<div class="article-content">
<p><strong>ភ្នំពេញៈ</strong> ពិព័រណ៍វប្បធម៌ ចម្រុះជាតិសាសន៍ លើកដំបូងនៅកម្ពុជា ត្រូវបានរៀបចំឡើង នៅ<br />ក្នុងទិវាកុមារអន្តរជាតិ ថ្ងៃទី១មិថុនា ឆ្នាំ២០១៣ ក្នុងមណ្ឌលកម្សាន្ត ឌ្រីមលែនឌ៍ ដើម្បីបង្ហាញ<br />ដល់សាធារណជននានា សិក្សាស្វែងយល់ពីពិភពលោក មិនមែនត្រឹមតែប្រទេសកម្ពុជានោះទេ ។</p>
<p>ពិព័រណ៍នេះ ត្រូវបានរៀបចំ ដោយសិស្ស-និស្សិត នៃអង្គការសម្ព័ន្ធ យុវជនអន្តរជាតិ (IYS) <br />ក្រោមប្រធានបទ “ការស្វែងយល់ពីពិភពលោក ក្នុងរយៈពេលមួយថ្ងៃ” ដែលជាការលើកយក<br />មកបង្ហាញ ពីវប្បធម៌ និង របៀបរបបក្នុងការរស់នៅ របស់ប្រជាជននៅក្នុងតំបន់នានា លើពិភព<br />លោក ដូចជាវប្បធម៌អាស៊ី អឺរ៉ុប អាព្រិច អាមេរិក ជាដើម ។</p>
<p>យុវជន ឡា ឧត្តម ជានិស្សិតឆ្នាំទី៣ នៃសាកលវិទ្យាល័យ ភ្នំពេញអន្តរជាតិ ដែលបានស្ម័គ្រចិត្ត<br /> ចូលរួមរៀបចំ ពិព័រណ៍បរទេសនេះ បានឱ្យដឹងថា រូបគេបានចំណាយពេល អស់ប្រមាណ២សប្តាហ៍<br /> ដើម្បីស្រាវជ្រាវពីវប្បធម៌អាស៊ី ដែលក្នុងនោះមានប្រទេសសំខាន់ៗ ដូចជាចិន ជប៉ុន ជាដើម ដើម្បី<br />លើកយកមកបង្ហាញ ក្នុងពិធីតាំងពិព័រណ៍វប្បធម៌ មួយនេះ ។ ឧត្តម បាននិយាយថា “អ្នកខ្លះ គេអត់<br />បានទៅ (បរទេស) ឃើញផ្ទាល់ នោះទេ ហើយគេក៏អត់បានស្គាល់ ពីវប្បធម៌ប្រទេសផ្សេងៗនោះដែរ <br />ប៉ុន្តែបើគេមកចូលរួម ក្នុងពិធីពិព័រណ៍វប្បធម៌ គេអាចដឹងថា ប្រទេសណាមួយមានអ្វីខ្លះ គេមានរបៀប<br />របបរស់នៅបែបណា?” ។</p>
<p>ដោយឡែកយុវតី ជុំ ម៉ានី ជានិស្សិតឆ្នាំទី២ នៃវិទ្យាស្ថាន ប៊ែលធីអន្តរជាតិ ដែលបានលើកយក <br />វប្បធម៌ក្នុងទី្វប អាមេរិក យកមកបង្ហាញនោះ បានឱ្យដឹងថា រូបគេបានសំរិតសំរាំង ស្វែងរករបៀប<br />របប ក្នុងការរស់នៅ របស់ប្រជាជន ក្នុងប្រទេសមួយចំនួន ដូចជាកូឡុំបៀ និង ប៉េរូ ជាដើម ដែល<br />ក្នុងនោះ មានទាំងម្ហូបអាហារ សម្លៀកបំពាក់ សម្ភារៈប្រើប្រាស់ប្រចាំថ្ងៃ ដើម្បីបង្ហាញដល់ប្រជា<br />ពលរដ្ឋកម្ពុជា ។</p>
<p>លោក អ៊ី សេងលី អនុប្រធាន អង្គការសម្ព័ន្ធយុវជនអន្តរជាតិ (IYS) ដែលជាអ្នកផ្តួចផ្តើមរៀបចំ កម្មវិធី<br />នេះបានឱ្យដឹងថា ពិព័រណ៍វប្បធម៌អន្តរជាតិនេះ រៀបចំឡើងដោយសិស្ស និស្សិត និងប្រជាពលរដ្ឋខ្មែរ<br /> សុទ្ធសាធ ជាពិសេសយុវ់ជន ស្ម័គ្រចិត្តចូលរួម ក្នុងអង្គការ IYS ដែលអង្គការបានដឹកនាំ បង្ហាត់បង្រៀន<br /> ពួកគេទាំងស្មារតី និងចិត្តគំនិត ក្នុងរៀបចំកម្មវិធីពិព័រនេះឡើង។ លោកបន្ថែមថា កម្មវិធីនេះ ទើបតែ<br />បានបង្កើតឡើង ជាលើកទីមួយ ប៉ុណ្ណោះ ក្នុងប្រទេសកម្ពុជា ដើម្បីឱ្យយុវជនសិស្សានុសិស្ស និស្សិតខ្មែរ<br /> បានស្គាល់ពី វប្បធម៌ក្នុងលោក ដែលតាមរយៈ ការមកទស្សនានៅថ្ងៃនេះ ពួកគេអាចស្វែងយល់ ពីភាព<br />ខុសប្លែកៗគ្នា របស់វប្បធម៌ទាំងនោះ បានក្នុងពេលតែមួយ។</p>
<p>លោកមានប្រសាសន៍ថា “ការស្ម័គ្រចិត្តចូលរួម របស់យុវជន ក្នុងការបង្កើតពិព័រណ៍នេះ មានសារៈសំខាន់<br />ណាស់ គឺទាមទារឱ្យពួកគេស្មារតី និងចិត្តគំនិតល្អ ក្លាហាន ដែលមិនមែនបម្រើ ផលប្រយោជន៍ខ្លួនឯងទេ <br />តែបម្រើផលប្រយោជន៍អ្នកដទៃ នេះជាគោលបំណងសំខាន់ របស់អង្គការ IYS ដើម្បីឱ្យពួកគេក្លាយជា<br /> អ្នកដឹកនាំ ទៅថ្ងៃអនាគត” ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0036.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0037.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0038.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0039.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0040.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0041.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>