<p><span style="color: #000000;"><strong>ភ្នំពេញ៖</strong> បន្ទាប់ពីភ្ជាប់ចំណងស្នេហា ដ៏ផ្អែមល្ហែម អស់រយៈពេល ជាងមួយឆ្នាំ នៅពេលនេះ តារាចម្រៀងបែបសិចស៊ី កញ្ញា ឆៃ លីដាឡែន បានសម្រេចចិត្ត ចូលក្នុងនឹមអាពាហ៍ពិពាហ៍ ដឹកដៃគ្នាចូលរោងការ ក្រាបក្បាលដល់កន្ទេល ជាផ្លូវការ នៅថ្ងៃទី២៣ ខែមករា ឆ្នាំ២០១៥ ខាងមុខនេះ។</span></p>
<p><span style="color: #000000;">ផ្ទុយពីការអះអាងរបស់នាង កន្លងមក ដែលតែងនិយាយថា គម្រោងរៀបមង្គលការ នៅមិនទាន់ច្បាស់នៅឡើយ ស្រាប់តែនៅពេលនេះ តារាចម្រៀង សំនៀងស្រួយ កញ្ញា ឆៃ លីដាឡែន កំពុងតែរវល់រត់ខ្វែងដៃខ្វែងជើង ចែកសំបុត្រអាពាហ៍ពិពាហ៍ ដល់មិត្តអ្នកសិល្បៈ និងញាតិជិតឆ្ងាយ ដើម្បីចូលរួមឲ្យអបអរសាទរ ក្នុងពិធីដ៏មានអត្ថន័យក្នុងជីវិតរបស់នាង នៅពេលនេះ។</span></p>
<p><span style="color: #000000;">ផ្តល់បទសម្ភាសន៍ជាមួយគេហទំព័រ LookingTODAY តាមទូរស័ព្ទ កាលពីរសៀលថ្ងៃទី១១ ខែមករា ឆ្នាំ២០១៥នេះ កញ្ញា ឆៃ លីដាឡែន បាននិយាយប្រាប់ថា "ចាស់…បង! ជាការពិត នៅថ្ងៃទី២៣ ខែមករា ឆ្នាំ២០១៥ ខាងមុខនេះ ខ្ញុំនឹងត្រូវរៀប ការជាមួយគូស្នេហ៍ ខ្ញុំហើយ..! ។ ខ្ញុំមិនលាក់ទេ ចំពោះមង្គលការខ្ញុំ ហើយខ្ញុំនឹងត្រៀមហៅ ភ្ញៀវចូលរួមប្រមាណជាង៥០ តុ ដោយរៀបចំធ្វើឡើង នៅមជ្ឈមណ្ឌលកោះពេជ្រ ក្នុងនោះក៏មានអ្នកសិល្បៈបានចូលរួមច្រើន ព្រោះខ្ញុំហៅស្ទើរតែទាំងអស់ហ្នឹង..!"។</span></p>
<p><span style="color: #000000;">តារាចម្រៀង ឆៃ លីដាឡែន បានបញ្ជាក់បន្ថែមថា អនាគតស្វាមីរបស់នាង គឺជាអ្នកសិល្បៈដូចគ្នា មានវ័យទើបតែ ២៦ ឆ្នាំ ពោលគឺមាន អាយុប្អូននាង។ អ្នកទាំងពីរក៏ បានស្គាល់គ្នាយូរណាស់មកហើយ ទម្រាំនឹងសម្រេចឈានដល់ ដំណាក់កាល នៃការរៀបចំពិធី អាពាហ៍ពិពាហ៍ ជាមួយគ្នា។ ទន្ទឹមនឹងគ្នានេះ បើទោះបីជានាងមានស្វាមី ហើយក៏ពិតមែន តែអាជីពសិល្ប គឺនៅតែបន្តដដែល ដើម្បីបម្រើអារម្មណ៍ ទស្សនិកជន ដោយពុំមានគម្រោងណាមួយ នឹងលាឈប់នោះឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/14/60-14-01-2015--11-41-56.jpg"><img src="/FileManager/Articles/mce/2015/1/14/60-14-01-2015--11-41-56.jpg" alt="" /></a></span></p>
<p><a class="thickbox" title="" href="/FileManager/Commons/2015/1/14/61-14-01-2015--11-42-05.jpg"><img src="/FileManager/Articles/mce/2015/1/14/61-14-01-2015--11-42-05.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/1/14/60-14-01-2015--11-41-56.jpg"></a></span></p>
<p><a class="thickbox" title="" href="/FileManager/Commons/2015/1/14/62-14-01-2015--11-42-11.jpg"><img src="/FileManager/Articles/mce/2015/1/14/62-14-01-2015--11-42-11.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>