<p> </p>
<p>លោក Francois Hollande កាលពីម្សិលមិញនេះ បានទទួលជ័យជំនះលើប្រធានាធិបតិ Nicolas Sarkozy ក្នុងជុំទីពីរនៃការបោះឆ្នោតជ្រើសរើសប្រជានាធិបតិ និងក្លាយជាអ្នកដឹកនាំថ្មីរបស់បារាំង។</p>
<p><a class="thickbox" title="" href="/FileManager/Commons/2012/5/7/hollande-0-07-05-2012--08-20-16.jpg"><img src="/FileManager/Articles/mce/2012/5/7/hollande-0-07-05-2012--08-20-16.jpg" alt="" /></a></p>
<p>ទូរទស្សន៍បារាំងបានប្រកាសពីជ័យជំនះរបស់លោក Francois Hollande បន្ទាប់ពីមណ្ឌលបោះ<br />ឆ្នោតនានាបានបិទទ្វារនៅវេលាម៉ោង ២០យប់ កាលពីម្សិលមិញនេះ។ BBC បានរាយការណ៍ថា លទ្ធផលនៃការពិនិត្យរាប់សន្លឹកឆ្នោតបង្ហាញថា លោក Francois Hollande ទទួលបានជិត ៥២% នៃសម្លេងឆ្នោត រីឯលោក Sarkozy ទទួលបាន ៤៨,១% សម្លេង ដោយមានអ្នកចូលរួមបោះឆ្នោត<br />ប្រមាណជា ៨០%។</p>
<p class="Normal">អ្នកគាំទ្ររបស់លោក Francois Hollande បានប្រមូលផ្ដុំគ្នានៅទីលាន Bastille ក្នុងក្រុងបារីស ដើម្បី<br />អបអរជ័យជំនះនេះ។</p>
<p class="Normal">នៅទីក្រុង Tulle លោក Francois Hollande ថ្លែងថា លោកមានមោទនភាពណាស់ដោយបាននាំ<br />មកនូវក្ដីសង្ឃឹមសម្រាប់ប្រជាជន។ បន្ទាប់ពីថ្លែងសុន្ទរកថានៅក្រុង Tulle លោក Francois Hollande ក៏បានធ្វើដំណើរទៅកាន់បារីសដើម្បីថ្លែងអំណរគុណចំពោះអ្នកគាំទ្រទាំងអស់របស់លោក។</p>
<p class="Normal">ចំណែកលោក Sarkozy វិញបានប្រកាសនៅចំពោះមុខអ្នកគាំទ្ររបស់ខ្លួនថា លោកបានទូរស័ព្ទ<br />ទៅកាន់លោក Francois Hollande ដើម្បីអបអរជ័យជំនះរបស់គូបដិបក្សនេះផងដែរ។ ប្រធានា<br />ធិបតិជិតចាកចេញពីតំណែងរូបនេះ ថ្លែងថា "ខ្ញុំទទួលខុសត្រូវចំពោះបរាជ័យនេះ"៕</p>
<p class="Normal" style="text-align: right;">ដោយ ៖ សូរីយ៉ា<br />ប្រភព ៖ VE</p>