<p><span style="color: #000000;"><strong>(ភ្នំពេញ)៖</strong> ទេសរដ្ឋមន្ដ្រី សេរី កុសល អនុប្រធានទី១ អាជ្ញាធរមីនកម្ពុជា បានបញ្ជាក់ប្រាប់អង្គភាព Fresh News ដោយបង្ហញនូវហេតុផលសំខាន់ៗ៣ចំណុច ដែលសហរដ្ឋអាមេរិក មិនអាចប្រែក្រឡះបាន ហើយត្រូវតែលុបបំណុលពីកម្ពុជា និងផ្តល់ជំនួយក្នុងការដោះមីន ដែលពួកគេបានទម្លាក់ លើកទឹកដីកម្ពុជាឲ្យអស់។</span></p>
<p><span style="color: #000000;"><strong>ហេតុផល៣ចំណុច ដែលលោកទេសរដ្ឋមន្ដ្រី បានលើកឡើងរួមមាន៖</strong></span></p>
<p><span style="color: #000000;">១៖ បំណុលដែលកម្ពុជាជំពាក់ គឺកើតឡើងក្នុងសម័យ ដឹកនាំដោយលោក លន់ នល់ ដែលជារដ្ឋាភិបាលមិនស្របច្បាប់ កើតឡើងពីរដ្ឋប្រហារ ទំម្លាក់សម្ដេច ព្រះបាទ នរោត្តម សីហនុ។ ដូច្នេះមិនត្រូវគិតបញ្ជូលបំណុល ជាមួយរាជរដ្ឋាភិបាលស្របច្បាប់ ដោយកើតឡើងពីការបោះឆ្នោតឡើយ។</span></p>
<p><span style="color: #000000;">ទី២៖ រដ្ឋាភិបាលរបស់លោក លន់ នល់ គឺជាការលើកបន្តុប ដោយសាហរដ្ឋអាមេរិកខ្លួនឯង ហើយជារដ្ឋភិបាលដែលរលាយ ដោយសារចាញ់សង្គ្រាម មិនមែនរលាយដោយការបោះឆ្នោតឡើយ ដូច្នេះហេតុអ្វីក៏បំណុលនេះ ត្រូវធ្លាក់មកលើរាជរដ្ឋាភិបាលជំនាន់ក្រោយ។</span></p>
<p><span style="color: #000000;">ទី៣៖ នៅសម័យរដ្ឋាភិបាលកម្ពុជា ប្រជាធិបតេយ្យ ឬរបបខ្មែរក្រហម ឡើងកាន់អំណាច ហេតុអ្វីបានសហរដ្ឋអមេរិក មិនព្រមទាមទារបំណុល ពីរដ្ឋាភិបាលនោះទៀត។ ពិសេសជាងនេះ នៅក្រោយថ្ងៃ៧ មករា ឆ្នាំ១៩៧៩ ខ្មែរក្រហមត្រូវបានអង្គការសហប្រជាជាតិ (UN) ទទួលស្គាល់ ជាសមាជិក ហេតុអ្វីពេលនោះ អាមេរិកមិនទារបំណុលទៅ ហើយទើបតែមកទាមទារ ពីរាជរដ្ឋាភិបាលបច្ចុប្បន្ន។</span></p>
<p><span style="color: #000000;">បញ្ហានេះ លោកទេសរដ្ឋមន្ត្រី ចាត់ទុកថា សហរដ្ឋអាមេរិកមានឈាមខ្មៅចំពោះកម្ពុជា និងជាប្រទេសមហាអំណាច ដែលគេចវេសមិនទទួលខុសត្រូវ នៅអំពើដ៏ព្រៃផ្សៃរបស់ខ្លួន។</span></p>
<p><span style="color: #000000;">លោកទេសរដ្ឋមន្ត្រី សេរី កុសល បានសម្ដែងនូវក្ដីខកចិត្តយ៉ាងខ្លាំង ចំពោះសហរដ្ឋអាមេរិក ដែលគេស្គាល់ជាប្រទេសមហាអំណាចពិភពលោក ប៉ុន្ដែបែរជាគេចវេសមិនទទួលខុសត្រូវ លើការទម្លាក់គ្រាប់បែក សម្លាប់ប្រជាពលរដ្ឋខ្មែរស្លូតត្រង់ ជាងកន្លះលាននាក់ ហើយបានបន្សល់ទុកនូវគ្រាប់បែក និងគ្រាប់មីនរាប់លានគ្រាប់កប់ ក្នុងដីប្រទេសកម្ពុជា។</span></p>
<p><span style="color: #000000;">ជាមួយគ្នានេះ លោកទេសរដ្ឋមន្រ្ដី សេរី កុសល បានសម្ដែងនៅក្ដីគាំទ្រយ៉ាងពេញទំហឹងចំពោះ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលបានថ្លែងចំនួន២លើក ដោយលើកទី១ក្នុង ពិធីបុណ្យសមុទ្រ ក្នុងខេត្តព្រះសីហនុ និងលើកទី២កាលពីពេលថ្មីៗនេះ ក្នុងឱកាសដែលសម្ដេចអញ្ជើញចូលរួម ក្នុងវេទិការសេដ្ឋពិភពលោក ដោយទាមទារឲ្យរដ្ឋាភិបាល របស់សហរដ្ឋអាមេរិកថ្មី លោក ដូណាល់ ត្រាំ ពិចារណាលុបចោលបំណុល ដែលកម្ពុជាជំពាក់ក្នុងសម័យ រដ្ឋាភិបាលមិនស្របច្បាប់ លន់ នល់ ប្រមាណជិត៤០០លានដុល្លារ។</span></p>
<p><span style="color: #000000;">លោកទេសរដ្ឋមន្រ្ដីបានថ្លែងយ៉ាងដូច្នេះថា<strong> «ក្នុងនាមខ្ញុំ ខ្ញុំចាត់ទុកថា បំណុលរបស់អាមេរិក គឺជាបំណុលឈាមសុទ្ធសាធ។ នៅពេលនេះហើយ ដែលខ្មែរគ្រប់រូបត្រូវមើលឃើញ ពីបេះដូងអាមេរិកាំងថា មានឈាមខ្មៅ ឬក្រហម។ ខ្ញុំជឿជាក់ថា ប្រជាជននៅក្នុងប្រទេស និងអាចក្រៅប្រទេសផងដែរ ដែលមានឈាមជ័រជាខ្មែរ បានឃើញច្បាស់ពីអាមេរិក ហើយបើអាមេរិកមានឈាមក្រហម ត្រូវទទួលខុសត្រូវចំពោះបញ្ហាដែលខ្លួន បានប្រព្រឹត្តិចំពោះប្រជាជនខ្មែរ»</strong>។</span></p>
<p><span style="color: #000000;">ជាមួយគ្នានេះដែរ លោកទេសរដ្ឋមន្រ្ដីបានលើកឡើងទៀតថា សហរដ្ឋអាមេរិក បើទោះបីដឹងថា ខ្លួនបានធ្វើឲ្យប្រទេសកម្ពុជារង នៅទុក្ខវេទានា ដោយសារការទម្លាក់គ្រាប់បែក រាប់លានគ្រប់យ៉ាងណាក្ដី ក៏ប្រទេសនេះ មិនដែលផ្ដល់ជំនួយដល់អាជ្ញាធរមីនឡើយ ដោយពួកគេធ្វើការ និងផ្ដល់ជំនួយទៅឲ្យតែអង្គការក្រៅរដ្ឋាភិបាលរបស់ពួកគេតែប៉ុណ្ណោះ ហើយរបាការណ៍ជំនួយ និងផ្ទៃដីដោះមីន គឺធ្វើឡើងស្រេចតែចិត្តពួកគេប៉ុណ្ណោះ។</span></p>
<p><span style="color: #000000;">លោកទេសរដ្ឋមន្រ្ដី សេរី កុសល បានលើកឡើងទៀតថា <strong>«បើសហរដ្ឋអាមេរិកជា ប្រទេសមហាអំណាចពិតប្រាកដ ហើយមានឈាមក្រហម មិនខ្មៅនោះ ត្រូវតែលុបបំណុល ដែលខ្ញុំចាត់ទុកថា ជាបំណុលឈាមពីកម្ពុជាចោល ហើយត្រូវផ្ដល់ជំនួយ ដើម្បីបោសសំអាតមីន និងជួយដល់ជនពិការ តាមរយៈអង្គការ UNDP របស់ពួកគេ ដើម្បីជួយជនរងគ្រោះ ដោយសារគ្រាប់មីន របស់សហរដ្ឋអាមេរិក ដែលបានទម្លាក់លើទឹកដីរបស់កម្ពុជា និងដោះគ្រាប់បែករបស់ពួកគេឲ្យអស់»</strong>។</span></p>
<p><span style="color: #000000;">លោកទេសរដ្ឋមន្រ្ដីក៏បាន សំដែងនូវសេចក្ដីជឿរជាក់ថា ប្រជាជនខ្មែរដែលមានឈាមជ័រ និងសញ្ជាតិជាខ្មែរច្បាស់ជា គាំទ្រយ៉ាងខ្លាំង ចំពោះប្រមុខរាជរដ្ឋាភិបាលកម្ពុជា ដែលទាមទារឲ្យអាមេរិកលុបចោល ឬបង្វែរជំនួយជួយដល់ប្រទេសកម្ពុជា។</span></p>
<p><span style="color: #000000;">បើតាមលោកទេសរដ្ឋមន្ត្រី សេរី កុសល ប្រទេសកម្ពុជា ត្រូវការជំនួយប្រមាណ៤០៦លានដុល្លារទៀត ដើម្បីបន្តសកម្មភាពដោះមីននៅកម្ពុជា ឲ្យអស់នៅរយៈពេល១០ឆ្នាំទៀត៕</span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-31-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-54-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-54-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-54-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-54-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-55-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-55-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-55-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-55-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-55-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-55-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-55-10.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-55-11.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-55-12.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-56-13.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-56-14.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-56-15.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-56-16.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-56-17.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-56-18.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-01-27-10-44-56-19.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>