងកសម្លាប់ខ្លួនឯង ជាមួយអាវយឺតពណ៌ក្រហម ជាប់នឹងដើមស្នាយ បង្កឲ្យមានការភ្ញាក់ផ្អើលតែម្តង។</span></p>
<p><span style="color: #000000;">ក្រោយពេលកើតហេតុ កម្លាំងជំនាញបានចុះទៅពិនិត្យសាកសព ឃើញថាជនរងគ្រោះ ពិតជាបានចងកសម្លាប់ខ្លួនឯងប្រាកដមែន ដោយសារតែខឹងម្តាយ ស្តីបន្ទោសរឿងទាត់ធុងប៉េត្រូដងទឹកបែក។ បច្ចុប្បន្នសាកសពជនរងគ្រោះ ត្រូវបានក្រុមគ្រួសារ រៀបចំធ្វើបុណ្យតាមប្រពៃណី៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-28-14-13-57-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-28-14-13-57-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>