<p><span style="color: #000000;"><strong>(សេអ៊ូល)៖</strong> ទីភ្នាក់ងារសារព័ត៌មានមជ្ឈិមកូរ៉េខាងជើង KCNA បានរាយការណ៍នៅថ្ងៃអង្គារនេះថា របបដឹកនំាទីក្រុងព្យុងយ៉ាង បានសាកល្បងប្រកបដោយជោគជ័យ នូវម៉ូទ័រនៃជើងទម្របាញ់គ្រាប់រ៉ុក្កែតថ្មី មួយដែលមានសមត្ថភាព នំាយកផ្កាយរណអង្កេតផែនដី ទៅក្នុងលំហអាកាស។ នេះបើតាមការដកស្រង់ របស់សារព័ត៌មានកូរ៉េខាងត្បូង យ៉ុនហាប់ នៅព្រឹកថ្ងៃអង្គារ ទី២០ ខែកញ្ញា ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/9/20/14-20-09-2016--11-46-02.jpg"><img src="/FileManager/Articles/mce/2016/9/20/14-20-09-2016--11-46-02.jpg" alt="" /></a><br /></span></p>
<p><span style="color: #000000;">ថ្លែងក្នុងឱកាសចូលរួម ដោយផ្ទាល់នៅឯមជ្ឈមណ្ឌលទីអវកាស Sohae មេដឹកនំាកូរ៉េខាងជើង លោក គីម ជុងអ៊ុន បាននិយាយថា «ការអភិវឌ្ឍ និងការប្រើប្រាស់ទីអវកាស គឺជានយោបាយដ៏សំខាន់មួយ សម្រាប់បក្សរបស់យើង និងប្រទេសជាតិ ហើយត្រូវបន្តកិច្ចខិតខំប្រឹងប្រែងនេះតទៀត ដើម្បីអភិវឌ្ឍ ផ្កាយរណប និងការសាងសង់ ព្រមទំាងបាញ់សាកល្បង ផ្កាយរណបជាច្រើនផ្សេងទៀត ដោយផ្អែកលើ បច្ចេកវិទ្យារបស់យើងផ្ទាល់ សំដៅប្រែក្លាយកូរ៉េខាងជើង ឲ្យទៅជាប្រទេសដែលមាន ផ្កាយរណបអង្កេតផែនដី នៅពេលអនាគត»។</span></p>
<p><span style="color: #000000;"><a class="thickbox" title="" href="/FileManager/Commons/2016/9/20/14a-20-09-2016--11-46-50.jpg"><img src="/FileManager/Articles/mce/2016/9/20/14a-20-09-2016--11-46-50.jpg" alt="" /></a><br /></span></p>
<p><span style="color: #000000;">គួរបញ្ជាក់ថា ការសាកល្បងជើងទម្របាញ់គ្រាប់រ៉ុក្កែតថ្មីនេះ អាចជាគោលដៅរបស់កូរ៉េខាងជើង ក្នុងការកែលម្អរបច្ចេកវិទ្យា ទាក់ទិននឹងជើងទម្របាញ់គ្រាប់រ៉ុក្កែត រយៈចំងាយឆ្ងាយ ដែលទីក្រុងព្យុងយ៉ាង ធ្លាប់បានសាកល្បងម្តងដែរកាលពីថ្ងៃទី០៧ ខែកុម្ភៈ កន្លងទៅ។ មួយវិញទៀត វាក៏ជាសញ្ញានៃការ សង្ស័យដែរថា កូរ៉េខាងជើង ទំនងជានឹងធ្វើការបាញ់សាកល្បង គ្រាប់មីស៊ីលរយៈចម្ងាយឆ្ងាយ នៅក្នុងឱកាស នៃការប្រារព្ធទិវាខួបគណបក្សពលករ ដែលនឹងប្រព្រឹត្តទៅនៅថ្ងៃទី១០ ខែតុលា៕</span></p>
<p><span style="color: #000000;"><a class="thickbox" title="" href="/FileManager/Commons/2016/9/20/14b-20-09-2016--11-45-45.jpg"><img src="/FileManager/Articles/mce/2016/9/20/14b-20-09-2016--11-45-45.jpg" alt="" /></a><br /><br /></span></p>
<p style="text-align: right;"><span style="color: #000000;">ប្រភព ៖ យ៊ុនហាប់/ប៊ីប៊ីស៊ី</span></p>