<p><span style="color: #000000;">ប៉េកាំង៖ ប្រទេសចិនបាននិយាយ កាលពីថ្ងៃសុក្រទី ២៤ ខែកក្កដាថា ខ្លួនបានដកហូតអាជ្ញាប័ណ្ណសម្រាប់ស្ថានកុងស៊ុលសហរដ្ឋអាមេរិក នៅភាគនិរតីនៃទីក្រុង Chengdu បន្ទាប់ពីទីក្រុងវ៉ាស៊ីនតោនបានបញ្ជាឲ្យបិទស្ថានកុងស៊ុល របស់ប្រទេសចិន នៅក្នុង ទីក្រុង Houston។</span></p>
<p><span style="color: #000000;"><br /><a class="thickbox" title="" href="/FileManager/Commons/2020/7/24/image20200724t074331205z-24-07-2020--15-14-53.png"><img src="/FileManager/Articles/mce/2020/7/24/image20200724t074331205z-24-07-2020--15-14-53.png" alt="" /></a><br /></span></p>
<p><span style="color: #000000;">ក្រសួងការបរទេស បាននិយាយនៅក្នុងសេចក្តីថ្លែងការណ៍មួយថា នេះជាវិធានការឆ្លើយតប មិនសមហេតុផលរបស់សហរដ្ឋអាមេរិក។</span></p>
<p><span style="color: #000000;">ក្រសួងការបរទេសចិន ក៏បានជូនដំណឹងដល់ស្ថានទូតអាមេរិកប្រចាំ នៅប្រទេសចិនអំពីការសម្រេចចិត្តដកហូតការព្រមព្រៀងរបស់ខ្លួន សម្រាប់ការបង្កើត និងប្រតិបត្តិការរបស់អគ្គកុងស៊ុលអាមេរិកប្រចាំ នៅ Chengdu ។</span></p>
<p><span style="color: #000000;">ក្រសួងការបរទេសចិន បានអោយដឹងផងដែរថា៖ “ ក្រសួងបានបញ្ឈប់រាល់ប្រតិបត្តិការ និងព្រឹត្តិការណ៍ទាំងអស់ ដោយអគ្គកុងស៊ុលមួយនេះ” ហើយស្ថានភាពបច្ចុប្បន្ន នៅក្នុងទំនាក់ទំនង ចិន - អាមេរិក មិនមែនជាអ្វី ដែលចិនចង់ឃើញនោះទេ ហើយសហរដ្ឋអាមេរិកត្រូវ ទទួលខុសត្រូវ ចំពោះបញ្ហាទាំងអស់នេះ»។ទោះជាយ៉ាងនេះក្តី ប្រទេសចិនក៏បានទទូចដល់សហរដ្ឋអាមេរិកជាថ្មីម្តងទៀតឱ្យឆ្លើយតប និង“ បង្កើតលក្ខខណ្ឌចាំបាច់សម្រាប់ទំនាក់ទំនងទ្វេភាគីឱ្យវិលមករកភាពប្រក្រតីវិញ” ។</span></p>
<p><span style="color: #000000;">សូមរំលឹកផងដែរថា កាលពីដើមសប្តាហ៍នេះ សហរដ្ឋអាមេរិក បានផ្តល់ពេលវេលាដល់ប្រទេសចិនចំនួន ៧២ ម៉ោងដើម្បីបិទស្ថានកុងស៊ុលរបស់ចិន នៅ Houston ដោយការចោទប្រកាន់ពីបទធ្វើចារកម្ម ដែលការនេះ បង្ហាញពីការធ្លាក់ចុះយ៉ាងខ្លាំងនៅក្នុងទំនាក់ទំនងរវាងប្រទេសដែលមានសេដ្ឋកិច្ចធំជាងគេទាំងពីរ៕</span></p>
<p><span style="color: #000000;">ប្រែសម្រួល៖ ផាន់ណា</span></p>
<p><span style="color: #000000;">ប្រភព៖ Channael News Asia</span></p>
<p> </p>