<p><span style="color: #000000;"><strong>(ភ្នំពេញ)៖</strong> ក្នុងព្រះរាជពិធីបុណ្យអុំទូក បណ្ដែតប្រទីត អកអំបុក និងសំពះព្រះខែ រយៈពេល៣ថ្ងៃនេះ សាលារាជធានីភ្នំពេញ និងស្ថាប័នពាក់ព័ន្ធ បានប្រមូលសំរាម ជិត៦ពាន់តោន ហើយចំនួននេះមិនទាន់អស់នៅឡើយទេ, នេះបើតាមការឲ្យដឹងពី លោក មាន ចាន់យ៉ាដា អ្នកនាំពាក្យសាលារាជធានី ប្រាប់អង្គភាព Fresh News នៅព្រឹកថ្ងៃទី១៦ ខែវិច្ឆិកា ឆ្នាំ២០១៦។</span></p>
<p><span style="color: #000000;">លោក មាន ចាន់យ៉ាដា បានបញ្ជាក់យ៉ាងដូច្នេះថា<strong> «ក្នុងរយៈពេល៣ថ្ងៃនេះ សំរាមដែលយើងបានប្រមូលទៅទីលាន(ចាក់សំរាម) មានចំនួនជាង ៥,៩០០តោន ហើយសំរាមដែលចេញភាគច្រើន គឺជាសំរាមដែលកើតចេញពីបងប្អូនប្រជាពលរដ្ឋ ដែលដើរកម្សាន្ដពេលបុណ្យអុំទូក មិនមែនជាសំរាមចេញពីផ្ទះ ប្រជាពលរដ្ឋនោះទេ ហើយសំរាមនេះមាននៅតាមផ្លូវសាធារណៈ និងសួនច្បារ ហើយនៅសល់ខ្លះទៀត»</strong>។</span></p>
<p><span style="color: #000000;">លោកបានបន្ថែមថា ក្រោយបញ្ចប់បុណ្យអុំទូក ពេលនេះអាជ្ញាធរកំពុងរៀបចំបោសសម្អាត នៅតាមទីធ្លាសាធារណៈនានា ដើម្បីប្រមូលសំរាមដែលនៅសេសសល់នោះហើយ។</span></p>
<p><span style="color: #000000;">សូមបញ្ជាក់ថា នៅព្រឹកថ្ងៃទី១៦ ខែវិច្ឆិកា ឆ្នាំ២០១៦នេះ លោក គួច ចំរើន ប្រធានគណៈបញ្ជាការឯកភាពខណ្ឌដូនពេញ ក៏បានដឹកនាំកម្លាំងសន្ដិសុខ សហការជាមួយ ក្រុមហ៊ុនសន្ដិសុខ<strong> «លីប្រា»</strong>, យុវជនកាកបាទក្រហមកម្ពុជា, បុគ្គលិកហាងព្រឹលគ្រប់រដូវ ប្រមាណជាង១០០នាក់ បានបើកយុទ្ធនាការដើរប្រមូលសំរាម ក្រោយបញ្ចប់ព្រះរាជពិធីបុណ្យអុំទូក បណ្ដែតប្រទីត អកអំបុក និងសំពះព្រះខែ នៅចំណុចសួនមុខព្រះបរមរាជវាំង និងសួនមាត់ទន្លេផងដែរ។</span></p>
<p><span style="color: #000000;">ក្នុងនាមអាជ្ញាធរ លោក មាន ចាន់យ៉ាដា បានអំពាវនាវ ដល់ប្រជាពលរដ្ឋជួយថែរក្សាអនាម័យឲ្យបានទាំងអស់គ្នា ដើម្បីកាត់បន្ថយសំរាម ហើយត្រូវចោលសំរាមក្នុងធុង មិនត្រូវចោលពាសវាលពាសកាលនោះទេ ហើយក៏មិនត្រូវដាក់បន្ទុក ទៅភាគីណាដែរ។ ប្រសិនបើពលរដ្ឋមិនចូលរួមនោះទេ ទោះបីសាលារាជសាលាធានី និងស្ថាប័នពាក់ព័ន្ធ ខំបង្កើត សមត្ថភាពប៉ុណ្ណា ក៏មិនឈ្នះក្នុងការប្រមូលនោះដែរ បើគ្មានការចូលរួមពីពលរដ្ឋ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-26-24-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-26-24-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-26-24-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-26-33-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-26-33-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-26-33-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-26-33-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-26-33-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-08-12-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-08-12-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-08-12-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-08-12-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-08-13-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-08-13-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-11-16-10-08-13-6.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>