<p><span style="color: #000000;"><strong>កណ្តាល ៖</strong> យុវជនម្នាក់ បានសម្រេចចិត្ត ចងកធ្វើអត្តឃាត ព្រោះខឹងនិងឪពុក ស្តីបន្ទោសបន្តិចបន្តួច មិនឲ្យដើលេង យប់ជ្រៅពេក ព្រោះខ្លាចដើរផ្លូវខុស និងហាមសេពគប់មិនល្អ ព្រោះខ្លាចមានរឿងដល់ ខ្លួននោះ ។</span></p>
<p><span style="color: #000000;">ហេតុការណ៍ចងក ធ្វើអត្តឃាតនេះ បានកើតឡើងកាល ពីវេលាម៉ោង ១៨និង៥០នាទី ថ្ងៃទី២៥ ខែសីហា ឆ្នាំ២០១៥ ស្ថិតនៅចំណុចំការដើមប្រេងខ្យល់ ភូមិព្រៃផ្ទឹកទី២ ឃុំសំរោងលើ ស្រុកអង្គស្នួល ខេត្តកណ្ដាល ។</span></p>
<p><span style="color: #000000;">នគរបាលឃុំសំរោងលើ បានឲ្យដឹងថា យុវជនចិត្តខ្លាំង ចងកសម្លាប់ខ្លួននេះ មានឈ្មោះកែវ ភស័្ត ភេទប្រុស អាយុ១៨ឆ្នាំ មុខរបរកសិករភូមិព្រៃផ្ចឹកទី២ ឃុំសំរោងលើ ស្រុកអង្គស្នួល ខេត្តកណ្តាល។</span></p>
<p><span style="color: #000000;">នគរបាលបានបន្តទៀតថា បើតាមការបំភ្លឺរបស់ឪពុកជនរងគ្រោះឈ្មោះជួន កែវ អាយុ ៥២ឆ្នាំ មុខរបរ កសិករនៅផ្ទះជាមួយគ្នា បានឲ្យដឹងថា កាលពីថៃ្ងទី២៣ ខែសីហា ឆ្នាំ២០១៥ វេលាម៉ោង៥ល្ងាច រូបគាត់បានស្តីបន្ទោសកូន កុំអោយដើរលេងយប់ជ្រៅពេក រហូតដល់ម៉ោង១១ ឬ១២យប់ ហើយ ខ្លាចកូនដើផ្លូវខុស ទៅជក់ថ្នាំញៀន ។ បន្ទាប់គាត់ស្តីឲ្យរួចមកជនរងគ្រោះលែងចូលផ្ទះ រហូតដល់ ដល់ថៃ្ងទី២៥ ខែសីហាឆ្នាំ២០១៥ វេលាម៉ោងជិត៧យប់ស្រាប់តែឮអ្នកភូមិ ប្រាប់ជនរងគ្រោះ ចង កស្លាប់ហើយ ភ្លាមៗគាត់បានរត់ទៅមើល ក៏ប្រទះឃើញកូនចងកមែន រួចបានស្រាយដាក់ ចុះហើយដឹកយកទៅកាន់មណ្ឌលសុខភាព ឃុំសំរោងលើរួ ចបញ្ជូនទៅសង្រ្គោះបន្តទៅក្លីនិច ឯកជន បែកចានតែជនរងគ្រោះស្លាប់រួចហើយ ។</span></p>
<p><span style="color: #000000;">ក្រោយពេលពិនិត្យរួចសាកសព ត្រូវបានប្រគល់ជូនក្រុមគ្រួសារ ធ្វើបុណ្យតាមប្រពៃណី៕</span></p>
<p><a class="thickbox" title="" href="/FileManager/Commons/2015/8/26/8-26-2015-11-12-07-am-26-08-2015--11-18-10.png"><img src="/FileManager/Articles/mce/2015/8/26/8-26-2015-11-12-07-am-26-08-2015--11-18-10.png" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>