<p>ព័ត៌មានអន្តរជាតិ ៖ តំបន់ដែលបានប្រកាស ឯករាជ្យខ្លួនឯង នៅភាគខាងកើតអ៊ុយក្រែន គឺសាធារ ណរដ្ឋដូណេតក៍ (DPR) បាននិយាយ កាល ពីថ្ងៃអាទិត្យ កន្លងទៅនេះថា ពួកគេបានបាញ់ទម្លាក់ យន្តហោះយោធាអ៊ុយ ក្រែនមួយគ្រឿងទៀតហើយ ប្រភេទ Su-25 Fighter Jet ។</p>
<p><a class="thickbox" title="" href="/FileManager/Commons/2014/8/4/001-04-08-2014--11-32-13.jpg"><img src="/FileManager/Articles/mce/2014/8/4/001-04-08-2014--11-32-13.jpg" alt="" /></a></p>
<p>ទីភ្នាក់ងារព័ត៌មានចិនស៊ិនហួ បានចេញ ផ្សាយ នៅថ្ងៃចន្ទ ទី០៤ ខែសីហា នេះទៀតថា យន្តហោះ ចម្បាំងនៃយោធាអ៊ុយក្រែន ត្រូវបានគេអះអាងថា ធ្លាក់នៅចន្លោះក្រុងម៉ាគីអ៊ីវកា និង តំបន់ដូណេត ក៍ ហើយការស្រាវជ្រាវរកសពពីឡុតនោះ កំពុងតែបន្តនៅឡើយដោយក្រុមឧទ្ទាមដូណេតក៍ ។</p>
<p><a class="thickbox" title="" href="/FileManager/Commons/2014/8/4/part-par-par7943917-1-1-0-04-08-2014--11-32-26.jpg"><img src="/FileManager/Articles/mce/2014/8/4/part-par-par7943917-1-1-0-04-08-2014--11-32-26.jpg" alt="" width="482" height="316" /></a></p>
<p>គួរបញ្ជាក់ថា Su-25 ត្រូវបានក្រុមឧទ្ទាមបាញ់ធ្លាក់ តាំងពីថ្ងៃសៅរ៍មកម្ល៉េះ ប៉ុន្តែក្រុមឧទ្ទាម ទើបតែ ផ្តល់ ព័ត៌មាន ទៅសារព័ត៌មានរុស្ស៊ី RIA Novosti ប៉ុណ្ណោះ កាលពីល្ងាចថ្ងៃអាទិត្យ ដោយសារតែខ្លួន ទើបរក ឃើញទីតាំងយន្តហោះធ្លាក់ពិតប្រាកដ ។</p>
<p>ឆ្លើយតប ចំពោះព័ត៌មាននេះ អ្នកនាំ ពាក្យ នៃក្រុមប្រឹក្សាការពារជាតិអ៊ុយក្រែនលោក អ៊ែនឌ្រីយ លី សេន កូ បានថ្លែងថា យន្តហោះ Su-25 របស់ កងទ័ពអាកាសអ៊ុយក្រែនចំនួន ២ គ្រឿង ហើយ ត្រូវ បាន បាញ់ ធ្លាក់ កន្លងមកពីសំណាក់គ្រាប់មីស៊ីល ដែលហោះចេញពីទឹកដីរបស់ ប្រទេសរុស្ស៊ី ប៉ុន្តែ ក្រសួង ការពារ ជាតិរុស្ស៊ី បានចេញមុខច្រានចោល ការលើកឡើងនេះ ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ដើមអម្ពិល</p>