<p><span style="color: #000000;">ព័ត៌មានអន្តរជាតិ ៖ ក្រុមសកម្មប្រយុទ្ធ រដ្ឋអ៊ីស្លាមជ្រុលនិយម ដែលត្រូវធ្លាប់បានគេស្គាល់យ៉ាងជាក់ច្បាស់ ជា The Islamic State (IS) អះអាងពីទំនួលខុសត្រូវ ថាខ្លួនពិតជានៅពីក្រោយ ការវាយប្រហារទៅលើសារ មន្ទីរជាតិ Bardo ប្រទេស ទុយនេស៊ី កាលពីពេលកន្លងទៅនេះ ពិតប្រាកដមែន ដោយបានបណ្តាលអោយ មនុស្សហោចណាស់ ២៣ នាក់ ស្លាប់បាត់បង់ជីវិត ខណៈ ប្រមាណជាង ៥០ នាក់ផ្សេងទៀត រងរបួស ។</span></p>
<p><span style="color: #000000;"><a class="thickbox" title="" href="/FileManager/Commons/2015/3/20/61-20-03-2015--14-45-22.jpg"><img src="/FileManager/Articles/mce/2015/3/20/61-20-03-2015--14-45-22.jpg" alt="" /></a><br /></span></p>
<p><span style="color: #000000;">ក្រុមខ្មាន់កាំភ្លើង ២ នាក់ កាលពីថ្ងៃពុធកន្លងទៅនេះ បានសម្រុកចូល អាគារសារមន្ទីរខាងលើស្ថិតនៅក្នុង ក្រុង Tunis ដោយចូលតាមអាគារ សភា និងបានចាប់យកក្រុមភ្ញៀវទេសចរ ច្រើននាក់ ធ្វើជាចំណាប់ខ្មាំង នៅពេលដែលក្រុមមន្រ្តីប៉ូលីស ចុះចេញអន្តរាគមន៍ ។ ភ្លាមៗ ក៏មានការបាញ់បោះ ប្រដាប់អាវុធឡើងរវាង ក្រុមខ្មាន់កាំភ្លើង និង ក្រុមមន្រ្តីប៉ូលីស ដោយបុរសជា ខ្មាន់កាំភ្លើង បើកការ វាយ ប្រហារ ២ នាក់ ត្រូវបាន បាញ់សម្លាប់ ។ </span></p>
<p><span style="color: #000000;">ជាមួយនឹងការបង្ហោះនៅតាមប្រព័ន្ធអនឡាញ មានជាអាថ៍សម្លេង និងសេចក្តីថ្លែង ការណ៍ ក្រុមរដ្ឋអ៊ីស្លាម ជ្រុលនិយម IS បញ្ជាក់អោយដឹងថា ៖ IS ចាត់ទុក ខ្មាន់កាំភ្លើងរបស់ខ្លួនទាំង ២ នាក់ ជាកំពូលអ្នកប្រយុទ្ធ ដៃប្រដាប់ដោយអាវុធស្វ័យប្រវត្តិ និងគ្រាប់បែកច្នៃ ។ IS សន្យាថា ខ្លួននឹងមានការវាយប្រហារបន្ថែមទៀត</span></p>
<p><span style="color: #000000;">ការិយាល័យប្រធានាធិបតី ប្រទេស ទុយនេស៊ី អោយដឹងថា កងកម្លាំងការពារសន្តិសុខ បានចាប់ឃាត់ខ្លួន បានមនុស្ស ៩ នាក់ អំឡុងថ្ងៃព្រហស្បត្តិ៍ ម្សិលមិញនេះ ខណៈ ៤ នាក់ គឺជាជនដៃ ដល់ បើកការវាយប្រ ហារភារវកម្ម ដោយផ្ទាល់ទៅលើសារមន្ទីរជាតិ ស្លាប់ ភ្ញៀវទេសចរចម្រុះជាតិសាសន៍ ។ </span></p>
<p><span style="color: #000000;">ប្រធានាធិបតី Beji Caid Essebsi បានបើកកិច្ចប្រជុំ ពិភាក្សាបន្ទាន់ ដោយអំពាវនាវអោយមានកិច្ចសហប្រ តិបត្តិការល្អ រវាង កងកម្លាំងយោធា ឆ្មាំជាតិ និង កងកម្លាំងមន្រ្តីប៉ូលីស ។ ដោយ ឡែក ក្រសួងវប្បធម៌ ប្រ ទេសទុយនេស៊ី អោយដឹងថា សារមន្ទីរ រងការវាយប្រហារ ខាងលើ នឹង បើកដំណើរ ការ ឡើងវិញ នាថ្ងៃ អង្គារ សប្តាហ៍ ក្រោយ ៕</span></p>
<p><span style="color: #0000ff;"><a href="/News/Detail/14708/tunis-museum-attack-president-vows-to-fight-terror" target="_blank"><span style="color: #0000ff;">- អាន ៖ វាយប្រហារ ភារវកម្ម នៅសារមន្ទីរ ម្សិលមិញ ស្លាប់ភ្ញៀវទេសចរ ជិត ២០ នាក់</span></a></span></p>
<p><span style="color: #000000;"><a class="thickbox" title="" href="/FileManager/Commons/2015/3/20/60-20-03-2015--14-45-13.jpg"><img src="/FileManager/Articles/mce/2015/3/20/60-20-03-2015--14-45-13.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ស៊ិនហួរ</span></p>