<p><strong>ស្ទើរតែមិនគួរអោយជឿ ៖</strong> ស្ថិតនៅក្នុងវ័យ ៧៨ ឆ្នាំ លោកតា Walter Williams ក្រោយពីបាត់បង់ដំ ណើរប្រព្រឹត្តិទៅបាន ប្រព័ន្ធជីពចរ គាត់ត្រូវបានក្រុម វេជ្ជបណ្ឌិត អះអាងថា បានស្លាប់បាត់បង់ជីវិត កាលពីថ្ងៃពុធកន្លងទៅនេះ ។</p>
<p>តែដឹងអីថា រឿងអព្ហូតហេតុ ពិតជាបានកើតមានឡើងមែន ពោលបានធ្វើអោយមនុស្ស មានភាពភ្ញា ក់ផ្អើលជាខ្លាំង ខណៈវត្តមានលោកតា ខាងលើ បានរស់រានមានជីវិតឡើងវិញ អំឡុងពេលដែល ក្រុមការងារ កំពុងតែរៀបចំអប់សាកសពរបស់គាត់ ។</p>
<p><a class="thickbox" title="" href="/FileManager/Commons/2014/3/1/10-01-03-2014--09-18-40.jpg"><img src="/FileManager/Articles/mce/2014/3/1/10-01-03-2014--09-18-40.jpg" alt="" /></a></p>
<p>Eddie Hester ត្រូវជាក្មួយប្រុស លោកតា Williams បានផ្តល់ជាកិច្ចសម្ភាសន៍ ដល់ទីភ្នាក់ងារសារ ព័ត៌មាន ទូរទស្សន៍ WAPT-TV អោយដឹងថា ក្រុមការងារ អប់សព រួមទាំងគេ ផងនោះ ពិតជាមាន ភាពភ្ញាក់ផ្អើលជាខ្លាំង នៅពេលដែលបានឃើញ ចលនាកម្រើក នៅក្នុង ក្រណាត់វេចខ្ចប់ អប់សព នោះ ភ្លាមៗនោះ យើងខ្ញុំ ក៏បានបើកមើល នឹងរកអោយឃើញថា លោកតា ពិតជាមានចលនាពិត ប្រាកដមែន ។</p>
<p><a class="thickbox" title="" href="/FileManager/Commons/2014/3/1/11-01-03-2014--09-18-48.jpg"><img src="/FileManager/Articles/mce/2014/3/1/11-01-03-2014--09-18-48.jpg" alt="" width="500" height="402" /></a></p>
<p>លោក Dexter Howard ជាអ្នកវិភាគសាកសព បានផ្តល់ជាកិច្ចសម្ភាសន៍អោយដឹងថា លោកក៏មាន ភាពភ្ញាក់ផ្អើលដូចគ្នាដែរ ខណៈលោកបានហៅ ករណីខាងលើនេះ ជារឿង អព្ហូតហេតុ ។ គាត់សរ បញ្ជាក់បន្ថែមអោយដឹងថា គាត់ជឿថា ប្រព័ន្ធដំណើរបេះដូងលោកតា Williams លែងដំណើរការ បាត់ទៅហើយ តែដឹងអីថា វាបែរជា ចាប់ដំណើរការឡើងវិញ ។</p>
<p>រំពេចនោះក្រុមគ្រួសារលោកតា Williams ត្រូវបានគេកោះហៅ អោយមកជុំគ្នានៅឯមន្ទីរពេទ្យ ខណៈ លោកតា Williams បានភ្ញាក់ដឹងខ្លួន និងនិយាយថា ខ្ញុំពិតជាសប្បាយចិត្តខ្លាំងណាស់ ស្របពេល ដែលបានរស់សាជាថ្មីយ៉ាងដូច្នេះ។ គួររំឭកថា ករណីរឿងអព្ហូតហេតុខាងលើ បានកើតឡើងនៅក្នុង រដ្ឋ Mississippi សហរដ្ឋអាមេរិក ៕</p>
<p><object width="498" height="427" data="http://www.youtube.com/v/smGIT12bVV4&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/smGIT12bVV4&rel=1" /></object></p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយ</p>