<p><span style="color: #000000;"><strong>(ភ្នំពេញ)៖</strong> តារាចសម្តែងប្រុសរូបសង្ហា លោក ចន អេឡិចដាហ្វី នាឱកាសថ្ងៃទី០៧ ខែកក្កដា ឆ្នាំ២០១៦ជាថ្ងៃខួបកំណើតគម្រប់ អាយុ២៥ឆ្នាំនេះ បានចំណាយពេលវេលា របស់ខ្លួនចូលរួមបរិច្ចាគឈាម នៅមជ្ឈមណ្ឌលជាតិផ្តល់ឈាម ដើម្បីជាការជួយសង្គ្រោះដល់ជីវិតមនុស្ស ដែលកំពុងខ្វះ និងត្រូវការបញ្ចូលឈាម ជាចាំបាច់។</span></p>
<p><span style="color: #000000;">លោក ចន អេឡិចដាហ្វី បានសរសេរបង្ហោះរៀបរាប់ នៅលើបណ្តាញសង្គមហ្វេសប៊ុកថា<strong> «ថ្ងៃនេះ២៥ឆ្នាំមុន ម្តាយខ្ញុំបាននាំខ្ញុំឲ្យឃើញផែនដី ដ៏ស្រស់ស្អាតមួយនេះ ជាមួយនឹងការឈឺចាប់រាងកាយរបស់គាត់ ហើយក៏មានឈាមចេញ ពីក្នុងខ្លួនគាត់ក៏មាន ប៉ុន្តែមកជាមួយក្តីស្រឡាញ់របស់គាត់ ចំពោះខ្ញុំ (អរគុណម៉ាក់)»</strong>។</span></p>
<p><span style="color: #000000;">តារាសម្តែង ចន អេឡិចដាហ្វី បានបញ្ជាក់ទៀតថា<strong> «ថ្ងៃនេះ ខ្ញុំក៏បញ្ចេញឈាមរបស់ខ្ញុំដែរ ដោយការបរិច្ចាគទៅឲ្យ អ្នកដែលត្រូវការវាបំផុត...។ ខ្ញុំមិនមែនជាអ្នកមាន ហើយខ្ញុំក៏មិនចាំទាល់តែខ្ញុំមានច្រើន បានឲ្យនោះទេ ប៉ុន្តែខ្ញុំចង់ឲ្យទៅអ្នកដែលខ្វះខាត តាមលទ្ធភាពដែលមាន។ ក្នុងថ្ងៃកំណើតរបស់ខ្ញុំ ជូនពរឲ្យអ្នកម៉ាក់ លោកប៉ា បងប្រុស និងមនុស្សជុំវិញខ្លួនខ្ញុំទាំងអស់ ប្រទះតែសេចក្តីសុខ ជួបតែមនុស្សល្អ សុខភាពល្អ ជោគជ័យក្នុងជីវិត និងមានក្តីស្រឡាញ់កាន់តែច្រើន...ញញឹម»</strong>។</span></p>
<p><span style="color: #000000;">ជាមួយគ្នានេះ ក្រៅពីការចូលរួមផ្តល់ឈាម ក្នុងឱកាសថ្ងៃខួបកំណើត តារាសម្តែង លោក ចន អេឡិចដាហ្វី ក៏បានធ្វើការអំពាវនាវស្នើឲ្យប្រជាពលរដ្ឋ និងយុវជនខ្មែរត្រូវចូលរួមបរិច្ចាគឈាមទាំងអស់គ្នា ដើម្បីជាការជួយសង្គ្រោះដល់ជីវិតមនុស្ស ដែលកំពុងខ្វះ និងត្រូវការបញ្ចូលឈាម បន្ថែមផងដែរ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-07-16-00-11-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-07-16-00-12-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-07-16-00-12-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-07-16-00-12-3.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>