<p><span style="color: #000000;">កាលពីម្សិលមិញតុលាការក្រុងភ្នំពេញ បានផ្តន្ទាទោសអ្នករត់តាក់ស៊ីម្នាក់ ឲ្យជាប់ពន្ធនាគារ រយៈពេល ៦ ឆ្នាំពីបទប៉ុនប៉ងរំលោភសេពសន្ថវៈ។</span><br /><span style="color: #000000;"></span><br /><span style="color: #000000;">លោក ឡុង វណ្ណា ចៅក្រមស៊ើបសួរ នៃសាលាដំបូងរាជធានីភ្នំពេញ បានឲ្យដឹងថាជនជាប់ចោទឈ្មោះ ហម សុខវី អាយុ ២៤ ឆ្នាំ ជាអ្នករត់តាក់ស៊ីរស់នៅក្នុង សង្កាត់បឹងសាឡាង ខណ្ឌទួលគោក រាជធានីភ្នំពេញ។</span><br /><span style="color: #000000;"></span><br /><span style="color: #000000;">លោក សុខវី ត្រូវបានចោទប្រកាន់ពីបទប៉ុនប៉ងចាប់រំលោភ បន្ទាប់ពីការចាប់ខ្លួនលោកកាលពីថ្ងៃទី ១៧ ខែមីនា ឆ្នាំមុន។”តុលាការបានកាត់ទោសគាត់ឲ្យជាប់គុក ៦ ឆ្នាំ” និង បង្គាប់ឲ្យ លោក សុខវី ផ្តល់ប្រាក់សំណងចំនួន ៤ លានរៀល ដល់ជនរងគ្រោះផងដែរ។<br /><a class="thickbox" title="" href="/FileManager/Commons/2019/5/10/1-10-05-2019--11-31-55.PNG"><img src="/FileManager/Articles/mce/2019/5/10/1-10-05-2019--11-31-55.PNG" alt="" /></a><br />លោកព្រះរាជអាជ្ញារង តុប ឈុងឡុង បានឲ្យដឹងកាលពីថ្ងៃទី ១៧ ខែមីនា ឆ្នាំមុន វេលាម៉ោង ១២ថ្ងៃត្រង់ថា លោក សុខវី បានល្បួងក្មេងស្រីអាយុ ១៨ ឆ្នាំម្នាក់ ឲ្យទៅបាក់ខែងជាមួយគាត់។ តែគាត់បែរជានាំនាងទៅផ្ទះសំណាក់ អាល់ហ្វៃ នៅព្រែកលៀបទៅវិញ។<br /><br />លោក ឈុងឡុង បានមានប្រសាសន៍ថា ”បន្ទាប់ពីលោក សុខវី បាននាំជនរងគ្រោះចូលដល់ក្នុងបន្ទប់ផ្ទះសំណាក់មួយ ហើយគាត់បានចាក់សោទ្វារ និងចាប់រំលោភនាងតែម្តង”។ ”នាងបានព្យាយាមរើបំរាស់ ហើយបានរត់គេចខ្លួនពីកន្លែងកើតហេតុ និង ស្រែករកជំនួយពីអ្នកភូមិ ដែលរស់នៅក្បែរនោះឲ្យជួយ។ ”<br /></span></p>
<p><span style="color: #000000;">លោក ឈុងឡុង បានរៀបរាប់ថា លោក សុខវី បន្តដេញតាមពីក្រោយជនរងគ្រោះ ស្របពេល អ្នកភូមិ និងសម្មត្ថកិច្ចដែលប្រចាំការ នៅប៉ុស្តិ៍ ក្បែរនោះ បានលឺជនរងគ្រោះស្រែក ហើយក៏បានធ្វើអន្តរាគមន៍តែម្តង។ សម្មត្ថកិច្ចបានចាប់ខ្លួនលោក សុខវី និងរឹបអូសបានរថយន្តម៉ាកហ៊ីយ៉ាន់ដាយ មួយគ្រឿង និងទូរស័ព្ទរបស់គាត់ ៕</span></p>
<p><span style="color: #000000;"><a class="c_tab" href="https://www.khmertimeskh.com/" target="_blank"><img src="/FileManager/Articles/mce/2019/5/10/khmertime-10-05-2019--11-32-03.png" alt="" /></a><br /></span></p>
<p style="text-align: right;"><span style="color: #000000;">ប្រភព ៖ khmertimes</span></p>