<div>
<p><span style="color: #000000;"><strong>(ភ្នំពេញ)៖</strong> តារាសម្តែងប្រុសរូបសង្ហា លោក អ៉ឹម ជីវ៉ា ថ្មីៗនេះ បានផ្ទុះកំហឹងបញ្ចេញអារម្មណ៍ខឹងខ្លាំងៗ ទៅលើបុរសម្នាក់ដែលទំនង ជាអ្នកសិល្បៈ រួមអាជីពជាមួយគ្នា ខណៈបុគ្គលរូបនេះចូលធ្វើអ្វី គិតតែពីប្រយោជន៍ ដើម្បីយកមុខមាត់ខ្លួនឯង ដោយមិនគិតពីអ្នកដទៃ ដែលគេខំប្រឹងធ្វើនោះឡើយ។</span></p>
<p><span style="color: #000000;">តារាប្រុសលោក អ៉ឹម ជីវ៉ា បើតាមការកត់សម្គាល់កន្លងមក លោកពុំធ្លាប់មានកើតជម្លោះណាមួយ នឹងអ្នកផ្សេងៗ ឬអ្នកសិល្បៈដូចគ្នាទេ ក្រៅតែពីរឿងខិតខំ ធ្វើបុណ្យតាមរយៈសកម្មភាពមនុស្សធម៌ ជួយដល់សិល្បករបាត់បង់សមត្ថភាព និងមានជំងឺប្រចាំកាយនោះទេ។ ប៉ុន្តែថ្មីៗនេះ ស្រាប់តែតារាប្រុសលោក អ៊ឹម ជីវ៉ា បានបញ្ចេញប្រតិកម្ម បង្ហាញពីអារម្មណ៍ខ្លាំងជាសារធាណៈ នៅលើបណ្តាញសង្គមហ្វេសប៊ុកផ្ទាល់ខ្លួន ប្រាប់និងផ្តាំផ្ញើទៅភាគីនោះវិញថា «ខ្ញុំមិនដែលធ្វើអីប៉ះពាល់ ឬនិយាយដើមអាម្សៀរឯងឡើយ សូមកុំមកប៉ះពាល់ខ្ញុំឲ្យសោះ» ។</span></p>
<p><span style="color: #000000;">តាមរយៈខ្លឹមសារដដែលនេះ លោក អ៉ឹម ជីវ៉ា បានសរសេរទៀតថា «ឯងពីរ បីនាក់ខំធ្វើតាំងពីព្រឹកហត់ចង់ប្រកាច់ ស្រាប់តែល្ងាចដល់ម៉ោងស៊ីផឹក មានអាអ្នកមកយកមុខយកមាត់ ចុងក្រោយពេលចប់កម្មវិធីអីណា ម្ចាស់កម្មវិធីគេមិនអីទេ។ តែណាស់តែអាអែបអប យកមុខយកមាត់នឹងតើ ហើយនៅធ្វើចរិតខ្លួនឯងឡូយទៀត បើមិនចេះខ្មាស់គេ ក៏ត្រូវចេះខ្មាស់ខ្លួនឯងដែរ ។ តែគិតៗអាណិតអាម្សៀរមួយហ្នឹងដែរ ហេតុតែគ្នាក្រ គ្នាអត់បានខំធ្វើចឹង ដើម្បីឲ្យគេមើលមកថា ខ្លួនឯងអស្ចារ្យតែធាតុពិត...!»។</span></p>
<p><span style="color: #000000;">លោក អ៉ឹម ជីវ៉ា បានបន្តថា «មនុស្សគេយកសមត្ថភាពមកធ្វើការ គេមិនមែនយកមាត់មកដើរចាក់រុកនិយាយដើម ដឹកញីស៊ី(បន្ស៊ី)ឈ្មោលឡើយ ។ ខ្ញុំមិនដែលធ្វើអីបះពាល់ ឬនិយាយដើមអាម្សៀរឯងឡើយ សូមកុំមកប៉ះពាល់ខ្ញុំឲ្យសោះ ជាមនុស្សប្រុសតែធ្វើជាម៉ែយ៉ែមហើយ លាក់ការតិចទៅប្រយ័ត្នមានវាសនាដូចចែ មុំមីហ្គាស្សា។ សំណាងល្អហើយ យប់មិញយល់មុខម្ចាស់កម្មវិធីគេឃាត់ទាន់ សូមប្រាប់ឲ្យហើយណា កុំឲ្យកើតឡើងជាលើកទីពីរឲ្យសោះ ។</span></p>
<p><span style="color: #000000;">«ខ្ញុំនិយាយសំដៅ តែលើមនុស្សអាក្រក់តែប៉ុណ្ណោះ ហើយក៏មិនបានបញ្ចេញឈ្មោះដែរ កុំយកដាក់ខ្លួន កុំស៊ីលៀសរអៀសខ្លួន» ។ នេះជាសម្តីបន្ថែមចុងរបស់តារាប្រុស សកម្មភាពលើការងារស្វែងជំនួយ ជួយសិល្បករចាស់ៗ លោក អ៉ឹម ជីវ៉ា ៕</span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xtp1/v/t1.0-9/12832370_238268136505696_8010451772403943899_n.jpg?oh=4b1433052c4692492c74e1e76801b1ca&oe=575E5D10&__gda__=1465768742_b2e0c3ab2a79913b6cf5307411cf31f6" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlt1/v/t1.0-9/12814031_238268139839029_5612486260588526863_n.jpg?oh=66f1729f4288e8d1b2c5419a6a682741&oe=5754D961" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlt1/v/t1.0-9/12794611_238268163172360_27168325016770949_n.jpg?oh=2eee70478881eecbfc94e509466570ae&oe=575D3C43" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/12801614_238268166505693_3932973300724518153_n.jpg?oh=52550b07d876221b0d2dc0ac326166ee&oe=5796D948" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xal1/v/t1.0-9/12804620_238268133172363_4228924086792340078_n.jpg?oh=8fea5dbcdb759ec1b908003deb5df882&oe=57927FE3" alt="" width="730" /></span></p>
<p style="text-align: right;"><span class="a2a_kit a2a_kit_size_32 addtoany_list" style="line-height: 32px; color: #000000;" data-a2a-url="http://www.freshnewsasia.com/index.php/en/19431-2016-03-06-02-00-11.html" data-a2a-title="ឃាតកម្មសាហាវមួយទៀតហើយនៅសៀមរាប យុវជនល្មោភកាមរំលោភហើយសម្លាប់ កុមារីអាយុ១១ឆ្នាំម្នាក់"><a class="a2a_button_google_plus" rel="nofollow" href="http://www.freshnewsasia.com/#google_plus" target="_blank"><span class="a2a_label" style="color: #000000;"><br class="a2a_label" /></span></a>ផ្តល់សិទ្ធដោយ ៖ ហ្វ្រេសញូវអាស៊ី </span></p>
</div>